04 Iyun 1 iyun Хalqaro bolalarni himoya qilish kuniga bag’ishlangan shaxmat va shashka musobaqasi

Joriy yilning 31 may kuni universitetimizda «1 iyun Хalqaro bolalarni himoya qilish kuni»ga bag’ishlab sportning shaxmat va shashka turi bo’yicha «Shaxmat-aql gimnastikasi» shiori ostida musobaqa tashkil qilindi.

Musobaqada universitetimiz xodimlarining farzandlari va an’anaga ko’ra universitetga biriktirilgan «Achaobod» va «Chimboy» mahallalaridan bo’lgan bolalar ishtirok etib o’zaro bellashdilar.

Musobaqada yigirmadan ortiq 7 yoshdan 12 yoshgacha bo’lgan bolajonlar shaxsiy birinchilik uchun kurash olib bordilar. Musobaqa ochko tizimda o’tkazilib, ishtirokchining yutgan, mag’lub bo’lgan va durrang o’ynaganligi hisobga ollindi.

Musobaqa juda shiddatli o’tdi va qatnashchilar uch guruxga bo’lindilar. Bir gurux shashka va ikki gurux shaxmat bo’yicha. Yakuniy natijalarga ko’ra quyidagi bolajonlar sovrinli o’rinlarni qo’lga kiritdilar:

Shaxmat:

Birinchi gurux:

– Abduvaliyev Saidbek 1 o’rin (Chimboy)

– Abdullajonov Usmon 2 o’rin (Chimboy)

– Jo’rayev Abdulbosit 3 o’rin (Chimboy)

Ikkinchi gurux:

– Xo’jaboyeva Madina 1 o’rin (universitet)

– Jo’rayev Davron 2 o’rin (universitet)

– Solixov Muhammadali (Achaobod)

Shashka:

– Xoliqov Muhammadsiddiq (Achaobod)

– Norbekov Odiljon (universitet)

– Axmadjonov Azlar (Achaobod)

Shundan so’ng bolajonlar uchun bayram dasturxoni yozilib barchalari taklif qilinib, shirinliklar  bilan mexmon qilindilar. Shuningdek musobaqada sovrinli o’rinlarni qo’lga kiritgan va faol ishtirok etgan bolajonlar faxriy yorliq va esdalik sovg’alari bilan taqdirlandilar.

Bolajonlar bizning kelajagimiz. Ularga e’tibor ko’rsatish va yuksak marralarni egallashlarida ko’mak berish biz kattalarning vazifamizdir!