2023-yil 21-noyabr kuni Toshkent shahridagi Turin politexnika unversiteti proflaktika katta inspektorlari tashabbusiga ko‘ra, unversitet talabalari bilan “Talabalar o‘rtasida psixotrop dori vositalarini iste’mol qilish hamda huquqbuzarlik va jinoyatchilikning barvaqt oldini olish” mavzusida davra suhbati tashkil etildi.

Tadbirda unversitet proflaktika katta inspektori podpolkovnik Sh.Yusupov, katta leytenant O.F.Ismoilova, dekan o`rinbosari A.Azizxodjayev, tyutorlar va talaba-yoshlar ishtirok etishdi. Tadbirda so‘zga chiqqanlar psixotrop dori vositalari ta’sirida yoshlar o‘rtasida sodir etilayotgan huqubuzarlik va jinoyatchilik, ularning salbiy oqibatlari, har qanday huquqbuzarliklar va jinoiy xatti-harakatlar sodir etganlik uchun yoshidan va ijtimoiy kelib chiqishidan qat’iy nazar, O’zbekiston Respublikasining Jinoyat va Ma’muriy javobgarlik to‘g‘risidagi kodeksning tegishli moddalari bilan qonuniy javobgarlikka tortilishi, talabalar turur joyining ichki tartib qoidalariga rioya qilishlari to‘g‘risida yoshlarni ogohlika chaqirib ma’lumotlar berishdi.

Davra suhbati so‘ngida mavzu yuzasidan talabalarning savol, taklif hamda mulohazalari tinglanib ularga aniq javoblar va ko‘rsatmalar berildi.

O’zbekiston Respublikasi Prezidentining joriy yilning 6-7 iyun kunlari Italiyaga tashrifi doirasida o’tkazilgan biznes-forumda, Italiya savdo agentligi va Oliy ta’lim, fan va innovatsiyalar vazirligi huzuridagi Innovatsion rivojlanish agentligi o’rtasida imzolangan memorandumga asosan Toshkent shahridagi Turin politexnika universitetida “Italiya-O’zbekiston ilg’or muhandislik markazi” ochilishi loyihasi bo’yicha ishlar samarali davom ettirilmoqda.

Loyihaning ikkinchi bosqichida nazarda tutilganidek, markaz uchun kadrlarni qayta tayyorlash va malakasini oshirish maqsadida hozirgi kunda mutaxassislar Italiyaning nufuzli professional ta’lim institutlarida malaka oshirmoqdalar. Hususan, Tesktil sanoati sohasi bo’yicha 5 nafar mutaxassis Florensiya shahrining Prato Polo universitetida, Milan shahrining Arsutoria charm sanoat maktabida charm sanoati va ECOLE institutida mashinasozlik sohalarida 4 nafardan mutaxasislar ta’lim olmoqdalar. Ta’lim jarayonlari nazariy hamda ishlab chiqarish korxonalariga tashrif buyurib amaliy tarzda bo’lib o’tmoqda.

Loyihaning ko’lamini kengaytirish, hamkor tashkilotlar bilan aloqalarni o’rnatish va ta’lim jarayonlarini kuzatish maqsadida “Italiya-O’zbekiston ilg’or muhandislik markazi” ochilishi loyihasi menejeri Jasur G’ayratov tomonidan ECOLE, PIN va ARSUTORIA ta’lim muassasalari ma’sullari, FICEP, PietroCarnaghi ishlab chiqarish korxonalari mutaxassisalari bilan uchrashuvlar bo’lib o’tmoqda.

Shu bilan birga, kuni kecha Italiya dastgohlar, robotlar, avtomatlashtirish tizimlari va yordamchi mahsulotlar ishlab chiqaruvchilar uyushmasi (UCIMU) prezidenti Barbara Colombo bilan bo’lib o’tgan uchrashuvda loyihaning keyingi bosqichlari, texnologiyalar transferi va boshqa hamkorlik masalalari muhokama qilindi.

Joriy yilning 10 noyabr kuni, Italiya Prezidenti Serjio Mattarella Oʼzbekistonga rasmiy tashrifi doirasida Toshkentdagi Turin Politexnika universiteti (TTPU) ga tashrif buyurdi. Oliy martabali mehmonni Oʼzbekiston Respublikasi Bosh vaziri Аbdulla Oripov boshchiligida Oʼzavtosanoat АK boshqaruvi raisi Ulug‘bek Rozuqulov va TTPU rektori Jamshid Inoyatxodjaev kutib oldi.

