25 Noy Debat 2018

Bugungi kunda yurtimiz ta’lim jarayonida yoshlar ongida mustaqil fikrlash va turli masalalarga tanqidiy yondoshishni shakllantirishga katta ahamiyat qaratilmoqda.Yoshlar o’rtasida tashkil etilayotgan ko’plab intelllektual tanlovlarning asosiy maqsadi ham aynan shunga qaratilgan.
Universitetimizda ilk bor tashkil etilgan “Debat 2018” tanlovi ham talaba yoshlar o’rtasida bugungi kunda nafaqat yurtimizda balki, dunyoda dolzarb bo’lgan mavzular bo’yicha ingliz tilida munozara yo’li orqali turli fikrlarni muhokama qilish, yoshlarimizda notiqlik va har tomonlama erkin fikrlashni rivojlantirish maqsadida o’tkazildi.
I bosqich talabasi Usmonjonov Azizullo va uning jamoasi tomonidan tashkil etilgan ushbu loyiha ko’plab talabalarda qiziqish uyg’otdi. Joriy yilning 7 noyabridan 16 noyabrigacha davom etgan munozara bahslarida universitetimizning turli bosqich talabalaridan iborat 8 ta: ”Speakers”, “Temurids” “Turon”, “R.A.N.”, “Justice”, “Future”, “IT”, “A.I.M” jamoalari ishtirok etishdi. Qizg’in bahs-munozaralarga boy bo’lgan ushbu tanlovda datlabki o’yinlarda g’olib bo’lib, final bosqichiga yo’llannmani qo’lga kiritgan “R.A.N.” hamda “Future” jamoalari ishtirok etdilar va yig’ilganlarga ajoyib final o’yinini namoyish etdilar.
Final o’yinining natijasiga ko’ra Rahmatullo Amirov, Ahmadullo Nurmahamatov, Nazir Normuradov kabi II bosqich talabalaridan iborat “R.A.N.” jamoasi g’oliblikni qo’lga kiritdilar. G’olib jamoaga universitet rahbariyati tomonidan sertifikatlar taqdim etildi.