Hurmatli abituriyentlar,

2023-2024 oʻquv yili uchun

KIRISH IMTIHONLARIDAN MUVAFFAQIYATLI OʻTGANINGIZ BILAN TABRIKLAYMIZ!

Ushbu rasmiy e’longa alohida e’tibor berishingizni soʻraymiz! 2023-yil 18-may da bo`lib o`tgan kirish imtihoni natijalari bilan tarnishing.

2023-yil 13-Mart va 2023-yil 18-May kunlari boʻlib oʻtgan kirish imtihoni natijalariga koʻra, 2023-2024 o`quv yili uchun toʻliq va kutilayotgan grant nomzodlari bilan tarnishing:

FAKULTETLAR BO`YICHA TO`LIQ GRANTLAR(1-2-BOSQICH):

1. Avtomatik boshqaruv va kompyutermuhandisligi – 60.00 va undan yuqori to`plagan abituriyentlarga O’zbekiston Respublikasi Oliy ta’lim, Fan va Innovatsiyalar Vazirligi tomonidan TOʻLIQ GRANT ajratiladi. 55.00 dan yuqori to`plagan abituriyentlar Iyul oyidagi kirish imtihon natijasiga koʻra TOʻLIQ GRANT uchun koʻrib chiqiladi Agar ariza beruvchilar IELTS sertifikatiga ega boʻlmasa (kamida 5,5 ball), ular IELTS sertifikatini (kamida 5,5 ball) 2023-yil dekabr oyining oxiriga qadar topshirishlari kerak *.

2. Mashinasozlik / Avtomobilsozlik / Aerokosmik muhandisligi va Sanoat ishlab chiqarish texnologiyalari – 50.00 va undan yuqori to`plagan abituriyentlarga O’zbekiston Respublikasi Oliy ta’lim, Fan va Innovatsiyalar Vazirligi tomonidan TOʻLIQ GRANT ajratiladi. 40.00 dan yuqori to`plagan abituriyentlar Iyul oyidagi kirish imtihon natijasiga koʻra TOʻLIQ GRANT uchun koʻrib chiqiladi Agar ariza beruvchilar IELTS sertifikatiga ega boʻlmasa (kamida 5,5 ball), ular IELTS sertifikatini (kamida 5,5 ball) 2023-yil dekabr oyining oxiriga qadar topshirishlari kerak *.

3. Sanoatda qurilish muhandisligi va Arxitektura -40.00 va undan yuqori to`plagan abituriyentlarga O’zbekiston Respublikasi Oliy ta’lim, Fan va Innovatsiyalar Vazirligi tomonidan TOʻLIQ GRANT ajratiladi. 30.00 dan yuqori to`plagan abituriyentlar Iyul oyidagi kirish imtihon natijasiga koʻra TOʻLIQ GRANT uchun koʻrib chiqiladi Agar ariza beruvchilar IELTS sertifikatiga ega boʻlmasa (kamida 5,5 ball), ular IELTS sertifikatini (kamida 5,5 ball) 2023-yil dekabr oyining oxiriga qadar topshirishlari kerak *.

Bundan tashqari, May oyidagi qabul testiga ko’ra, natijalar to’rt toifaga bo’linadi:

BIRINCHI TOIFA:

50.00 va undan yuqori toʻplaganlar, toʻgʻridan-toʻgʻri ikkinchi kurs (First Level) ga qabul qilinadilar. Agar ariza beruvchilar IELTS sertifikatiga ega boʻlmasa (kamida 5,5 ball), ular IELTS sertifikatini (kamida 5,5 ball) 2023-yil dekabr oyining oxiriga qadar topshirishlari shart *.

IKKINCHI TOIFA:

20.00 va undan yuqori, ammo 50.00 dan past ball toʻplaganlar, toʻgʻridan-toʻgʻri ikkinchi kurs (First Level) ga qabul qilinadilar. Agar ular Iyun-Avgust oylarida tashkillashtiriladigan pullik intensiv kurslarni muvaffaqiyat tamomlasalar. Agar ariza beruvchilar IELTS sertifikatiga ega boʻlmasa (kamida 5,5 ball), ular IELTS sertifikatini (kamida 5,5 ball) 2023-yil dekabr oyining oxiriga qadar topshirishlari shart *.

* Agar abituriyent IELTS sertifikatini oʻz vaqtida taqdim etmasa, u avtomatik ravishda birinchi kurs (Preparatory Year) ga tushirib yuboriladi.

USHINCHI TOIFA:

10.00 va undan yuqori, ammo 20.00 dan past ball toʻplaganlar, IELTS sertifikatining mavjud yoki mavjud emasligidan qat’iy nazar, 2023-2024 oʻquv yilida birinchi kursga (Preparatory Year) qabul qilinadilar. Ushbu toifaga IELTS (kamida 5,5 ball) sertifikatini berish muddati – oʻquv yili soʻngiga qadar.

TO’RTINCHI TOIFA:

10 balldan kam ball toʻplaganlar belgilangan qabul chegarasidan oʻta olmaganlari sabab universitetga qabul qilinmadilar.