Italiya delegatsiyasi tarkibi Italiyadagi Turin Politexnika universiteti rektori Gvido Sarakko, o‘quv ishlari bo‘yicha prorektor Anita Tabakko va universitetning boshqa vakillaridan iborat bo‘ldi.

Prezident tashrifining asosiy maqsadlaridan biri ustuvor yo‘nalishlarda, xususan, sanoat transformatsiyasi sohasida o‘zaro manfaatli hamkorlikni mustahkamlash sanaladi. Bilim va tajriba almashish- doimo Italiya va O’zbekiston o’rtasidagi hamkorlikning asosi bo’lib kelgan, dedi Prezident Matarella o’zining rasmiy nutqida.

Gvido Sarakko prezident Mattarellaning tashrifi sharafli ekanini bildirib, 2009 yildan buyon TTPU O‘zbekistonda muhandislik taʼlimi va Italiya texnologiyalarini joriy etishda yetakchi o‘rinni egallab kelayotganini taʼkidladi.

Tashrif doirasida universitet bo’ylab sayohat tashkil etildi, unda delegatsiya a’zolari universitetning elektron resurs markazi, madaniy meros texnologiyalari laboratoriyasi, shuningdek, sanoat 4.0 o’quv laboratoriyasi bilan yaqindan tanishdilar.

Shuningdek, TTPUga tashrif doirasida, “O‘zbekistonda sanoat transformatsiyasida taʼlim va innovatsion hamkorlik” mavzusida seminar tashkil etilib, unda Italiya delegatsiyasi “Sanoat 4.0” sohasidagi tajribasi bilan o‘rtoqlashdi. Ikki mamlakat universitetlari o‘rtasida taʼlim, tadqiqot va texnologiyalar transferi istiqbollari, shuningdek, 4.0 sohasidagi sanoat kooperatsiyasining ilg‘or tajribalariga alohida eʼtibor qaratildi.

Joriy yilning 26 oktabr kuni, Toshkentdagi Turin politexnika universitetida UzAuto Motors va UzAuto Motors Powertrain bosh direktori Bo Inge Andersson bilan mehmon ma’ruzasi bo’lib o’tdi.

Uchrashuv davomida talabalar avtomobilsozlik sohasida 30 yildan ortiq tajribaga ega yetuk mutaxassisning kasb yo‘li bilan yaqindan tanishish uchun ajoyib imkoniyatga ega bo‘ldilar.

Mehmon ma’ruzasi davomida janob Andersson talabalarga qimmatli maslahatlar berdi, xalqaro tajribasi bilan o‘rtoqlashdi va ularning barcha savollariga atroflicha javob berdi. Eng qiziqarli savol egalari va viktorina g‘oliblari UzAutoMotors Powertrain kompaniyasi tomonidan sovg‘alar bilan taqdirlandi.

Tashrif doirasida janob Andersson universitet texnoparki, laboratoriyasi va startap loyihalari bilan ham yaqindan tanishdi.

Talabalarni ijara xonadonlariga joylashtirish maqsadida akademik guruh tyutorlari, ota-onalar, universitetimizda faoliyat yuritayotgan profilaktika inspektorlari va mahalla masʼullari bilan hamkorlikda Toshkent shahridagi Turin politexnika universiteti yaqinidagi va Toshkent shahri hamda Toshkent viloyati tumanlarida ijaraga beriladigan xonadonlar aniqlandi xamda sharoitlari o‘rganilib chiqildi.

Hozirgi vaqtda, yangi 2023-2024 oʼquv yilida 204 nafar talaba ijarada turish niyatini bildirib ushbu aniqlangan xonadonlarga joylashadigan boʼlishdi.

Shu bilan birga turli viloyatlardan universitetda tahsil olish uchun kelgan 110 nafar talaba Toshkent shahrida yaqin qarindoshlari bo‘lganligi sababli ushbu xonadonlarga joylashadigan bo‘ldilar.

Shu jumladan, Toshkent shahri tumanlari kesimida:

Olmazor tumani – 65 nafar

Chilonzor tumani – 43 nafar

Shayxontoxur tumani – 27 nafar

Mirzo Ulugʼbek tumani – 20 nafar

Bektemir tumani – 2 nafar

Uchtepa tumani – 13 nafar

Sergeli tumani – 5 nafar

Yashnaobod tumani – 8 nafar

Yunusobod tumani – 34 nafar

Yakkasaroy tumani – 8 nafar

Mirobod tumani – 10 nafar

Toshkent viloyati kesimida:

Zangiota tumani – 12 nafar

Qibray tumani – 18 nafar

Oqqoʼrgʼon tumani – 1 nafar

Parkent tumani – 7 nafar

Toshkent tumani – 9 nafar

Oʼrtachirchiq tumani – 4 nafar

Chirchiq shahri – 8 nafar

Chinoz tumani – 2 nafar

Yuqorichirchiq tumani – 3 nafar

Yangiyol tumani – 15 nafar

Toshkent shahridagi Turin politexnika universitetida Respublikamiz uzoq hududlaridan hamda xorijiy davlatlardan kelib tahsil olayotgan talaba-yoshlarning qulay sharoitda yashashlari uchun barcha sharoitlarni yaratib berish va ularning xavfsizligini ta’minlash maqsadida 160 o‘ringa mo‘ljallangan to’rt qavatdan iborat, barcha qulayliklarga ega Talabalar turar joyi keyingi 2023-2024 o’quv yiliga tayorlab qo‘yildi.

Talabalar turar joyidagi xonalar barcha kerakli jihozlar: kir yuvish mashinalari, taom tayyorlash uchun plita, mikroto’lqinli pech, ovqatlanish xonasi bilan ta’minlangan. Talabalar bo‘sh vaqtlarini foydali o‘tkazishlari  uchun  yotoqxonada kutubxona, hamda Wifi nuqtalari ham mavjud.

2023-yil 11-iyul kuni Germaniyaning Simson Private Akademie vakillari TTPUga tashrif buyurdi.

Tashrif chog‘ida tomonlar kasb-hunar ta’limi sohasida kelgusidagi hamkorlikni muhokama qildilar hamda kasb-hunar ta’limi dasturini ochish bo‘yicha o‘zaro anglashuv memorandumi imzoladilar. Jumladan, TTPU germaniyalik hamkorlar bilan birgalikda “1+2” dual kasb-hunar ta’limi dasturini ochishga kelishildi. Unga ko‘ra, ushbu dasturda tahsil olayotgan talabalar TTPUda bir yil tahsil olgach, Germaniyaga yuborilib u yerda nazariy bilimlarni amaliyot bilan uyg‘unlashish uchun turli nemis kompaniyalarida amaliyot o‘taydilar. Ta’kidlash joizki, mazkur loyihani amalga oshirish Olmazor tumani hokimligi bilan hamkorlikda amalga oshiriladi.

Kelishuvga ko’ra, nomzodlar Germaniyada o’qishni tugatgandan so’ng Germaniya sanoat kompaniyalarida ishlash imkoniyatiga ega bo’ladi.

26 iyundan 29 iyungacha Toshkent shahridagi Turin politexnika universiteti (TTPU)ning professor-o‘qituvchi va xodimlari Belgiyaning Antverpen shahrida Yevropa universitetlari: Berlin texnika universiteti (Technische Universität Berlin); Sorbonna Universiteti (Sorbonne Université, Parij); EXOLAUNCH kompaniyasi (Germaniya); Technical University Sofia (Bolgariya); AP Hogeschool (Artesis Plantijn Hogeschool Antwerpen) Antwerpen (Belgiya) va 6 ta O‘zbekiston universitet va institutlari: “Al-Horazmiy nomidagi Toshkent axborot texnologiyalar universiteti” (TATU) – loyiha koordinatori; “Farg‘ona politexnika instituti” (FarPI); “Toshkent davlat texnika universiteti” (TDTU); “Muhammad al-Xorazmiy nomidagi Toshkent axborot texnologiyalari universiteti Qarshi filiali”; “O‘zbekiston milliy universiteti” (O‘zMU); “Ulug‘bek nomidagi O‘zbekiston Respublikasi fanlar akademiyasi astronomiya instituti”; “Muhammad al-Xorazmiy nomidagi Toshkent axborotlar texnologiyalari universiteti qoshidagi pedagogik kadrlarni tayyorlash va malakasini oshirish tarmoq markazi” professor-o‘qituvchi va xodimlari bilan navbatdagi seminarda ishtirok etdilar.

Anjumanda O‘zbekiston universitet va institutlarida SPACECOM loyihasi (www.spacecom.uz) ning samarali amalga oshirilishi yuzasidan fikr almashdilar.

Joriy yilning 27 iyun kuni, Toshkent shahridagi Turin politexnika universitetida talaba-yoshlar o’rtasida “Ma’rifatli yoshlar – Yangi O’zbekiston bunyodkorlari” nomli o’quv-ma’rifiy tadbir o‘tkazildi.

