05 Mar Notiqlik san’ati sirlari

Universitetimizda 28 fevral kuni O‘zbekiston Respublikasi Fanlar akademiyasi mukofotining laureati va “Eng yaxshi voiz” Respublika ko‘rik-tanlovining sovrindori, filologiya fanlari nomzodi, Antique world — “Antik dunyo” Xalqaro ilmiy akademiyasining akademigi, dotsent va notiq “Noqtiqlik san’ati akademiyasi” rahbari Rahimboy Jumaniyozov  bilan  uchrashuv bo’lib o’tdi. Unda universitetimiz professor-o’qituvchilari, xodimlar va talabalar ishtirok  etishdi.

Ochiq muloqot tarzida tashkil etilgan ushbu tadbirda Rahimboy Jumaniyozov  yig’ilganlarga so’zning kuchi, so’zlash  madaniyati va bugungi kunda muloqot jarayonida biz qo’llayotgan so’zlarning mohiyati to’g’risida gaprar ekan, notiqlik san’atiga qadimdan alohida ahamiyat berilganligini ta’kidlab o’tdi. Shuningdek, ta’lim jarayonida so’zlash, tinglash va anglashning nafaqat talabalar balki o’qituvchilar uchun ham muhim ekanligini misollar yordamida tushuntirib berdi.

Ushbu tadbirning yana bir mehmoni O’zbekiston Yozuvchilar uyushmasi a’zosi, “Mehnat shuhrati” va “El-yurt hurmati” ordenlari sohibi adib   Farmon Toshevning talabalar bilan o’tkazgan interaktiv o’yinlari hamda nutqning ta’sirchangligi to’g’risidagi samimiy suhbati yig’ilganlarda  katta taassurot qoldirdi.

Bundan tashqari tadbirda bugungi kundagi global muammolar xususan, terrorizm, odam savdosi  va giyohvandlik kabi  salbiy illatlar, va ularning ta’siriga tushib qolayotgan yoshlarning ayanchli qismatlari xususida fikrlar bildirildi va talabalarga aynan giyohvandlikning mudhish oqibatlari to’g’risida hikoya qilingan “Qora ilon” nomli film namoyish etildi.