Joriy yilning 27 sentabr kuni Germaniyaning Janubiy Turingiya biznes-delegatsiyasining O‘zbekistonga tashrifi dasturi doirasida Janubiy Tyuringiya Savdo-sanoat palatasi prezidenti boshchiligidagi delegatsiya Toshkent shahridagi Turin politexnika universitetiga tashrif buyurdi. Tadbir davomida mehmonlarga universitetning moddiy texnik bazasi, talabalarga yaratilgan imkoniyatlar, innovatsiyalarni qo’llab quvvatlash uchun yaratilgan texnika va laboratoriya markazlari faoliyati yaqindan tanishtirildi.

Shuningdek, TTPU va Simson Private Akademie (Germaniya) hamkorligi doirasida professional ta’lim yo’nalislari bo’yicha o’qitish bo’yicha imzolangan memorandumga asosan boshlangan o’quv kurslari tinglovchilari bilan davra suhbati tashkil qilindi. Davra suhbatida delegatsiya tarkibidagi SPA akademiyasi rahbari Mr. Max Reumschüssel hamda ish beruvchi tashkilot vakillari ishtirok etishdi. Uchrashuv davomida, hamkorlikda tashkil qilingan o’quv kurs tinglovchilari loyiha bilan bog’liq barcha savollariga to’g’ridan-to’g’ri Germaniyalik vakillaridan javob olish imkoniyatiga ega bo’lishdi.

Tashrif davomida Turingiya biznes-delegatsiyasi va universitet rahbariyati o’rtasida uchrashuv tashkil qilinib, hamkorlikning keyingi bosqichlari muhokama qilindi.

2023-yilning 22-30-sentabr kunlari, Toshkent shahridagi Turin politexnika universiteti Italiyaning Triest shahridagi Xalqaro nazariy fizika markazi, O‘zbekiston fizika jamiyati va Buxoro davlat universiteti bilan hamkorlikda “Zamonaviy kvant fanidagi yangi tendensiyalar: yangi funksional materiallardan kvant texnologiyalarigacha” mavzusidagi xalqaro yozgi maktab bo‘lib o‘tmoqda

Ushbu Yozgi maktabning asosiy e’tibori zamonaviy kvant sohasidagi ilg’or g’oyalar, yangi natijalar, dolzarb muammolar va kelajak istiqbollariga qaratilgan bo’lib, kvant materiallari va ularning kvant texnologiyalarida qo’llanilishiga alohida e’tibor qaratiladi. Bu fizika va texnologiya sohasidagi yangi va ilg’or tadqiqot yo’nalishi bo’lib, kvant hisoblash, kvant zondlash, kvant kriptografiyasi, yuqori texnologiyalarda qo’llaniladigan chigal holatlar, kvant superpozitsiyalari, tunnel va kvant shovqinlari kabi kvant mexanik hodisalaridan foydalanishga qaratilgan.

Ushbu tadbirda yosh tadqiqotchilar (jumladan, bakalavr va magistratura talabalari, yosh tadqiqotchilar), shuningdek, kondensatsiyalangan moddalar fizikasi, materiallari va texnologiyalarining turli jihatlari bo‘yicha ish olib borayotgan rivojlanayotgan mamlakatlar olimlarining keng auditoriyasiga qaratilgan qator ma’ruzalar tinglanadi. fan, statistik va kimyoviy fizika. Mehmon o’qituvchilar tadqiqot sohasida xalqaro miqyosda tan olingan mutaxassislardir. Ma’ruzalar Markaziy va Janubi-Sharqiy Osiyo, Kavkaz va Yaqin Sharqdagi rivojlanayotgan mamlakatlarning yosh ishtirokchilari tomonidan qisqa taqdimotlar bilan to’ldiriladi.

Tadbir shuningdek, yuqoridagi mintaqalar tadqiqotchilarining Yevropa, AQSh, Yaponiya va boshqa rivojlangan mamlakatlardagi xalqaro akademik hamjamiyat bilan hamkorligini mustahkamlashga yordam beradi.

TTPU, ERAMCA ERASMUS + 2-bosqich magistrantlari tarixiy obidalarni restavratsiya qilish bo‘yicha olgan nazariy bilimlarini amaliyotda muvaffaqiyatli mustahkamlamoqdalar.