Shartnomalarni rasmiylashtirish Toshkent shahridagi Turin Politexnika Universiteti binosida 2023-yil 22-May soat 09:00 dan boshlab amalga oshiriladi.

Qabul komissiyasining ishi uchun mas’ul shaxslar:

Rektor – Inoyatxodjayev Jamshid Shuxratullaevich

Prorektor – Fulvio Rinaudo

Dekan – Abdullayev Farhod Bahramovich

Toshkent shahridagi Turin Politexnika Universiteti ma’muriyati ushbu roʻyxatdan tashqari shaxslarning faoliyati uchun javobgar emas.

Kerakli hujjatlar roʻyxati:
Ariza beruvchi pasportining asl nusxasi;
Ariza beruvchining ota-onasining pasport nusxasi.

Barcha savollar boʻyicha raqamlar:
71 246-80-51 / 52,
71 246 63 48

Elektron pochta: admission@polito.uz

Manzil: Kichik Kichik Halqa Yoʻli koʻchasi 17, Olmazor tumani, Toshkent 100095, Oʻzbekiston

Bugun, Oliy ta’lim, fan va innovatsiyalar vaziri, akademik Abdurahmonov Ibrohim Yulchiyevich Toshkent shahridagi Turin politexnika universitetida bo‘lib, talabalar uchun yaratilgan sharoitlarni ko‘zdan kechirdi.

Tashrif doirasida Ibrohim Yulchiyevich universitetning o‘quv auditoriyalari, sport kompleksi, texnopark, laboratoriya va startap loyihalari bilan yaqindan tanishdi.

Universitet rektori, texnika fanlari doktori Inoyatxodjayev Jamshid Shuxratullayevich vazirga universitet faoliyaitni tanishtirar ekan, so‘nggi yillarda ko‘p sohalar qatorida avtomobilsozlik va bu yo‘nalishda kadrlar tayyorlash borasida salmoqli ishlar qilinayotgani ta’kidlab, universitetning hozirgi holati va rivojlanish strategiyasiga (universitet ta’lim yo‘nalishlari, energiyatejamkor quyosh panellarini o‘rnatish borasidagi ishlar, spin-off kompaniyalari faoliyati, xalqaro a’loqalari va boshqalar) oid taqdimot qildi.

Shundan so‘ng, vazir universitetning professor-o‘qituvchilari bilan uchrashib, ular faoliyatidagi muammo va takliflari yuzasidan samimiy suhbat o‘tkazdi. Muloqot davomida pedagoglar tomonidan bildirilgan xalqaro loyihalar asosida xorijdan moddiy-texnikalarni olib kirishdagi qiyinchilik, ilmiy loyihalar uchun grant olishdagi muammolarni bartaraf etish yuzasidan mas’ullarga ko‘rsatma berilib, universitetni rivojlantirish bo‘yicha yo‘l xaritasini tuzishga kelishib olindi.

Vazir universitetda olib borilayotgan ishlarni ijobiy baholab, ilmiy va o‘quv faoliyatni yangi bosqichga olib chiqish, oliy va professional ta’lim integratsiyasini yo‘lga qo‘yish, yil yakuniga qadar kampusni quyosh penellari bilan ta’minlash borasida reja qilingan 270 kVtli elektr stansiyasini barpo etish yuzasidan taklif va topshiriqlar berdi.

Shu kuni, universitet talabala-yoshlari vazir bilan samimiy muloqot qilish imkoniyatiga ega bo‘ldilar. Vazir yoshlik va talabalik hayotidan misollar keltirib, talabalarning muvaffaqiyatlarga erishishlari uchun kuzatuvchanlik muhim ahamiyatga ega ekanligini, qolaversa, ayni shu davrda kerakli bilim olib, vaqtdan unumli foydalanish, doimo oldinga intilish muhimligi haqida ma’ruza qildi. 

– Olim yoki kuchli mutaxassis bo‘lish uchun faqat iqtidor bo‘lishi yetarli emas. Buning uchun kuzatuvchanlik va oldinga qo‘yilgan katta maqsadlarga intilish ham bo‘lishi zarur.

Talaba-yoshlar ham o‘z fikr va mulohazalarini bildirib, qator takliflarni berishdi. Jumladan, yoshlar uchun xorijda ilmiy stajirovkalarni yanada ko‘paytirish, universitetdan topshirilgan ilmiy grantlarni innovatsion va kreativ sohalarga yo‘naltirilgan loyihalar sifatida qo‘llab-quvvatlash, media loyihalarni rivojlantirish kabi takliflardan iborat bo‘ldi. Shuningdek, fotonika sohasini rivojlantirish orqali yurtimizda mikrochiplarni ishlab chiqarishni yo‘lga qo‘yish bo‘yicha tashabbus qo‘llab-quvvatlandi.

Tender muddati, tender universitetning internet portalida eʼlon qilingan kundan boshlab 20 kalendar kuni deb belgilanadi.