O‘quv-ma’rifiy tadbirning kun tartibidagi belgilangan masalar yuzasidan universitet birinchi prorektori A.Ashurov so‘zga chiqib, bugungi rivojlangan globallashuv va axborot almashinuvi davrida odam savdosi, giyohvandlik, diniy-ekstremistik g‘oyalarni tarqatish, targ‘ib etishga qaratilgan buzg‘unchi g‘oyalar keng tarqatilayotganligi nafaqat yurtimiz jamoatchiligi, balki jahon hamjamiyatini jiddiy tashvishga solmoqdaligini aytib o‘tdi.  

Shunday murakkab globallashuv jarayonida yurtimiz yoshlarini diniy ekstremistik hamda turli yot g‘oyalar, “ommaviy madaniyat” ko‘rinishlari ta’siridan asrash jamiyatimiz, nafaqat ziyolilar balki har bir insonning ongli ravishda yondashadigan va oldida turgan eng muhim vazifalardan biri hisoblanadi.  

Ushbu masalalarni yoritib berish uchun so’z O’zbekiston xalqaro islom akademiyasi  katta o’qituvchisi S.S.Saidjalolovga berildi. Ular o’z ma’ruzalarida mamlakatimizda ijtimoiy-siyosiy vaziyat va ma’naviy muhit barqarorligini ta’minlash, dinlar va millatlararo munosabatlarni yaxshilash borasida keng ko‘lamli ishlar olib borilayotganligini ta’kidladilar. Hozirgi kunda diniy-ekstremistik oqimlar tomonidan tarqatilayotgan g‘oyalarning jamiyatimiz tinchligi va xavfsizligiga solayotgan tahdidlarni bartaraf etish yo’lida O’zbekiston Respublikasi Din ishlari bo’yicha qo’mita tomonidan yoshlar o’rtasida keng qamrovda diniy-ma’rifiy tadbirlar tashkil etilayotgani haqida so’zlab o’tdilar.

Shuningdek, S.Saidjalolov ma’ruzalari davomida yoshlarni turli illatlar, yot g‘oyalar ta’siriga tushib qolishining oldini olish, “ommaviy madaniyat” ko‘rinishlariga qarshi kurashish, internet ma’lumotlaridan to‘g‘ri va o‘rinli foydalanishga barcha ishtirokchilarning e’tiborini qaratdilar. Chunki, milliy ma’naviyatimizga, mentalitetimizga yot g‘oyalar, shavfqatsizlikni targ‘ib etuvchi ma’lumotlar yoshlarimizning ongini zaharlamoqda. Jumladan, yoshlarga qurolli to‘qnashuvlar ro‘y berayotgan hududlarda faoliyat yuritayotgan terroristik guruhlar, ularning jirkanch maqsadlari haqida hayotiy misollar asosida ma’lumotlar berildi.

Tadbirda Yangi O‘zbekistonni barpo etish, Uchinchi Renessans poydevorini mustahkamlash uchun har bir yurtdoshimiz, ayniqsa, yoshlarimiz faol va fidoyi bo‘lishlari, berilayotgan imkoniyatlardan unumli foydalanib, Vatanimiz ravnaqi va taraqqiyotiga xizmat qiladigan insonlar bo‘lib kamol topishlari muhim ekanligi alohida qayd etildi.  

20-22 июня текущего года Латвийские партнеры проекта принимали в своих стенах всех членов консорциума, включая представителей Туринского Политехнического Университета в г. Ташкенте.

Первый день мероприятия был проведен на территории Рижского Технического Университета. Очень пристальное внимание было уделено анализу достигнутых результатов, разработке концепции устойчивого развития сферы мехатроники и робототехнике, а также поведению финансовых итогов деятельности проекта.

Второй день мероприятия прошел в г. Валмиера, где представители Видземского Университета прикладных наук ознакомили гостей с материально-технической базой университета, реализуемыми проектами. Позже, была организована поездка в Видземский бизнес-инкубатор, где удалось пообщаться с их предстваителями касательно процесса вовлечения молодого поколения в научную деяьтельность и  ее дальнейшую трансформацию в инновационное внедрение.

Заключительный день мероприятия был проведен в городе Лиепая, где гости мероприятия имели честь ознакомиться со структурой Университета Лиепая, его материально-технической базой, методиками обучения. Позже в этот же день, была организована экскурсия на предприятие AE Partner, занимающееся производством систем автоматизации для различного рода производств.

“30 iyun-Yoshlar kuni” munosabati bilan, joriy yilning 19 -20 iyun kunlari TTPUda tennis va  badminton sport turlari bo’yicha Rektor kubogi chempionati o’tkazildi.

Musobaqa davomida talabalar g‘oliblik uchun qizg‘in bahslar olib borib, o‘z mahoratlarini namoyon qilishdi.

