Hurmatli professor-o’qituvchilar va talabalar,
Sizlarni 2021-yil 16-yanvar, shanba kuni, soat 11:00 da Sho’rtan gaz-kimyo majmuasi qurilish boshlig’i Elyor G’aniyev Abdiraximovich tomonidan tashkil etilgan “Qurilish loyihalarida ma’ruzalarning ahamiyati” mavzusidagi seminarga taklif etamiz.
O’tkaziladigan joy: 404 AB auditoriya

Barcha bosqichdagi qurilish muhandisligi yo’nalishida tahsil oluvchi talabalar uchun tavsiya etiladi!

Foydaliligi:
-Faol bitiruvchilar uchun qiziqarli ish takliflari
-Asosiy mutaxassisning hayotidan namunalar
-Amaliy geologiya / fuqaro muhofazasi bo’yicha nazariy bilimlarni mustahkamlash
-Fuqarolik qurilish loyihalarining turli bosqichlarini tushuntirish

Tashkilotchilar: TTPU Qurilish va arxitektura kafedrasi

👨‍🏫Universitetimiz kutubxonasida o’tkazilgan namoyishda bo’lajak fan doktorlari o’z ilmiy ishlarini o’z hamkasblari, universitet professorlari, talabalari va xodimlariga taqdim etishdi. Ilmiy ishlar hay’at a’zolari tomonidan baholandi. Ushbu ko’rgazma mashinasozlik va qurilish muhandisligiga qiziqqan barchaga ko’proq ma’lumot olish uchun ajoyib imkoniyat bo’ldi.

📌Ilmiy ishlar namoyishi muvaffaqiyatli o’tganini hisobga olgan holda, shu kabi ilmiy ishlar ko‘rgazmalarini universitetimizda har chorakda o‘tkazishni rejalashtirayapmiz.

✅Tanlov yo‘nalishlari:
-Ajdodlar merosini o’rganish va targ’ib etishda innivatsion yondashuvlar;
-Oliy ta’limda sifatli bilim olishda talabalarning shaxsiy motivatsiyasini oshirish uchun o’quv jarayoni vametodikasini o’zgartirish yo’llari;
-Yoshlarni ilm-fanga qiziqtirishning noan’anaviy usullari.

📌Tanlov 4 bosqichda bo’lib o’tadi va unda OTM talabalari va tadqiqotchilari ishtirok etishi mumkin.

⏰Hujjatlar joriy yilning 20 yanvarigacha barcha oliy ta’lim muassasalaridagi fakultetlarda qabul qilinadi.

💸Gʻoliblar 50 million so‘mgacha miqdoridagi pul mukofoti bilan taqdirlanadi.

✊Siz ham ishtirok eting va g’oliblikni qo’lga kiriting!

Azizlar!

Bu yil hammamiz uchun ham oson bo’lmadi … Ammo shu bilan birga baxtli lahzalar ham ko’p bo’ldi. Bu yil biz oilamizga ko’proq vaqt ajratishga, o’zimizning va barcha yaqinlarimizning sog’lig’iga ko’proq g’amxo’rlik qilishga muvaffaq bo’ldik! Ba’zi bir ishlarimizni to’xtatishga, ba’zilarini esa onlayn o’tkazishga to’g’ri keldi.

Ammo birlashish orqali biz koronavirus ustidan deyarli g’alabaga erishdik! Shuni alohida ta’kidlash lozimki, bizning talabalarimiz hamda ishchi-xodimlarimiz ham mazkur muvafaqqiyatda o’pkani sun’iy ventilliyatsiya qilish apparati ixtirosi va Volkswagen tez tibbiy yordam mashinalarini barcha zaruriy jihozlar bilan jihozlash jarayonidagi ishtiroki bilan o’z hissalarini qo’shdilar. O’z loyihalari ustida ishlashda davom etib universitet nomidan turli tanlovlarda qatnashib, faxrli o’rinlarni egallagan iqtidorli talabalarni ham ta’kidlash lozim.

Shuningdek, professor-o’qituvchilar, bitiruvchilar va talabalar ilmiy va ta’lim sohalarida ko’plab yutuqlarga erishdilar. Bundan tashqari, innovatsion oromgoh yaratib, yosh bolalarga yangi ko’nikmalarni o’rgatish asnosida ularga katta quvonch baxsh etgan tashkilotchilarni ham alohida qayd etish joiz. Umuman olganda, orangizdagi ko’pchiligingiz sahovatpeshalik namunasini ko’rsatib, xayriya loyihasining bir qismi sifatida saraton kasalligiga chalingan qizning hayotida muhim rol o’ynadingiz. Shuningdek, Putra biznes maktabi va Pittsburg davlat universiteti kabi chet el oliy ta’lim muassassalari bilan memorandumlar imzolandi va qo’shma ta’lim dasturlari boshlandi.