Ilovada

1. Binoning bosh plan loyihasi;

2. Arxitektura yechimi loyihasi:

3. Texnik shartlar;

4. Baholash meʼzonlari.

Tenderda ishtirok etish boʼyicha savollar yuzasidan universitet bosh muxandisi Eshmuratov Ilxom Аmanturdievichga murojaat qilish mumkin.Тел.: (98) 809 02 11.

Joriy yilning 27 aprel kuni, Toshkent shahridagi Turin politexnika universitetida an’anaviy “Talabalar bahori – 2023” festivali bo‘lib o‘tdi. Festivalni o‘tkazishdan asosiy maqsad universitetda talaba-yoshlarning darsdan bo‘sh vaqtlarini mazmunli o‘tkazish, ularning ma’naviy va madaniy saviyasini boyitish, sport, san’at, badiiy adabiyotga qiziqishlarini yanada yuksaltirish sanaladi.
Tadbir doirasida prezidentimiz tomonidan ilgari surilgan 5 ta muhim tashabbus doirasida universitetda tashkil etilgan shaxmat, basketbol, stol tennis musobaqa g‘oliblari sertifikat va esdalik sovg‘alari bilan taqdirlandi.
Bayramona dastur doirasida, mamlakatimizda joriy yilning 30 aprel kuni bo‘lib o‘tadigan muhim siyosiy voqea – referendum to‘g‘risida, ma’lumot berildi va talabalar o‘rtasida viktorina o‘tkazildi.

Joriy yilning 27- aprel kuni, Germaniya iqtisodiyotining Markaziy Osiyodagi vakolatxonasi tashabbusi bilan Germaniya universitetlari va davlat idoralaridan tashkil topgan delegatsiya Toshkent shahridagi Turin Politexnika universitetiga tashrif buyurdi. Tadbirda Tyuringiyaning iqtisodiyot, oliy ta’lim va raqamli masalalar bo‘yicha davlat kotibi boshchiligida Germaniyaning 6 ta universitetlari, Turingiya davlat idorasi, Germaniya iqtisodiyoti delegatsiyasi vakillari qatnashdi.

Tashrif doirasida delegatsiya a’zolari Toshkent shahridagi Turin universitetining texnoparki, laboratoriya va startap loyihalari bilan yaqindan tanishdi.

Uchrashuvda TTPU va Germaniya universitetlari, o’z faoliyatlari to‘g‘risida o‘zaro ma’lumot almashdi. Hamkorlikni yanada kengaytirish maqsadida quyidagi yo‘nalishlarini muhokama qildilar. Xususan :
• Turin politexnika universiteti va Germaniya universitetlari o‘rtasida hamkorlik bo‘yicha o‘zaro anglashuv memorandumini imzolash;
• TTPU talabalar uchun Germaniya sanoat korxonalarida amaliyot dasturlarini tashkil etish;
• Har ikki universitetlarda yozgi maktablarni (summer school) tashkil etish;
• Erasmus+ loyihalari bilan hamkorlik (Erasmus+ institutlararo kelishuvni imzolash);
• o‘quv-ilmiy ma’lumotlar bazalaridan foydalanish uchun kutubxona resurslarini almashish va elektron resurslardan onlayn foydalanish;
• Xalqaro mobillik: Erasmus+ dasturlari tomonidan moliyalashtiriladigan talabalar va doktorantlar, tadqiqotchilar va o‘qituvchilar almashinuvi;
• O‘qitish sohasida xalqaro hamkorlik: bakalavr, magistratura va doktorantura dasturlari bo‘yicha qo‘shma dasturlarni yaratish.

Uchrashuv yakunida Nordxauzen amaliy fanlar universiteti bilan o‘zaro anglashuv memorandumini va talabalarning almashinuvi to‘g‘risida bitim imzolandi. Qolgan universitetlar tomonidan ham hamkorlik bo‘yicha katta kiziqish bildirilib, kelgusida hamkorlik memorandumi imzolashga kelishib olindi.

Joriy yilning 18 va 20 aprel kunlari Toshkent shahridagi Turin politexnika universitetida talaba-yoshlar o‘rtasida “Yangi O‘zbekistonda – yangi tahrirdagi Konstitutsiya” mavzusida targ‘ibot tadbiri o‘tkazildi. Tadbirda Olmazor Tumani 4-sonli IIB, profilaktika inspektori, leytenant Ismoilova A.F., podpolkovnik, Olmazor Tumani 4-sonli IIB katta inspektori – Yusupov Sh.N.- va universitet xodimlari ishtirok etdi.
Davra suhbatida yangi tahrirdagi Konstitutsiya yurtimiz taraqqiyoti, xalqimiz farovonligi rivojiga xizmat qilishi, eng avvalo esa “Inson qadri uchun” gʻoyasini ustuvor yoʻnalish sifatida belgilashi qayd etildi.

Joriy yilning 19 aprel kuni Toshkent shahridagi Turin politexnika universitetida Zakovat klubining 3-bosqich uyini o‘tkazildi.

Uyinni o‘tkazishdan asosiy maqsad, talabalarni bo‘sh vaqtlarini mazmunli tashkil etish, darsdan tashqari bilimlarini keng doirada yanada mustahkamlash va turli mavzularda o‘zlarini fikrlarini teran ayta bilish ko‘nikmalarini shakllantirishdan iborat.