2023-yilning 18-22-sentabr kunlari, talabalar Germaniyaning Kvedlinburg markazi mutaxassislari va restavratorlari nazorati ostida Xivadagi Juma masjidlarini yog‘och qurilishini qayta tiklash loyihalarida faol ishtirok etdilar.

Loyiha davomida quyidagi restavratsiya ishlari amalga oshirildi:

• Tarixiy ustun va eshikni qayta tiklash

• Shikastlangan qismlarni yo‘q qilish va yangi fitting qismlarini ishlab chiqarish

• Tarixiy yog’och karkas konstruktsiyasini tiklash

• Tarixiy rasmni qayta tiklash, tarixiy retsepti asosida ekologik ranglarni aralashtirish

Joriy yilning18-22 sentyabr kunlari, Samarqand shahrida “Mikro va nanodunyo uchun matematika: Soliton dinamikasi, nochiziqli optikadan kvant texnologiyalarigacha” mavzusidagi xalqaro konferensiya bo‘lib o‘tib, ushbu konferensiyaning maqsadi – optika, optoelektronika va kvant texnologiyalarida qo‘llanilishi mumkin bo‘lgan kichik o‘lchamli sohalarda evolyutsion tenglamalarga e’tibor qaratgan holda, matematik fizikada kam o‘rganilgan va yaqinda paydo bo‘lgan keng ko‘lamli muammolarni taqdim etish va muhokama qilishdir. Ushbu mavzularning kondensirlangan muhitlar fizikasi, nochiziqli va kvant optikasi, optoelektronika, kvant funksional materiallari va zamonaviy kvant fani va texnologiyasining boshqa sohalarida qo‘llanilishiga alohida e’tibor beriladi.

Fizikaning turli ilg’or sohalarida erishilgan so‘nggi yutuqlar va uning kvant texnologiyalarida amaliy qo‘llanilishi fizikada qo‘llanilishi bilan qisman differensial tenglamalarning matematik fizikasi va differentsial operatorlarning spektral nazariyasidagi bir qancha murakkab muammolarni keltirib chiqaradi. Kondensirlangan muhitlar fizikasi, kvant materiallari, nochiziqli optika, muhit to‘lqinlari fizikasi va PT-simmetrik fizikasida yuzaga keladigan murakkab matematik muammolarning keng doirasi bo‘yicha taklif etilgan ma’ruzachilar va ularning yalpi ma’ruzalari orqali muhokama qilinadi. Konferensiyada taqdim etilgan ma’ruzalar optik va kvant jarayonlarini boshqarish, optik va kvant funksional materiallarning xususiyatlarini optimallashtirish, optik va optoelektronik qurilmalarni miniatyuralashtirish, fizik jarayonlarni evolyutsion tenglamalar yordamida modellashtirish kabi muammolar va istiqbollarga qaratilgan.

Anjumanda Germaniya, Chexiya, Italiya, Fransiya, Qozog‘iston va boshqa mamlakatlarning yetakchi olimlari ishtirok etadi.

Anjuman Toshkent shahridagi Turin politexnika universiteti, Samarqand davlat universiteti va O‘zbekiston fizika jamiyati hamkorligida tashkil etilgan.

AQSHga amaliy tashrif doirasida O‘zbekiston Respublikasi Prezidenti 18 sentyabr kuni Qo‘shma Shtatlarda yashayotgan va ishlayotgan bir guruh vatandoshlarimiz hamda ushbu mamlakatning yetakchi oliy taʼlim dargohlarida tahsil olayotgan “El-yurt umidi” jamg‘armasi stipendiatlari bilan uchrashdi

Jumladan, uchrashuvda Toshkent shahridagi Turin Politexnika universitetida tahsil olgan, “El-yurt umidi” jamg’armasi stipendiatlari, hozirda Pittsburg davlat universiteti magistranti Jasurbek Qaynarbekov hamda Arizona davlat universiteti talabasi Saidakbarkhon Pulatov ham qatnashgan.

