25 Yan O’quvchilarni kasb-hunarga yo’naltirish

Toshkent shahridagi Uchtepa tumani 38-sonli umumiy o’rta maktab direktori G.M.Quchqorova va universitet rektori K.A.Sharipov rahbarligida o’quvchilarni kasb hunarga yo’naltirish loyihalari asosida universitet Axborot-resurs markazi, Mexatronika laboratoriyasi va Texnoparkida masterklass darslari tashkil etildi. Bu mahorat darslarida 11-sinf o’quvchilarini kasb-hunarga yo’naltirish va mehnat ta’limidan kompleks tushunchalar o’rgatildi.

Maktab o’quvchilariga ayniqsa rabototexnika, mashinasozlik, elektronika, arxitektura va dizayn yo’nalishlari bo’yicha olgan bilimlari ularning kasbiy qiziqish va qobiliyatlarini oshirishga xizmat qiladi. Universitet muhandisi A.Xudayberganov universitetda keying vaqtlarda olingan yangi loyihalar, yaratilgan robotexnika ishlanmalar va konstruktorlik natijalarni o’quvchilarga tanishtirib berdi.

Universitet Texnoparkida GM-Uzbekistan, MAN, CLASS kompaniyalar bilan hamkorlikda tashkil etilgan eng zamonaviy mashinasozlik o’quv-amaliy laboratoriyasi jihozlarini ishlatish, yangi avtomobil avlodlari bilan tanishishgan o’quvchilar kasbiy qiziqishi va ijodiy qobiliyatini oshirishga imkoniyat yaratdi.

Hozirgi kunda 10-11 sinflarda kasb-hunarga o’rgatishni ta’minlash dolzarb masalalardan biri bo’lib turmoqda, jumladan universitetda iste’dodli yoshlarni kashf etish, ularni har tomonlama qo’llab-qo’vvatlash va rag’batlantirishga qaratilgan ishlarni amalga oshirish, intelektual va ijodiy qobiliyatini rivojlantirishga qaratilgan ishlarni amalga oshirish, intelektual va ijodiy qobiliyatini rivojlantirishga ko’maklashadigan turli fan olimpiadalarini tashkil etmoqda.