O‘yinning uchinchi bosqichida

1-“SU” jamoasi

2-“Posledniy patron” jamoasi

3-“Millon” jamoalari ishtirok etdilar.

Qizg‘in kechgan baxsda “SU” jamoasi ikkita savolga to‘g‘ri javob berib 2 ballni, “Posledniy patron” jamoasi beshta savolga to‘g‘ri javob berib 5 ballni va “Million” jamoasi bitta ham savolga to‘g‘ri javob berisholmadi 0 ballni, peshqadamlikka “Posledniy patron” jamoasi chiqib oldi.

Tadbir so‘ngida har bir jamoadan ishtirokchilar bo‘lib o‘tgan uyindan o‘zlarini fikrlarini bo‘lishishdi. Eng yaxshi savol va eng yaxshi ishtirokchi aniqlab olindi.

Joriy yilning 18 aprel kuni, Toshkent shahridagi Turin politexnika universitetida «Ogohlik davr talabi» mavzusida davra suhbati bo‘lib o‘tdi. Tadbir universitet talabalari ishtirokida, Olmazor Tumani 4-sonli IIB, universitet katta profilaktika inspektori, podpolkovnik Yusupov Sh.N. tashabbusi bilan, Olmazor tumani Axborot Tehnologiyalari soxasidagi kiber jinoyatlarga qarshi kurash bo‘limi xodimi kapitan Yarmatov Sh.X, Olmazor Tumani 4-sonli IIB, profilaktika inspektori, leytenant Ismoilova A.F lar hamkorligida o‘tkazildi.
Tadbir doirasida so‘zga chiqqanlar,
1) “KIBЕRXAVFSIZLIK” va xanuzgacha uning domiga tushayotganlar, bu illatdan qanday qutulish mumkinligi, o‘zimizda unga qarshi immunitetni shakllantirishimiz zarurligi xaqida so‘z bordi.
2) Tazyiq va zo‘ravonlikka qarshi kurash
3) Korrupsiya holatlarini oldini olish va unga qarshi kurash
4) Jinoyatchilik va giyohvandlikka qarshi kurash mavzularida so‘z yuritdilar.
Qizg‘in davom etgan davra suhbatida talabalar o‘zlarining qiziqtirgan savollariga atroflicha javob oldilar.

Toshkent shahridagi Turin politexnika universiteti, Toshkent shahar, Olmazor tumani, Talabalar shaharchasi, Shifonur koʼchasi 75-А uy manzili boʼyicha joylashgan talabalar yotoqxonasi binosini kapital taʼmirlash va rekonstruktsiya qilish boʼyicha loyiha-smeta xujjatlarini ishlab chiqish boʼyicha tanlov eʼlon qiladi.

Tanlov ishtirokchilaridan kelib tushgan takliflar quyidagi mezonlar boʼyicha baholanadi:

Tanlovga takliflar topshirish muddati joriy yil 3 – apreldan 17 – aprelgacha. Takliflar ilovadagi texnik topshiriq boʼyicha.

Toshkent shahridagi Turin Politexnika Universiteti (TTPU) “I2-PLEDGE: Biotibbiyot muhandisligi bo’yicha innovatsion va fanlararo dasturlarni O’zbekistondagi talabalarning ishga joylashishi uchun raqamli o’sish dasturidan foydalanish” deb nomlangan yangi xalqaro ta’lim loyihasi doirasida Yevropa va O‘zbekistonning bir qancha boshqa universitetlari bilan hamkorlikni yo’lga qo’ydi.

Loyihaning boshlang‘ich yig‘ilishi 2023-yil 29-30-mart kunlari Islom Karimov nomidagi Toshkent davlat texnika universitetida bo‘lib o‘tdi. Uchrashuvda Yevropa Ittifoqi, Erasmus+ Milliy ofisi, Oliy ta’lim, fan va innovatsiyalar vazirligi hamda Yevropa va O‘zbekistondagi hamkor universitetlar vakillari ishtirok etdi.

“I2-PLEDGE” loyihasi talabalarga biotibbiyot muhandisligi bo’yicha innovatsion va fanlararo dasturlarni taqdim etishdan iborat bo’lib, ularning O’zbekistonda ish bilan ta’minlanishi uchun raqamli o’sish dasturidan foydalanishga qaratilgan. Loyihada ishtirok etayotgan hamkor universitetlar: Yevropadan L’Aquila universiteti va G‘arbiy Makedoniya universiteti hamda O‘zbekistondan Toshkent tibbiyot akademiyasi, Toshkent davlat texnika universiteti, Andijon mashinasozlik instituti, Adijon davlat tibbiyot instituti, Toshkent axborot texnologiyalari universiteti Urganch filiali, Toshkent tibbiyot akademiyasi Urganch filiali va Toshkent shahridagi Turin politexnika universiteti.