Musobaqa natijasiga ko‘ra stol tennisi bo‘yicha:

Rektor kubogi g‘olibi – Mardonaliyev Abduxalil –

2- o‘rin – Abduxamedov Salohiddin

3 o‘rin– Raximov Abdumajid

Badminton bo‘yicha (juftlik)

Rektor kubogi g‘olibi – Sobirxonova E’zozaxon, Dorobov Jamshid

2 o‘rin– Imomaliyeva Shaxlo, Mardonaliyev Abduxalili

3 o‘rin – Gulnoza Yunusova, Abdulazizov Abduazim

Badminton sport turi bo‘yicha (o‘g‘il bolalar):

1-o’rin – Dorobov Jamshid

2-o’rin – Qoriyev Amirxon

3-o’rin – Turobov Mirkozim

Badminton sport turi bo‘yicha (qizlar):

1-o’rin – Shaxlo Imomaliyeva

2-o’rin – Gulnoza Yunusova

3-o’rin – Ezozaxon Sobirxanova

G’oliblar diplom, esdalik sovg’a va medallar bilan taqdirlandilar.

2023 yilning 10 iyun kuni “O‘zavtosanoat” AJ boshqaruv raisi Rozukulov Ulugʻbek Ubaydullayevich boshchiligidagi delegatsiya a’zolari Italiyaning Turin Politexnika universitetiga tashrif buyurdi.

Tashrif doirasida “O‘zavtosanoat” AJ boshqaruvi raisi Ulug’bek Rozukulov, “O‘zavtosanoat” (UzAvto) AJ boshqaruvi raisi o‘rinbosari Sardor Tadjiyev, Toshkent shahridagi Turin politexnika universiteti (TTPU) rektori Jamshid Inoyatxodjaev, Italiyaning Turin Politexnika Universiteti (PoliTo) rektori Guido Sarakko boshchiligidagi ishchi guruh bilan bir qator muzokaralar o‘tkazdi. Bunda PoliTo, TTPU va UzAvto ning hamkorlik masalalari muhokama qilindi.

Prof. G.Sarakko UzAvto tasarrufidagi korxonalarning istiqboli va keyingi yillardagi rivojida TTPU bilan hamkorlik juda muhimligini ta’kidlab o‘tdi. Bu hamkorlik doirasida akademik, ilmiy, ishlab chiqarish, qayta o‘qitish kabi yo‘nalishlarni yanada rivojlanishiga aniq loyihalar taklif etdi. Xususan, TTPU qoshida professor o‘qituvchilarni malakasini oshirish hamda qayta tayyorlash markazini tashkil etish, UzAvto tarkibidagi korxonalar muhandislarini “Sanoat 4.0” texnologiyalari bo‘yicha malakasini oshirish, UzAvto qoshida Andijon shahridagi “UzAuto Academy”ni tashkil etish, energetika sohasi bo‘yicha “Vodorod texnologiyalarini rivojlantirish markazi”ni tashkil etish kabi ustuvor yo‘nalishlar belgilab qo‘yildi va Rim shahrida 6 iyun kuni bo‘lib o‘tgan biznes forum doirasida imzolangan xujjatlar bo‘yicha harakatlar rejasi kelishib olindi.

Shuningdek, TTPUda yangi “Aerokosmik muhandisligi” va “Sanoat ishlab chiqarish texnologiyalari” yo‘nalishlarini ochishga kelishildi. Qolaversa, hamkorlikda Ph.D larni tayyorlashni kengaytirish, qo‘shma doktorantura dasturini joriy qilish belgilandi.

Delegatsiya PoliTodagi «Sanoat 4.0», «Ilg‘or materialshunoslik», «Aviatsiya muhandisligi» kabi laboratoriya markazlari bilan tanishdi va shu kabi markazlarni TTPUda hamda Andijon shahridagi UzAvto Motors korxonasi qoshida joriy etish yo‘llarini o‘rgandi.

Tashrif doirasida delegatsiya PoliTo universiteti iqtidorli talabalari tomonidan ishlab chiqilgan alternativ energiya manbaida harakat qiladigan avtomobillarni taqdimotida qatnashdi.

Hozirda PoliToning bakalavr, magistratura hamda Ph.D bosqichlarida 152 ta O‘zbekistonlik talabalar tahsil olmoqda. UzAvto boshqaruv raisi yig‘ilishga kelgan ushbu talabalarning 30 nafari bilan yaqindan tanishdi va ularning qiziqishlari, uchrashuv ishtiroklchilarining avtomobil sohasidagi taklif mulohazalarini tinglandi.Uchrashuv rasmiy formatdan ko‘ra ko‘proq savol javob ko‘rinishida bo‘lib o‘tdi. Bunda talabalar O‘zbekiston avtosanoatining rivoji uchun qanday ishlar amalga oshirilishi kerakligi to‘g‘risida fikr yuritdilar.

