2022 yilning 24 iyun kuni, Toshkent shahridagi Turin Politexnika universitetida Italiyada o’qish uchun stipendiyalarni qo’lga kiritgan talabalar bilan uchrashuv bo’lib o’tdi. 40 ga yaqin TTPU talabalari Erasmus almashinuv dasturi doirasida 2022 yil kuzgi semestrini Politecnico di Torinoda (Italiya) o’qish imkonini qo’lga kiritdilar. Aksariyat talabalar semestr davomida oylik 850 evro miqdorida stipendiya oladi, shuningdek, ularning ikki tomonlama chiptalari qoplanadi.
Interaktiv shaklda o’tkazilgan uchrashuvda, TTPU o’quv va ilmiy ishlar bo’yicha prorektori Fulvio Rinaudio talabalar bilan suhbatlashdi. Suhbat davomida talabalar Italiyada yashash va o’qish haqida qiziqtirgan barcha savollariga javob oldilar.
Ma’lumot uchun: Toshkent shahridagi Turin Politexnika universiteti Politecnico di bilan 2-va 3-kurs talabalari uchun Erasmus almashinuv dasturini amalga oshirmoqda. Unga ko’ra 2022 yil kuzgi semestrida, Universitetning “Mashinasozlik texnologiyasi” va “Kompyuter injiniringi” talabalari Italiyada o’z bilimlarini oshirib keladilar.
Italiya bilan bir qatorda, Turin talabalari Polsha, Ispaniya, Germaniya, Rossiya, Qozog’iston, Janubiy Koreya, Litva kabi mamlakatlarda almashinuv dasturlari bo’yicha bir yoki ikki semestr o’qishlari mumkin.
TTPU rektorining Italiyaga xizmat safari
|
Toshkent shahridagi Turin Politexnika universiteti rektori J.Sh.Inoyatxodjayev 2022 yil 25 iyun –05 iyul kunlari Italiyaning Turin Politexnika universiteti mas’ullari bilan 2021/2022 o‘quv yili natijalari va kelgusi rejalari; 2022 yil sentabr oyidan “Sanoat ishlab chiqarish texnologiyalari” ta’lim yo‘nalishi bo‘yicha tayyorgarlik holati; Yuventus futbol Akademiyasi bilan navbatdagi kelishuvni imzolash va rejalarni muhokama qilish maqsadida Italiyaning Turin shahriga xizmat safarini amalga oshiradi.
Erasmus+ loyihasi a’zolarining “VILNYUS BALDAY”ga amaliy tashrifi
|
Joriy yilning 1 iyun kuni “MechaUz – innovatsion g‘oyalar va raqamli texnologiyalar orqali O‘zbekiston oliy ta’lim muassasalari uchun mexatronika va robototexnikani modernizatsiya qilish” Erasmus+ loyihasi konsorsiumi a’zolari Vilnyus Balday mebel ishlab chiqarish zavodiga tashrif buyurishdi.
Tashrifdan maqsad universitetdagi ishlab chiqarish jarayonlari bilan yaqindan tanishish edi. Konsorsium aʼzolari xomashyo yetkazib berishdan tortib, yakuniy mahsulotni qadoqlashgacha boʻlgan toʻliq ishlab chiqarish tsikli bilan tanishtirildi. Zavod mehmonlari ishlab chiqarishni avtomatlashtirishning yuqori darajasini qayd etdilar. Shuningdek, zavod Vilnyus Gediminas texnika universiteti bilan juda yaqin ilmiy va amaliy aloqalarga ega ekanligi aniqlandi.
Uchrashuv so‘ngida mehmonlar oliy o‘quv yurtlarida mexatronika va robototexnika fanlarini o‘qitishning yangi texnologiyalarini joriy etishning ahamiyati va zarurligi to‘g‘risida zavod xodimlari bilan juda mazmunli suhbat qurdilar.