2023-yil 15-sentyabr sanasidan 19-sentyabr sanasiga qadar Italiyadagi Politecnico de Torino universiteti bilan hamkorlik aloqalarini rivojlantirish, yangi 2023/2024 o‘quv yiliga tayyorgarlik jarayonlarini kelishib olish hamda JUVENTUS F.C.S.p.A. (Italiya Respublikasi) akademiyasi bilan kelgusi rejalarni muhokama qilish va universitet qoshidagi Yuventus akademiyasining bir guruh yosh tarbiyalanuvchilarini u Italiyada tajriba almashinish masalalarini hal qilish maqsadida, Toshkent shahridagi Turin politexnika universiteti rektori J.Sh.Inoyatxodjayev, Strategik rivojlantirish va xalqaro aloqalar bo‘limi mutaxassisi – T.F.Maxamatxo‘jayev bilan birga Italiya Respublikasiga xizmat safariga jo‘nab ketadi.

Joriy yilning 13-sentabr kuni Toshkent shahridagi Turin politexnika universitetida 1-bosqich talaba-yoshlari uchun “Yangi hayot uchun, yangi O’zbekiston uchun!” shiori ostida “Mustaqillik darsi” tashkil etildi. Tadbirga akademik, texnika fanlari doktori, professor, O‘zbekistonda xizmat ko‘rsatgan fan arbobi Qodirov Savar Muqadirovich tashrif buyurib, talabalar bilan samimiy ochiq muloqot tashkil etildi.
Tadbirni universitet rektori t.f.d, Jamshid Inoyatxodjaev kirish so‘zi bilan ochib berib, talabalarga yangi o‘quv yilida universitetda yaratilgan barcha shart-sharoitlardan unumli foydalangan holda, ilm cho‘qqilarini egallashda faol bo‘lishlariga chaqirib qoldi va kelgusi o‘qish va ishlarida muvaffaqiyatlar tiladi.
So‘ng, Savar Muqadirovich, 2023 yilning yurtimizda “Insonga e’tibor va sifatli ta’lim yili” deb e’lon qilinganligi, mamlakatimizda yosh avlod ta’lim va tarbiya sifati mamlakat taqdiri uchun hal qiluvchi ahamiyatga ega ekani ta’kidladi.

Shu bilan birga olim oʻzining bosib oʻtgan yoʻli, ilmiy faoliyati mavzusida qimmatli maʼlumotlar berib oʻtdi, muloqot talabalarda katta taassurotlar qoldirdi. Tadbir qizgʻin munozaralar va savol-javoblarga boy boʻldi.

Ma’lumot uchun: O‘zbekistonda xizmat ko‘rsatgan fan arbobi Sarvar Muqadirovich Qodirov oliy ta’lim tizimida 57 yildan buyon samarali mehnat qilayotgan, avtotransport, avtomobilsozlik va yo‘l kommunikatsiyalari sohalariga ulkan hissa qo‘shgan va qo‘shayotgan taniqli olimdir. S. M. Qodirovning 40ga yaqin risola, ocherk, qissa, roman va boshqa risolalari chop etilgan. Uning romanlari rus va ingliz tillarida Rossiya va Amerikada nashr qilindi. Olimning rahbarligida 3 fan doktori, 9 fan nomzodi va 20 dan ortiq magistrlar tayyorlangan.

O’zbekiston Respublikasi Davlat mustaqilligining 32 yillik bayrami munosabati bilan tizimdagi ma’naviy-ma’rifiy ishlari hamda talaba-qizlar bilan ishlash sohasidagi faolligi uchun Toshkent shahridagi Turin Politexnika universiteti Xotin-qizlar maslahat kengashi raisi Fariza Nabixanova Oliy taʼlim, fan va innovatsiyalar vazirining 2023-yil 30-avgustdagi 398-sonli buyrugʻiga asosan “Vazir faxriy yorlig’i” bilan taqdirlandi.
Fariza Nabixanovani ushbu muvaffaqiyat bilan universitet jamoasi nomidan samimiy tabriklab, kelgusi ishlarida ham rivoj tilaymiz!

Bugun, Mustaqilligimizning 32 yilligi munosabati bilan yurtimizning 16 ta hududida “Yangi hayot uchun, Yangi Oʻzbekiston uchun!”, “Bir mamlakatda, bir vaqtda, bir masofada, bir maqsadda – birga yuguramiz!” shiorlari ostida “Yangi nafas” yugurish marafoni bo‘lib o‘tdi.