Tashrif so‘ngida delegatsiya PoliToning “I3P” startap inkubator markaziga tashrif buyurib, markaz qoshida amalga oshirilayotgan startap loyihalar bilan tanishdi.

Davlatimiz rahbarining 2023 yil 8-9 iyun kunlari Italiya Respublikasiga tashrifi arafasida bo‘lib o‘tgan biznes-forum doirasida Italiyaning “Politecnico di Torino” universiteti va uning “CIM 4.0” tarmog‘i bilan hamkorlikda Avtomobilsozlik sanoatida ishlab chiqarishdagi yo‘qotishlarni oldini olish, samaradorlikni oshirish hamda sohadagi kadrlarda sanoatda zamonaviy texnologiyalardan foydalanish bo‘yicha bilim va qo‘nikmalarini oshirish maqsadida “UzAuto Motors” AJ hududida “UzAvto akademiyasi”ni hamda Andijon viloyatida “Sanoat 4.0 akademiyasi”ni tashkil etish bo‘yicha umumiy qiymati 1 mln. yevro bo‘lgan hamkorlik shartnomasi imzolandi.

“UzAvto akademiyasi” ning asosiy faoliyat yo‘nalishi avtomobilsozlik sohasida faoliyat yurituvchi hodimlarga Yevropa dasturlari asosida sifat nazorati, logistika, ishlab chiqarish nazorati, texnik xizmat ko‘rsatish, haridlar, tannarx tahlili, savdo va marketing yo‘nalishlarida qisqa muddatli o‘quv kurslarini tashkil etishdan iborat.

“Sanoat 4.0 akademiyasi” ning asosiy faoliyat yo‘nalishi esa avtomobilsozlik va boshqa sanoat sohalarida rivojlangan mamlakatlarda tadbiq qilingan eng zamonaviy texnologiyalardan foydalanish hamda ishlab chiqarish jarayonida robotlardan foydalangan holda to‘liq avtomatlashtirishni joriy etishni o‘rgatish hisoblanadi.

Biznes forum Italiya Respublikasi Tashqi ishlar va xalqaro hamkorlik vazirligi hamda O‘zbekiston Respublikasi Investitsiyalar, Savdo va Sanoat vazirligi bilan birgalikda ikki mamlakat diplomatik vakolatxonalari ko‘magida, Italiya Savdo agentligi (ICE), “Italiya-O‘zbekiston” Savdo palatasi va Italiya sanoat Konfederatsiyasining (Confindustria) O‘zbekistondagi bo‘limi bilan hamkorlikda tashkil etildi.

O‘zbekiston Respublikasi Prezidentining 2022 yil 30 maydagi “O‘zbekiston Respublikasi seysmik xavfsizligini taʼminlash tizimini yanada takomillashtirish chora tadbirlari to‘g‘risida”gi PF-144-son farmonining 16.4-bandi ijrosini taʼminlash maqsadida, Toshkent shahridagi Turin politexnika universiteti mutaxassislari tomonidan «Bino va inshootlarni zamonaviy kompyuter dasturlari yordamida modellashtirish» fani bo‘yicha intensiv kurs tashkil etildi.

Unda Namangan muhandislik-qurilish instituti, Farg‘ona politexnika instituti, Jizzax politexnika instituti professor-o‘qituvchilari, doktorant va magistr talabalari qatnashdi. Shuningdek, mazkur amaliyotda mamlakatimiz olimlari bilan bir qatorda Yaponiyalik seysmolog, professor Chikaxiro Minova ishtirok etdi.

O‘zbekiston Respublikasi aholisi va hududining seysmik xavfsizligini taʼminlash tizimini 2025 yilgacha takomillashtirish kontseptsiyasini 2022-2023 yillarda amalga oshirish yo‘l xaritasi ning 2-ilovasi 26-bandida Namangan muhandislik-qurilish instituti hamda Farg‘ona politexnika instituti o‘qituvchilari va magistrantlarining Toshkent shahridagi Turin politexnika universitetida zilzilabardoshlik bo‘yicha amaliyot o‘tashi tizimini yo‘lga qo‘yish ko‘rsatib o‘tilgan. Ushbu bandi ijrosini taʼminlash maqsadida 5-10 iyun kunlari Toshkentdagi Turin politexnika universitetida Namangan muhandislik-qurilish instituti va Farg‘ona politexnika instituti o‘qituvchi va magistrantlari uchun zilzilabardoshlik bo‘yicha amaliyot o‘tashi rejalashtirilgan.