MECHAUZ LOYIHASINING BIRINCHI TRENINGI VILNYUS GEDIMINAS TEXNIKA UNIVERSITETIDA O‘TKAZILMOQDA
|
2022-yil 30-may kuni Vilnyus Gediminas Texnika Universitetida (VILNIUS Tech) Yevropa Ittifoqining Erasmus + CBHE dasturining MechaUZ loyihasi bo‘yicha 3-yig‘ilishi boshlandi. Ushbu yig’ilish hamkorlarning o’zaro ushrashuvi va maxsus treningni bo’lib o’tdi. Yigʻilishning birinchi kunida loyihaning barcha hamkorlari: 6 ta Yevropa universiteti (Xalqaro yunon universiteti (Saloniki, Gretsiya) – Loyiha koordinatori, Janubi-Sharqiy Yevropa tadqiqot markazi (Saloniki, Gretsiya), Vilnyus Gediminas texnika universiteti (Vilnyus, Litva), Liepaja universiteti (Liepaja, Latviya), Vidzeme amaliy fanlar universiteti (Valmiera, Latviya), Viano do Castello politexnika instituti (Viano do Kastelo, Portugaliya) va O‘zbekistonning 6 ta universiteti: Andijon mashinasozlik instituti (Andijon)) – Toshkentdagi Turin politexnika universiteti (Toshkent), Farg‘ona politexnika instituti (Farg‘ona), Toshkent axborot texnologiyalari universiteti (Toshkent), Qarshi muhandislik-iqtisodiyot instituti (Qarshi), Toshkent davlat texnika universiteti (Toshkent) hamda O‘zbekiston Respublikasi Oliy va o‘rta maxsus ta’lim vazirligi vakillari ishtirok etdi.
Seminar trening ochilish marosimida Villnyus Gediminas texnika universiteti rektori prof. dr. Romualdas Kliukas nutq so’zlab loyiha ishtirokchilariga muvaffaqiyat tiladi.
Shundan so’ng kun tartibiga muvofiq WP2: Yangi bakalavriat dasturini ishlab chiqish doirasida o‘quv dasturlarini amalga oshirish, ta’lim tizimi, mexatronika va robototexnika fanlari bo’yicha ma’lumotlar loyiha koordinatori Tomas Tomidis (Xalqaro Ellin universiteti, Gretsiya) ishtirokida hamkorlar bilan muhokama qilindi.
Seminar-trening va muhokamalar kun tartibiga muvofiq davom etmoqda.
Loyiha to‘g‘risidagi batafsil ma’lumotlar bilan mecha.uzveb-sayti orqali tanishish mumkin.
TTPU da yozgi amaliyot
|
Bugungi kunga kelib, Toshkent shahridagi Turin politexnika universitetida 4-bosqich talabalari, o`z yo`nalishlari bo’yicha yozgi amaliyotga jalb qilinib kelinmoqda. Amaliyot dasturi talabalarning universitetda olgan nazariy bilim va ko`nikmalarini mustahkamlashga yordam bermoqda. TTPU ning boshqa universitetlardan farqi shundaki, amaliyot bo`yicha topshiriq va ishlar onlayn tarzda maxsus platforma orqali olib boriladi. O`quv rejaga ko’ra, agar talaba amaliyotni o`z vaqtida muvaffaqiyatli tamomlasa, 10 kredit ekvivalentini (ECTS) qo`lga kiritadi va Universitetni tamomlash uchun yo`llanmani oladi.
Maxsus platforma orqali korxona va tashkilot nomlari bilan shakllantirilgan tanlov bo`limi yaratilgan bo’lib, talaba o`zi tanlagan korxona yoki tashkilotga borishi “O`quv-uslubiy va ilmiy” bo`limi (Bo’lim) tomonidan ta’minlanadi.
Bo`lim tomonidan talabalar ro`yxati shakllantiriladi va maxsus platformaga joylashtiriladi. Har bir korxona va tashkilotga biriktirilgan talabalarni nazorat qilish uchun Tyutor tayinlanadi.