Uchrashuvida loyiha koordinatori loyihalarni boshqarish bo‘yicha muhim ma’lumotlar, loyihani muvaffaqiyatli amalga oshirish bo‘yicha tavsiyalar va EACEA vakillarining so‘nggi yangiliklarini taqdim etdi. Yig‘ilishda, shuningdek, moliyaviy masalalar, har bir universitetning loyihadagi o‘rni, ish to’plamlari, kelgusidagi tadbirlar rejasi, natijalarga erishishning ahamiyati haqida so‘z yuritildi.

Uchrashuvning ikkinchi kuni ishtirokchilar loyiha hamkorlaridan biri va bu sohada yetakchi muassasalardan biri bo’lgan Toshkent tibbiyot akademiyasining yangi kampusiga tashrif buyurishdi. Akademiya ishtirokchilarni loyihada muhim o‘rin tutadigan o‘zining zamonaviy laboratoriya xonalari bilan tanishtirdi.

Toshkent shahridagi Turin politexnika universiteti jamoasi ham loyiha doirasida o‘z oldiga qo‘yilgan vazifalar yuzasidan taqdimot qildi. Ushbu loyiha TTPU uchun xalqaro miqyosdagi ishtirokini kengaytirish, boshqa institutlar bilan hamkorlik qilish va talabalar hamda va professor-oʻqituvchilar uchun yangi imkoniyatlar yaratish uchun ajoyib imkoniyatdir. Umuman olganda, “I2-PLEDGE” loyihasi O‘zbekistonda ta’lim sifatini oshirish va talabalarga biotibbiyot muhandisligi sohasida innovatsion dasturlarni taqdim etish orqali ularning bandligini oshirishga yordam beradigan muhim tashabbusdir.

Joriy yilning 29 mart kuni, universitet psixologi tomonidan xodimlar uchun “Emotsional kuyish” mavzusida seminar trening o‘tkazildi. Treningdan maqsad: emotsional kuyish hollari haqida ma‘lumot berib, hodimlar bilan guruhni birlashtirish ko’nikmalarini mashq qilishga qaratildi.
Seminar mavzusi doirasida emotsional kuyish, uning simptomlari, professional kuyish, o‘zini boshqarish yo‘llari muhokama qilindi. Treningda interaktiv, guruhda ishlash va rolli o‘yinlar usullari qo‘llanildi.

Hurmatli abituriyentlar,

2023-2024 oʻquv yili uchun

KIRISH IMTIHONLARIDAN MUVAFFAQIYATLI OʻTGANINGIZ BILAN TABRIKLAYMIZ!

Ushbu rasmiy e’longa alohida e’tibor berishingizni soʻraymiz!

2023-yil 13-martda boʻlib oʻtgan kirish imtihoni natijalariga koʻra, abituriyentlar beshta toifaga boʻlingan:

BIRINCHI TOIFA:

Quyidagi abituriyentlar to`g`ridan to`g`ri ikkinchi kurs (First level) ga oʻqishga qabul qilinadilar,hamda O’zbekiston Respublikasi Oliy ta’lim, Fan va Innovatsiyalar Vazirligi tomonidan quyidagi yo`nalishlar bo`yicha TOʻLIQ GRANT ajratiladi. Agar ariza beruvchilar IELTS sertifikatiga ega boʻlmasa (kamida 5,5 ball), ular IELTS sertifikatini (kamida 5,5 ball) 2023-yil dekabr oyining oxiriga qadar topshirishlari kerak *. Ushbu toifa uchun shartnoma toʻlovi mavjud emas.

IKKINCHI TOIFA:

50.00 va undan yuqori toʻplaganlar, toʻgʻridan-toʻgʻri ikkinchi kurs (First Level) ga qabul qilinadilar va kelasi kirish imtihonlarining may va iyul oylaridagi natijalariga koʻra TOʻLIQ GRANT uchun koʻrib chiqiladi. Agar ariza beruvchilar IELTS sertifikatiga ega boʻlmasa (kamida 5,5 ball), ular IELTS sertifikatini (kamida 5,5 ball) 2023-yil dekabr oyining oxiriga qadar topshirishlari shart *. Bir oʻquv yili uchun oʻqish toʻlovi 28 500 000 (yigirma sakkiz million besh yuz ming) soʻmni tashkil qiladi.

UCHINCHI TOIFA:

20.00 va undan yuqori, ammo 50.00 dan past ball toʻplaganlar, toʻgʻridan-toʻgʻri ikkinchi kurs (First Level) ga qabul qilinadilar. Agar ular aprel-iyul oylarida tashkillashtiriladigan pullik intensiv kurslarni muvaffaqiyat tamomlasalar. Agar ariza beruvchilar IELTS sertifikatiga ega boʻlmasa (kamida 5,5 ball), ular IELTS sertifikatini (kamida 5,5 ball) 2022-yil dekabr oyining oxiriga qadar topshirishlari shart *. Bir oʻquv yili uchun oʻqish toʻlovi 28 500 000 (yigirma sakkiz million besh yuz ming) soʻmni tashkil qiladi.

* Agar abituriyent IELTS sertifikatini oʻz vaqtida taqdim etmasa, u avtomatik ravishda birinchi kurs (Preparatory Year) ga tushirib yuboriladi.