Joriy yilning 23 may kuni, O’zbekistonning bir qator universitet rektorlari Italiyaning Turin Politexnika universiteti bilan hamkorlik munosabatlarini rivojlantirish maqsadida Toshkent shahridagi Turin politexnika universitetiga tashrif buyurdi.

Uchrashuv davomida, Toshkent shahridagi Turin Politexnika universiteti rektori Jamshid Inoyatxodjaev, Farg‘ona Politexnika instituti rektori O’ktam Salomov, Toshkent arxitektura-qurilish instituti rektori Ercan Kahya, Toshkent axborot texnologiyalari universiteti rektori Baxtiyor Mahkamov, Samarqand Davlat arxitektura-qurilish instituti rektori Chidem Janbay Turkyilmazlar Italiyaning Turin politexnika universiteti rektori Guido Sarakko bilan o’zaro hamkorlikni yanada kengaytirish maqsadida muzokaralar olib bordilar.

Muzokaralar natijasida Italiyaning Turin politexnika universiteti rektori Guido Sarakko, Toshkent shahridagi Turin politexnika universiteti rektori Jamshid Inoyatxodjayev hamda Farg’ona politexnika instituti rektori O’ktam Salomovlar tomonidan o’zaro qo’shma ta’lim dasturi tashkil etish bo’yicha uch tomonlama shartnoma imzolandi.

Shuningdek Toshkent axborot texnologiyalari universiteti, Farg‘ona Politexnika instituti Italiyaning Turin politexnika universiteti bilan ikki tomonlama hamkorlik shartnomasini ham imzoladi.

Uchrashuv doirasida Italiyaning Turin Politexnika universiteti bilan birgalikda PhD dasturlarini joriy qilish, professor-o’qituvchilarni o’qitish metodologiyasini o’rgatish, muhandis xodimlarni qayta tayyorlash, malakasini oshirish  maqsadida malaka oshirish (Kompetensiya) markazini ochish, shuningdek tashrif buyurgan universitetlarda “Sanoat ishlab chiqarish texnologiyalari” bakalavr yo’nalishini rivojlantirish hamda “2+2” qo’shma ta’lim dasturlarini joriy qilishga kelishib olindi.

12 may kuni, Toshkent shahridagi Turin politexnika universiteti rektori, t.f.d. Inoyatxodjayev Jamshid Shuxratullayevich talabalarga “O‘zbekistonda elektromobillarni rivojlantirish istiqbollari: muammolar va yechimlar” mavzusida ma’ruza o‘qidi.

Ma’ruzada, “yashil iqtisodiyot” ga o‘tish sharoitida elektomobillardan foydalanishning o‘ziga xos xususiyatlari, afzallik va kamchiliklari, mamlakatimizda elektromobillarning rivojlanish dinamikasi, quvvatlash stansiyalarining dunyo bo‘ylab hamda mamalakatimizdagi infratuzilmasi tahlil qilinib, tinglovchilarga mavzuga oid foydali va qiziqarli ma’lumotlar taqdim etildi.
Ma’ruza ingliz tilida o‘tkazilib, xohlovchilar tegishli ilova orqali onlayn ravishda qatnashish imkoniga ham ega bo‘lishdi.

Ma’ruza yakunida, tinglovchilar rektorga o‘zlarini qiziqtirgan barcha savollarini berib, ularga atroflicha javob oldilar.

2-may kuni, TTPU da  O‘zbekiston Respublikasi Badiiy akademiyasi hamda P.Benkov nomli ixtisoslashtirilgan san’at maktabi bilan hamkorlikda “Yoshlar va tasviriy san’at” festivali bo‘lib o‘tdi.Tadbir davomida iqtidorli yoshlar tomonidan yaratilgan san’at asarlarining ko‘rgazmasi namoyish etilib, ishtirokchilar o‘rtasida tanlov o‘tkazildi.

Tadbir yakunida ishtirokchilarga sertifikat va esdalik sovg‘alari topshirildi.

2023 yil 27 aprel kuni Toshkent shahridagi Turin politexnika universiteti tashkil etilganligining 14 yilligiga bag’ishlangan, an’anaviy tarzda o’tkazib kelinadigan professor-o`qituvchilar, ilmiy izlanuvchilar va talabalar ishtirokidagi ilmiy-amaliy konferensiya bo`lib o`tdi.