Talabalar amaliyot o`tash mobaynida quyidagi bosqichlardan o`tishlari zarur bo’ladi:
Birinchi bosqichda, amaliyot kundaliklarini maxsus platformaning “Summer Internship Journal” bo`limiga kirib, undagi amaliyot kundaliklarini elektron shaklini yuklab olishadi.
Amaliyot o`tash davrida talabalar ushbu kundalikni to`ldirib borishadi va bu amaliyot ishlari tyutorlar tomonidan nazorat qilib boriladi. Talaba kundalikni to`ldirib bo`lgach, amaliyot o`tagan tashkilot yoki korxonaning muxri bilan tasdiqlangan shaklini polito.uz saytining tekshirish uchun maxsus bo`limiga yuklaydi.
Ikkinchi bosqichda, talaba amaliyot o`tash mobaynida o`rgangan bilimlarini 30 varoqdan iborat xisobot shaklida yozib, “Yakuniy xisobot” deb nomlangan saytning maxsus bo`limiga yuklaydi.
Uchinchi bosqichda, talaba amaliyot davrida bajargan ishlari haqida taqdimot tayyorlaydi va saytning maxsus “Prezentatsiya” deb nomlangan bo`limiga joylashtiradi.
Yuqorida sanab o`tilgan barcha topshiriqlar Bo’lim tomonidan biriktirilgan Universitetning professor-o`qituvchilari tomonidan tekshiriladi va 30 ballik shkalada baholanadi.
Bo`lim tomonidan barcha bosqichlardan muvaffaqiyatli o`tgan talabalarning ro`yxati shakllantiriladi. Ro`yxat platformada e’lon qilinadi va u asosida yakuniy imtihon tashkil etiladi. Bu imtihonda talaba tomonidan shakllantirilgan taqdimot, universitetning professor-o`qituvchilaridan tashkil topgan hay’at a’zolari oldida himoya qilinadi.
Yuqoridagi barcha sanab o`tilgan jarayonlar onlayn tarzda universitetning maxsus platformasi orqali olib boriladi va bu o`z navbatida o`qituvchilarga hamda, talabaga birdek qulaydir.
TTPU: ta’lim sohasiga innovatsion texnologiyalarni tadbiq etish yo‘lida
|
Hozirgi kunga kelib, innovatsion texnologiyalar hayotimizning har bir jabhasiga misli ko‘rilmagan tezlik bilan kirib bormoqda. Ana shunday texnologiyalardan bo‘lgan “virtual reallik” ning ta’lim sohasidagi ahamiyati tobora ortmoqda.
Universitet o‘quv jarayoniga shunday innovatsion texnologiyalarni tadbiq etish maqsadida, Toshkent shahridagi Turin Politexnika Universiteti, hamda “ALPHA DX GROUP” kompaniyasi o‘rtasida qo‘shma korxonani tashkil etish bo‘yicha kelishuv imzolandi.
Asosiy maqsad, ta’lim sifati va talabalarning ta’lim olishga qiziqishini oshirish, o‘quv jarayoniga virtual reallik, blokcheyn va NFT texnologiyalarini joriy etish va ushbu texnologiyalar asosida o‘quv materiallar (kontentlar)ni shakllantirish.
Yangi innovatsion konsepsiyani shakllantirish orqali, AR va VR texnologiyalariga asoslangan, EduVerse innovatsion konsepsiyasini Turin Politexnika Universitetida o‘quv jarayonlariga tadbiq etish va “2+2” ta’lim dasturlarini ochish ko‘zda tutilga. Ushbu maqsadda universitetimizda alohida laboratoriya shakllantirilib, EduVerse uchun kerak bo‘ladigan uskunalar sotib olinmoqda
Kelgusida EduVerse orqali boshqa ta’lim maskanlariga yangi kontent yaratish maqsadida hamkorlar bilan o‘quv platformasini shakllantirish rejalashtirilgan.