11 Dek OITSga qarshi kurashish davr taqqozosi

OITS hamda ushbu global epidemiyaning insoniyat hayotiga ko’rsatayotgan xavfi borasida jamoatchilikni xabardor qilish hozirgi kunda butun dunyodagi eng global muammolardan biri hisoblanadi.
2018 yil 6 dekabr kuni universitet katta majlislar zalida Respublika OITSga qarshi kurashish markazi bilan hamkorikda “1-dekabr Butunjahon OITSga kurashish kuni” munosabati bilan “OITSga qarshi kurashish davr taqqozosi” mavzusidagi davra suhbati bo`lib o`tdi. Tadbirni universitet yoshlar bilan ishlash bo’yicha prorektor A.Ashurov kirish so’zi bilan ochib berdi va tadbir ishtirokchilarini talaba-yoshlarga tanishtirib o`tdi.
Respublika OITSga qarshi kurashish markazi vrach-epidemiologi Rashitova Shoxista Maxamatovna OITS kasalligining kelib chiqishi tarixi, virusning tuzulishi, OIV yuqish ehtimoli va uning yuqish yo`llari, OIV infektsiyasini klinik belgilari va kechishi, uning bochqichlari, kasallikdan qanday saqlanish mumkinligi, Respublikamizda faoliyat ko`rsatayotgan OITS ga qarshi kurash markazlari va ularning faoliyati haqida talaba-yoshlarga batafsil gapirib berdi.Umuman olganda, tibbiy madaniyatni oshirish va sog’lom turmush tarzini yo’lga qo’yish kasallikka chalinmaslikning garovi ekanligi ta’kidlandi.
Ochiq muloqot tarzida o’tgan ushbu tadbir talabalarda katta qiziqish uyg`otdi. Uchrashuv davomida talaba-yoshlar o`zlarini qiziqtirgan barcha savollar bilan mutaxassisga murojaat qilishdi va kerakli maslaxatlarni olishdi.