Toshkent shahrining “Humo Arena” hududida oʻtkazilgan mazkur ommaviy sport tadbirida TTPU rahbariyati boshchiligida talabalar, professor-o‘qituvchilar hamda tyutorlar faol qatnashdi. Finishga etakchilar qatorida yetib kelgan ishtirokchilarga esdalik sovg‘alari topshirildi.
Mazkur oʻziga xos aksiyada 86 ta oliy taʻlim muassasasining 31 mingdan ortiq talaba-yoshlar qatnashdi.

2023 yil 21-26 avgust kunlari Toshkent shahridagi Turin politexnika universiteti (TTPU)ning professor-o‘qituvchi va xodimlari Germaniyaning Berlin texnika universiteti (Technische Universität Berlin)da xalkaro anjumanda ishtirok etdi. Anjumanda Yevropa universitetlari: Sorbonna Universiteti (Sorbonne Université, Parij); EXOLAUNCH kompaniyasi (Germaniya); Technical University Sofia (Bolgariya); AP Hogeschool (Artesis Plantijn Hogeschool Antwerpen) Antwerpen (Belgiya), Qozog‘iston, Ozarbayjon, Turkmaniston va O‘zbekistondan 6 ta universitet va institutlar: “Al-Horazmiy nomidagi Toshkent axborot texnologiyalar universiteti” (TATU) – loyiha koordinatori; “Farg‘ona politexnika instituti” (FarPI); “Toshkent davlat texnika universiteti” (TDTU); “Muhammad al-Xorazmiy nomidagi Toshkent axborot texnologiyalari universiteti Qarshi filiali”; “O‘zbekiston milliy universiteti” (O‘zMU); “Ulug‘bek nomidagi O‘zbekiston Respublikasi fanlar akademiyasi astronomiya instituti”; “Muhammad al-Xorazmiy nomidagi Toshkent axborotlar texnologiyalari universiteti qoshidagi pedagogik kadrlarni tayyorlash va malakasini oshirish tarmoq markazi” professor-o‘qituvchi va xodimlari ishtirok etdilar. Anjumanda universitet va institutlarda SPACECOM loyihasi (www.spacecom.uz) ning samarali amalga oshirilishi yuzasidan fikr almashdilar.

Hurmatli abituriyentlar, 2023-yil 26-avgust, shanba kuni “Menejment”yo’nalishi bo’yicha abituriyentlar ro’yxati va kirish imtihonining tegishli vaqtlari bilan tanishing. Iltimos, shaxsingizni tasdiqlovchi hujjat (pasport yoki ID) va kirish imtihoni uchun to’lov kvitansiyasini olib keling.

.Imtihon jarayonining shaffofligiga rioya qilish maqsadida, imtihonning oxirida natijalar har bir abituriyentning kompyuter ekranida ko’rsatiladi. Ertangi imtihonda o’tish ballidan yuqori, 15 balldan yuqori ball to’plagan abituriyentlar 28 avgustdan boshlab Marketing bo’limidan (102-xona) o’z shartnomalarini olishlari mumkin.

2023-yilning 16-19-avgust kunlari Toshkent shahridagi Turin Politexnika Universitetida elektrotexnika, hisoblash konvergensiyasi va ularning amaliyotda qo’llash bo‘yicha xalqaro konferensiya bo‘lib o‘tmoqda.

Gibrid formatda (offlayn va onlayn) o‘tayotgan konferensiyada elektrofizika va uni amaliyotda qo’llash, energiya taqsimotini nazorat qilish, sun’iy intellekt va tizim konvergensiyasi, yashil tabiatga zarar keltirmaydigan intellektual transport tizimlari, geomatik muhandislik hamda qurilish loyihalarini modellashtirish kabi mavzularga oid bir qancha ilmiy maqolalar va izlanishlar muhokama qilinishi ko’zda tutilgan.qaratilgan.

Xalqaro konferensiyaning asosiy tashkilotchilari:

• KIEE-Electro-physics & Application Society

• Koreya Milliy Transport Universiteti

• Toshkent shahridagi Turin Politexnika Universiteti,

• Turin Politexnika Universiteti (Italiya)

• Muxammad al-Xorazmiy nomli Toshkent Axborot texnologiyalari Universiteti

Joriy yilning 18 avgust kuni, TTPUda Elektrotexnika, hisoblash konvergensiyasi va ularning amaliyotda qo’llash bo‘yicha “International Conference on Electrical Engineering & Computing Convergence and Applications 2023” (ICEE-CCA 2023) xalqaro konferensiyaning ochilish marosimi bo’lib o’tdi.