TOʻRTINCHI TOIFA:

10.00 va undan yuqori, ammo 20.00 dan past ball toʻplaganlar, IELTS sertifikatining mavjud yoki mavjud emasligidan qat’iy nazar, 2023-2024 oʻquv yilida birinchi kurs (Preparatory Year)ga qabul qilinadilar. Bir oʻquv yili uchun oʻqish toʻlovi 28 500 000 (yigirma sakkiz million besh yuz ming) soʻmni tashkil qiladi. Ushbu toifaga IELTS (kamida 5,5 ball) sertifikatini berish muddati – oʻquv yili soʻngiga qadar.

BESHINCHI TOIFA:

10 balldan kam ball toʻplaganlar belgilangan qabul chegarasidan oʻta olmaganlari sabab universitetga qabul qilinmadilar.

Shartnomalarni rasmiylashtirish Toshkent shahridagi Turin Politexnika Universiteti binosida 2023-yil 27-may soat 09:00 dan boshlab amalga oshiriladi.

May oyidagi kirish imtihonlari (2-bosqich) qoidalari tez orada e’lon qilinadi.

Qabul komissiyasining ishi uchun mas’ul shaxslar:

Rektor – Inoyatxodjayev Jamshid Shuxratullaevich

Prorektor – Fulvio Rinaudo

Dekan – Abdullayev Farhod Bahramovich

Toshkent shahridagi Turin Politexnika Universiteti ma’muriyati ushbu roʻyxatdan tashqari shaxslarning faoliyati uchun javobgar emas.

Kerakli hujjatlar roʻyxati:
Ariza beruvchi pasportining asl nusxasi;
Ariza beruvchining ota-onasining pasport nusxasi.

Barcha savollar boʻyicha raqamlar:
71 246-80-51 / 52,
71 246 63 48

Elektron pochta: admission@polito.uzManzil: Kichik Kichik Halqa Yoʻli koʻchasi 17, Olmazor tumani, Toshkent 100095, Oʻzbekiston

“Kо‘p bosqichli о‘zgaruvchan parametrli obyektlarni adaptiv boshqarish algoritmlari” mavzusida

Dissertatsiya himoyasi Toshkent shahridagi Turin politexnika universiteti huzuridagi PhD.22/01.02.2022.T.144.01 raqamli Ilmiy kengashning 2023 yil «16» mart soat 14⁰⁰ dagi majlisida bо‘lib о‘tadi.

Manzil: 100095, Toshkent shahri, Kichik xalqa yо‘li kо‘chasi, 17-uy, Toshkent shahridagi Turin politexnika universiteti bosh binosining 2-qavat, majlislar zalida.

Tel.: (998)71 246-50-92; Faks: (998)71 246-60-92;

e–mail: info@polito.uz

Joriy yilning 6-mart kuni, Italiyada Toshkent shahridagi Turin politexnika universiteti) va Politecnico di Torino (Italiya) o‘rtasida ikki tomonlama diplom (Cotutelle) dasturi doirasida doktorlik (PhD) dissertatsiyasining birinchi himoyasi muvaffaqiyatli bo’lib o‘tdi.
O‘zbekistonlik yosh tadqiqotchi Jasurxo‘ja Xolxo‘jaev “Metal qismlarning innovatsion geometrik va mexanik tavsiflari” mavzusida doktorlik dissertatsiyasini, DSc J.Sh. Inoyatxo‘jaev (TTPU) va professor Janfranko Genta (Politecnico di Torino) rahbarligida muvaffaqiyatli himoya qildi.

Har ikki universitet professor-o‘qituvchilaridan tashkil topgan komissiya, amalga oshirilgan ishlarni yuqori baholab, uning zamonaviy ishlab chiqarishdagi ahamiyati va dolzarbligini ta’kidlab, kelgusi ilmiy faoliyatida yanada ulkan muvaffaqiyatlar tiladi.

O‘zbekiston Respublikasi Prezidentining 2021 yil 19 maydagi “Zo‘rlik ishlatishdan jabr ko‘rgan xotin-qizlarni reabilitatsiya qilishga oid qo‘shimcha chora-tadbirlar to‘g‘risida”gi qarori zo‘ravonlikka uchragan ayollarga yordam ko‘rsatish tizimini yaratish, oilaviy-maishiy zo‘ravonlikning oldini olish va uning salbiy oqibatlariga barham berishga qaratilgan qarorni ijrosini ta’minlash maqsadida, joriy yilning 23 fevral kuni, Toshkent shahridagi Turin Politexnika universiteti, 3-bosqich talabalari hamda Yoshlar bilan ishlash bo‘limi boshlig‘i G.A.Allamova,  Olmazor tumani IIO FMB 4-sonli IIB profilaktika katta inspektori, podpolkovnik SH.M.Yusupov va psixolog SH.J.Jumaqulova ishtirokida seminar-trening o‘tkazildi.                             