Ushbu konferensiyada Toshkent shahridagi Turin politexnika universiteti rektori, texnika fanlari doktori J.Sh.Inoyatxodjaev, yoshlar bilan ishlash bo‘yicha birinchi prorektor A.A.Ashurov, moliyaviy- iqtisodiy ishlar va innovatsiyalar bo‘yicha prorektor J.Abdujalilov, Strategik rivojlanish bo’limi boshlig’i O.Jo`rayev, Yoshlar bilan bo’limi boshlig’i G.A.Allamova, Tabiiy-Matematika fanlari kafedrasi mudiri prof. D.U.Tulyaganov, professor-o`qituvchilar, ilmiy tadqiqotchilar va talabalar ishtirok etdi. 

Konferensiya ma’ruzalari mashinasozlik, energetika, tabiiy fanlar va matematika, ekologiya va atrof-muhit muammolari, muqobil energiya manbalari, materialshunoslik kabi mavzularga bag‘ishlandi.

Jumladan talabalarning kimyo, fizika, zamonaviy matematikaning tatbiqlariga bag`ishlangan, shuningdek, muqobil energiya manbalarini ishlab chiqish, quyosh va shamol elektr stansiyalarini O`zbekistonda barpo qilishdagi o`z takliflari bo`yicha ma’ruzalari anjuman ishtirokchilarida katta qiziqish uyg‘otdi.

Tadbir so`ngida universitet birinchi prorektori A.Ashurov ilmiy konferensiya har tomonlamana juda foydali va ko`tarinki ruhda o`tganligi bilan ishtirokchilarni tabriklab, professor-o`qituvchilar va talabalar o`rtasidagi haqiqiy ilmiy ko’prik bo`lganini va bunday tadbirlar kelgusida ham albatta davom ettirilishini ta’kidladi. Barcha ishtirokchilarga sertifikatlar va esdalik sovg`alari topshirildi.

Joriy yilning 21-aprel sanasida, Italiyaning Turin politexnika (Politecnico di Torino) universitetida  TTPUning “Mexanik va aerokosmik muhandisligi” kafedrasi o‘qituvchisi Yahshilikova Gulnora «Gibrid elektr transport vositalari uchun energiyani boshqarish tizimini rivojlantirish» (Development of Energy Management System for Hybrid Electric Vehicles) mavzusidagi PhD dissertatsiyasini Prof.Andrea Tonoli (Politecnico di Torino) va DSc. Sanjarbek Ruzimov (TTPU) rahbarligida muvaffaqiyatli himoya qildi.

Universitet professor-o‘qituvchilaridan tashkil topgan komissiya, amalga oshirilgan ishlarni yuqori baholab, uning zamonaviy ishlab chiqarishdagi ahamiyati va dolzarbligini ta’kidladi va tadqiqotchining kelgusi ilmiy faoliyatida yanada ulkan muvaffaqiyatlar tiladi.

Joriy yilning 18 aprel kuni, Toshkent shahridagi Turin politexnika universitetida «Ogohlik davr talabi» mavzusida davra suhbati bo‘lib o‘tdi. Tadbir universitet talabalari ishtirokida, Olmazor Tumani 4-sonli IIB, universitet katta profilaktika inspektori, podpolkovnik Yusupov Sh.N. tashabbusi bilan, Olmazor tumani Axborot Tehnologiyalari sohasidagi kiber jinoyatlarga qarshi kurash bo‘limi xodimi kapitan Yarmatov Sh.X, Olmazor Tumani 4-sonli IIB, profilaktika inspektori, leytenant Ismoilova A.F lar hamkorligida o‘tkazildi. Shuningdek, tadbirda universitet yoshlar bilan ishlash bo’limi boshlig`i G.Allamova, universitet oila xotin-qizlar masalalari bo’yicha rektor masalaxatchisi, tyutor F.Nabixanova hamda universitet psixologi N. Bo’rixonovalar ham ishtirok etdi.

Tadbir doirasida so‘zga chiqqanlar,
1) “KIBЕRXAVFSIZLIK” va xanuzgacha uning domiga tushayotganlar, bu illatdan qanday qutulish mumkinligi, o‘zimizda unga qarshi immunitetni shakllantirishimiz zarurligi xaqida so‘z bordi.
2) Tazyiq va zo‘ravonlikka qarshi kurash
3) Korrupsiya holatlarini oldini olish va unga qarshi kurash
4) Jinoyatchilik va giyohvandlikka qarshi kurash mavzularida so‘z yuritdilar.
Qizg‘in davom etgan davra suhbatida talabalar o‘zlarining qiziqtirgan savollariga atroflicha javob oldilar.