Koreya kompyuter va axborot jamiyati raisining 1-o‘rinbosari Dr. Von-Ju Li, Toshkent axborot texnologiyalari universiteti birinchi prorektori Dr. Doniyor Yakhshibaev konferensiyani ochib beridi.Koreya Respublikasining O‘zbekistondagi vazir-maslahatchisi va Bosh konsuli Janob Jan Xyon Kuk, hamda Oʻzbekiston Respublikasi Innovatsion rivojlanish agentligi direktori Toʻychiyev Olimjon Alijonovich tabrik so‘zi bilan ishtirok etishdi.

Konferensiyaning davomida elektrotexnika, axborot texnologiyalari hamda muhandislik sohalarining turli tarmoqlarida faoliyat olib borayotgan mahalliy va xorijiy yetakchi tadqiqotchilar, o’qituvchi-professorlar, olim va mutaxassislar onlayn va oflayn ravishda o’z ilmiy ishlari va tadqiqotlari bilan ishtirok etdi.

Tadbir doirasida Korea sanoat korxonalari va mamlakatimizdagi innovatsion loyihalar ko‘rgazmasi ham tashkil etilib, mehmonlar u yerdagi loyihalar bilan yaqindan tanishish imkoniga ega bo’lishdi. Konferensiya o’z ishini sho’balarda davom etdi (oral session, poster session)

Shu bilan birga TTPU, Koreyaning Daejeon University va Korea Kompyuter axboroti jamiyati bilan birgalikda o’zaro hamkorlik to‘g’risida memorandum imzolandi.

Quyidagi yo’nalishlarda 2023-2024 o’quv yili uchun to’lov shartnoma miqdori o’zgarganini e’lon qilamiz

P.S. Agar o’quv shartnoma miqdorini to’liq to’lash 2023 yil 1-sentyabrgacha amalga oshirilsa, shartnoma miqdori 2022-2023 o’quv yili kabi bo’ladi (Italiya yo’nalishlar – 28,500,000, o’zbek yo’nalishlar – 19,200,000).

Yaponiyaning Denki Universiteti professori Yasushi Niitsu, hamda Yer fanlari va tabiiy ofatlarga chidamlilik milliy tadqiqot instituti professori, Chikahiro Minovalarga Toshkent shahridagi Turin politexnika universitetininig “Faxriy professori» unvoni berildi.

Professor Chikahiro Minova «Binolarning seysmik mustaqilligini tahlil qilish va kuchaytirish» mavzusidagi ilmiy ishlari bilan mashhur. Seysmik ustuvor binolar qurilishi bo‘yicha yaponiyaliklar tajribasini o‘rgatish, institutda tashkil qilingan laboratoriyalar faoliyatini yo‘lga qo‘yish kabi ko‘p yillik ilmiy loyihalarni Minova Chikaxiro boshchilik qilgan.

Quyida keltirilgan talabalar keyingi bosqichga o’tish uchun yetarlicha kredit to’play ololmaganlari sababli, tegishli kursda 2023-2024 o’quv yilidan qayta o’quvga qoldirildi !

FIRST LEVEL (BM-PY)

SECOND LEVEL (SE-AD-BM)

THIRD LEVEL (SE-AD)

2023-yil 31-iyul va 1-avgust kunlari Toshkent shahridagi Turin politexnika universitetida Yaponiyadan kelgan mutaxassislar ko‘magida “Tasvirga ishlov berish usullaridan foydalangan holda binolarning seysmik barqarorligini baholash” mavzusida ikki kunlik ilmiy seminar trening tashkil etildi.
Seminarga Farg‘ona politexnika instituti, Namangan muhandislik-texnologiya instituti, Toshkent arxitektura-qurilish universitetidan mutaxassislar va tadqiqotchilar taklif etildi.
Ushbu seminarga Tokio Denki universiteti professori Yasushi Niitsu va Yer fanlari va tabiiy ofatlarga chidamlilik milliy tadqiqot institutidan Chikahiro Minova taklif qilindi.
Seminar-treningda seminar ishtirokchilari va yapon professorlari birgalikda kichik bino modeli bilan tasvirni qayta ishlash tajribasini o’tkazdilar.