         Seminar-treningni oila va xotin-qizlar masalalari bo‘yicha rektor maslahatchisi F.S.Nabixanova ochib berib, mamlakatimizda zo‘ravonlikka qarshi O‘zbekiston Respublikasi Prezidentining 2021 yil 19 maydagi “Zo‘rlik ishlatishdan jabr ko‘rgan xotin-qizlarni reabilitatsiya qilishga oid qo‘shimcha chora-tadbirlar to‘g‘risida”gi qarori, shu jumladan so‘ngi oylardagi Prezident Administratsiyasi Ijro etuvchi apparatining Kommunikatsiyalar va axborot siyosati boʻyicha shoʻba mudiri S.SH.Mirziyoyevaning “Zo‘ravonlikka qarshi kurashni institutsionalizasiya qilish, mediada gender-ta’sirchan obrazlarni yaratish” mavzusida xalqaro konferensiyasi va unda ko‘zda tutilgan chora tadbirlar va himoya orderi haqida so‘z yuritdi.

           Seminar-treningda so‘zga chiqqan “Psixomed” psixologik markazi amaliyotchi psixologi J.SH.Jumaqulova zo‘ravonlik turlari, oiladagi zo‘ravonlikka moyil insonlar, ular tanlaydigan qurbonlar psixologiyasi, tazyiq sabablari haqida turli hil misollar keltirib o‘tdi.

Seminar davomida amaliyotchi psixolog, zo‘ravonlik va tazyiq ostida yashayotgan oilalarda zo‘ravonlikdan aziyat chekayotgan ayollar, erkaklar, bolalar va imkoniyati cheklangan shaxslar haqida, shuningdek bu vaziyatdan chiqish, sog’lom munosabat paydo qilish, kelishish yo‘llarini psixologik nuqtai-nazaridan yoritib berdi.

15-fevral kuni TTPU da Microsoft kompaniyasi va universitetimiz talabalari bilan jonli tadbir bo’lib o’tdi. Uchrashuvdan asosiy maqsad talabalarimizni “Microsoft Student Programs” bilan tanishtirish va dasturga jalb qilish. Tadbir ishtirokchilari Microsoft kompaniyasi takliflari va imtiyozlari haqida to’g’ridan-to’g’ri kompaniya xodimlari Carlotta Castelluccio (a cloud developer advocate) va Microsoft mahsulot menejeri Tessa Wiedmanndan javob olish imkoniga ega bo’ldilar.

Shu bilan birga, Microsoft kompaniyasi tomonidan har yili o’tkaziladigan “Imagine Cup” tanlovi ham muhokama qilindi.
Talabalarimiz dasturda tajribaga ega bo‘lgan boshqa mamlakatlardagi tengdoshlari bilan suhbatlashish va ularning tajribasi bilan tanishish imkoniga ega bo‘ldilar. Xususan, Buyuk Britaniyadan Kenji Phang va Jennifer Xolland ham o‘z universitetlarida Gold Microsoft Learn bo‘yicha o‘z tajribalari va dasturdan olgan imtiyozlari bilan o‘rtoqlashdilar.
Yakunda talabalarimizga universitetdagi ta’lim doirasida Microsoft texnologiyalarini bepul o‘rganish maqsadida 100 dollarlik bepul Azure krediti taklif qilindi.

Oʻzbekiston Respublikasi Vazirlar Mahkamasining (10/1-154 02.02.2023y.) voyaga yetmagan qizlarni erta turmushga berish, istalmagan homiladorlik holatlarini oldini olishga qaratilgan chora-tadbirlar rejasi dasturining 4-bandida, umumtaʼlim maktablarining yuqori sinf oʻquvchilari hamda, akademik litseylar, professional taʼlim, oliy taʼlim muassasalari oʻquvchi- talabalari oʻrtasida erta nikoh va erta tugʻruq, yaqin qarindoshlar oʻrtasida nikohlarning salbiy oqibatlari toʻgʻrisida targʻibot tadbirlari hamda fakultativ mashgʻulotlarni tashkil etish maqsadida, joriy yilning 22-fevral sanasida Toshkent shahridagi Turin politexnika universitetida talaba-qizlar bilan Olmazor tumani Talabalar shaharchasi ko‘p tarmoqli markaziy poliklinika Bosh shifokor o’rinbosari D.Tursunova, shifokor-ginekolog Y.Rahimova hamda universitetga biriktirilgan terapevt-shifokor M.Sharapova ishtirokida targ‘ibot tadbiri o‘tkazildi.

         Shuningdek, tadbirda universitet yoshlar bilan ishlash bo’limi boshlig‘i G.Allamova, universitet oila xotin-qizlar masalalari bo‘yicha rektor masalaxatchisi, tyutor F.Nabixanova, yoshlar bilan ishlash bo‘limi metodisti X.Kamilovalar ham ishtirok etdilar.

Ushbu targ‘ibot tadbirini o‘tkazishdan maqsad: aholi reproduktiv salomatligini mustahkamlash, sog‘lom bola tug‘ilishi, jismoniy va ma’naviy rivojlangan avlodni voyaga etkazish, erta va qarindoshlar o‘rtasidagi nikohning salbiy oqibatlari, yoshlar o‘rtasida sog‘lom turmush tarzini – sog‘lom oilani shakllantirish, talaba-qizlarning tibbiy madaniyatini oshirish, OIV/OITSni oldini olish asoslarini shakllantirish borasida tushuncha hosil qilishdan iboratdir.