📣HURMATLI ABITURIENTLAR!
Toshkent shahridagi Turin Politexnika Universitetiga (“Biznes boshqaruvi – Menejment”) yo’nalishi uchun uchinchi faza kirish imtihonlariga ro’yxatdan o’tish BOSHLANDI!

❗️Ro’yxatdan o’tish muddati 2023-yil 23 avgustgacha.
✍️Imtihon sanasi: 2023 yil 26 avgust.

📞71-246-80-51; 71-246-80-52

I “Avtomatik boshqaruv va kompyuter” kafedrasiga quyidagi fanlar bo‘yicha:

1. Applied electronics and measurement (5 kredit)

2. Software Project Management (6 kredit)

3. Software quality assurance (6 kredit)

4. Software Architecture (6 kredit)

5. Basics of cybersecurity (6 kredit)

6. Software for Sustainable Development (6 kredit)

7. Digitalization (Digital Business Platforms) (6 kredit)

8. Human-computer interaction (8 kredit)  

9. Data Mining (6 kredit)

10. Mobile Apps (Native and Web) (6 kredit)

11. Game development (6 kredit)

12. Fundamentals of Technological Change (6 kredit)

13. Enterprise Data Management (6 kredit)

II “Arxitektura va Qurilish” kafedrasiga quyidagi fanlar bo‘yicha:

1. Construction Project Management (6 kredit)

2. Building Information and Modelling (BIM) (6 kredit)

3. Transportation Systems (6 kredit)

4. Building Planning and Design 3 (6 kredit)

5. Introduction to Urban Planning (6 kredit)

6. Architectural Conservation (6 kredit)

III “Menejment, Iqtisod va Gumanitar” fanlar kafedrasiga quyidagi fanlar bo‘yicha:

1. General Psychology (6 kredit)

2. Industrial Economics (6 kredit)

3. Principles of Macroeconomics (6 kredit)

4. Introduction to Business Law (6 kredit)

5. Entrepreneurship and Creativity in Art and Life (ELECTIVE) (6 kredit)

6. Labor Economics (ELECTIVE) (6 kredit)

7. Management and Organizational Behavior (6 kredit)

8. International Business (6 kredit)

9. Quantitative Decision Making (6 kredit)

10. Business Finance (6 kredit)

11. Quality Management (6 kredit)

12. Entrepreneurship and small business management (ELECTIVE) (6 kredit)

13. Fraud Examination (ELECTIVE) (6 kredit)

Eslatma 1 kredit 13-15 soatni tashkil qiladi.

Talabgorlarga bo‘lgan minimal talablar:

1) • Resume/C.V.

2) Magistr diplom

3) PhD diplomi

4) DSc diplomi

5) Ingliz tilini bilish darajasini tasdiqlovchi hujjat

Nomzodlarni saralash suxbat va ochiq dars orqali amalga oshiriladi. Universitet komissiyasi suxbatidan muvoffaqiyatli o‘tgan professor o‘qituvchilar ishqa qa’bul qilinadi.

Tanlovda qatnashishni xohlagan professor o‘qituvchilar 2023 yil 20 avgustga qadar quyidagi ilova orqali ro‘yxatdan o‘tishlari mumkin:

Murojaat uchun telefon: (71) 246-63-95

Toshkent shahridagi Turin politexnika universiteti jamoasi “Mashinasozlik va aviakosmik muhandisligi” kafedrasi professori, fizika-matematika fanlari doktori, universitet kengash a’zosi

SAIDOV ABDULLA ABDUNAZAROVICHning

vafoti munosabati bilan marhumning oila a’zolari va yaqinlariga hamdardlik bildirib, chuqur ta’ziya izhor etadi.

Abdulla Abdunazarovich uzoq yillardan buyon Toshkent shahridagi Turin Politexnika universitetida samarali faoliyat ko’rsatib kelgan. U kamtarin, mehnatsevar inson, mehribon ustoz, oqil rahbar sifatida hamkasblarining hurmatiga sazovor bo’lgan edi.