         Tadbir davomida mutaxassislar mavzuga oid so‘zga chiqib, talaba-qizlarga ma’lumot berib o‘tdilar.      

         Tadbir so‘ngida talaba-qizlar o‘zlari qiziqtirgan savollarga mutaxassislar tomonidan yetarlicha javoblar oldilar. Ushbu tibbiyot mutaxassislari bilan o‘tkazilgan targ‘ibot tadbiri orqali talaba-qizlarga davlatimiz tomonidan ayollarga ko’rsatilayotgan imtiyozlar, zarur tibbiy ma’lumotlar, shifokor maslahatiga muhtojlarga to‘g‘ri yo‘nalishlar, har qanday holatlarda ayol qizlar davlat himoyasida ekanliklari yana bir bor ta’kidlab o‘tildi.

Toshkent shahridagi Turin Politexnika universitetida 2023-yil 27-fevral soat 11:00 da 05.08.06 – “G‘ildirakli va gusenitsali mashinalar va ularni ishlatish” mutaxassisligi bo‘yicha doktorantlar va mustaqil izlanuvchilar uchun malakaviy imtihon bo‘lib o‘tadi.

Malakaviy imtihon topshirish uchun nomzodlar:

– Kambarov Ikrom Nigmatullayevich

– Sharipov Alisher Kalbayevich

– Shodiyev Javoxir G‘ayratovich

Millatimiz ma’naviyati va adabiyotining so‘nmas siymolari – Mir Alisher Navoiy hamda Zahiriddin Muhammad Bobur tavalludi yurtimizda keng nishonlanmoqda. Shu munosabat bilan, joriy yilning 9-fevral sanasida Toshkent shahridagi Turin Politexnika Universitetida Alisher Navoiy tavalludining 582 yilligi hamda Zahiriddin Muhammad Boburning 540 yilligiga bag‘ishlangan badiiy-adabiy kecha bo‘lib o‘tdi.

         Tadbirni universitet birinchi prorektori A.Ashurov ochib berib, ushbu ulug‘ kunning egalari, buyuk mutafakkirlarning o‘zbek tili va adabiyatiga qo‘shgan ulkan xissasi to‘g‘risida so‘z yuritdi hamda tadbir ishtirokchilariga o‘z minnatdorchiligini izhor etdi.

         Tadbirni olib borgan universitet 1-bosqich talabasi S.Yo‘ldosheva ilk so‘zlarini Alisher Navoiyning “Kelmadi” radifli g‘azali bilan boshladi. So‘ng, universitet 3-bosqich talaba yigit-qizlari Alisher Navoiyning “Xamsa” asarining 5 dostoni to‘g‘risida qisqacha ta’rif berib, dostonlardan namunalar ijro etildilar.

         Ko‘tarinki kayfiyatda o’tgan ushbu tadbirni universtitet 1-bosqich talaba yigit-qizlari va o’z navbatida universitet kitobsevarlar klubi a’zolari tomonidan tayyorlangan videorolik davom ettirdi. Ushbu videorolikda talabalar buyuk siymolarimiz qalamiga mansub g‘azal va ruboiylarni ijro etdilar.

         Badiiy-adabiy kecha davomida universitetning iqtidorli talabalari, universitetda faoliyat yuritayotgan musiqa to‘garagi a’zolari tomonidan Zahiriddin Muhammad Boburning “Lola” g‘azaliga bitilgan kuy-qo‘shiqlar ijro etildi.

         Shuningdek, tadbirga mehmon sifatida taklif etilgan O‘zbekiston Davlat Dramma teatri aktyori Shukrullo So‘fiev o‘z nutqida mutafakkirlarning boy merosi, asarlarida ulug‘langan milliy va umumbashariy g‘oyalar, allomalarning ana shunday o‘lmas asarlaridan namunalar ijro etdi.

Aytib  o‘tish joizki, mazkur badiiy-adabiy kecha universitet qoshidagi Akademik litsey o’quvchilari buyuk shoirlarimizning ruboiy-g‘azallari, shuningdek milliy raqs va kuy-qo‘shiqlari bilan faol shtirok etdilar.

          Xulosa qilib shuni ta’kidlash joizki, Alisher Navoiy va Zahiriddin Muhammad Boburlarning asarlaridagi ezgu g‘oyalardan yoshlarimizni bahramand etish, yigit-qizlarni buyuk ajdodlarimiz merosiga yuksak ehtirom ruhida tarbiyalash eng oliy maqsadlarimizdan biri hisoblanadi. Biz buyuk Navoiy hamda Boburlarning avlodi bo‘lganimiz bilan iftixor qilamiz, hozirgi avlod ham kelgusi avlod ham hazrat asarlaridan chinakam bahramand bo‘lgan avlod bo‘lib yetishib, kamol topadilar degan umiddamiz.