Shu bilan birga, yaqinda universitet tomonidan olingan litsenziya ham bizning yutug’imizdir. Umuman olganda, birinchi kurs talabalari va talabalar sonining ko’payishi hamda qurilayotgan yangi o’quv binosi universitetning rivojlanayatganidan dalolat beradi. Bundan tashqari, universitet qoshida TISS inkubatsiya markazi va Polito Akademiyasining tayyorgarlik kurslari o’z faoliyatini boshladi. Erishilgan yutuqlar haqida gapiradigan bo’lsak, karantin cheklovlariga qaramasdan, otgan yil avvalgilaridan yomon emas, aksincha, boy, samarali va muvaffaqiyatli bo’lganligini ta’kidlash lozim.

Aziz do’stlar!
Toshkent shahridagi Turin politexnika universiteti sizni chin qalbdan Yangi yil bilan tabriklaydi! 2021 yil barchamiz uchun yanada muvaffaqiyatli va omadli bo’lsin. Barcha yaqinlarimiz sog ‘ va salomat bo’lsinlar. Sizga va Universitetimizga katta yutuqlar hamroh bo’lsin!

Hukumat tomonidan qabul qilinayotgan qarorlar bilan ruxsat beruvchi hujjatlarni olish tartibi sifat jihatidan yangi darajaga ko’tarildi. Tizimlarni raqamlashtirish esa ruhsatnoma olish jarayonini soddalashtirilishiga, keraksiz hujjatlarning talab qilinishini minimallashtirishga va eng asosiysi sarflanadigan vaqt va pulning tejalishiga imkon berdi.

Bugungi kunga qadar o’z faoliyatini O’zbekiston Respublikasi Prezidentining 2009-yil 27-apreldagi PQ-1106-sonli qarori asosida amalga oshirib kelayotgan Toshkent shahridagi Turin politexnika universiteti boshqa nodavlat ta’lim muassasalari qatorida oliy ta’lim sohasida ta’lim faoliyatini olib borish uchun Litsenziyaga ega bo’ldi.

Vakolatli davlat organi tomonidan berilgan ushbu hujjat Universitetning mashinasozlik, avtomobilsozlik, axborot tizimlari, qurilish va arxitektura sohalarida oliy ma’lumotli mutaxassislarni tayyorlash bo’yicha faoliyatni amalga oshirish huquqini yana bir bor tasdiqladi.

🏆IT Park tomonidan talabalar o’rtasida tadbirkorlikni va startap ekotizimini rivojlantirish maqsadida tashkil etilgan “Students Cup” tanlovida Toshkent shahridagi Turin Politexnika Universiteti talabalaridan tashkil topgan “NovaRobotics” jamoasi o’zining “NovaAssistant” loyihasi bilan birinchi sovrinli o’rinni egalladi va 15 000 AQSh dollari miqdoridagi pul mukofotiga ega boʻldi.

🏆Bundan tashqari, ushbu jamoa O’zbekiston Respublikasi Innovatsion Rivojlanish Vazirligi tomonidan tashkil etilgan TECHNOWAYS texnologik rivojlanish marafonida o’zlarining NovaMini loyihasi bilan qatnashib, birinchi o’rinni egalladi va 30 million so’m miqdoridagi pul mukofotiga ega bo’ldi.

🎉Iqtidorli talabalarimizni ushbu g’alaba bilan muborakbod etamiz va kelgusi ishlarida katta zafarlar tilab qolamiz!

👏Talabalarimiz – faxrimiz!

Toshkent shahridagi Turin Politexnika Universitetida ZOOM platformasi orqali “Ayollarni tazyiq va zo‘ravonlikdan himoya qilish va gender siyosatining mazmun mohiyati” mavzusida onlayn davra suhbati bo‘lib o‘tdi.

Davra suhbati mehmoni Birlashgan Millatlar Tashkilotining Aholishunoslik bo‘yicha jamg‘armasining gender masalalari bo‘yicha milliy ekspert, Fuqarolik tashabbuslarni qo‘llab-quvvatlash markazining gender va gender zo‘ravonlik bo‘yicha dasturining trener-konsultanti, psixolog, zo‘ravonlik muammosi bo‘yicha 20 yillik tajribaga ega, Rossiya va Turkiyada malaka oshirgan Irmatova V. va Olmazor tumani IIO FMB XKMB katta inspektori podpolkovnik Matchanova O. bo’lishdi.

Suhbat davomida hozirgi kunda dolzarb mavzuga aylangan ayollarga bo’lgan munosabatlar, tazyiqlar va zo’ravonliklar haqida ta’kidlab o’tildi. Shu bilan bir qatorda zo’ravonliklar oldi olinishiga qaratilgan bir qator chora tadbirlar va yangi joriy etilgan qonun-qoidalar bilan tanishtirildi.

Ushbu suhbatda qatnasha olmagan talabalar uchun yozib olingan videoni quyidagi havolada taqdim etamiz:
https://www.youtube.com/watch?v=-QVoVfUhyTE

📚7-15 dekabr kunlari Xalqaro ttaqsimlangan Fizika Olimpiadasi (The International Distributed Physics Olympiad, IdPhO) masofaviy tarzda bo‘lib o‘tdi. Jahonning 57 ta mamlakatidan 285 nafar o‘quvchi ishtirok etgan mazkur olimpiadada IPHO-2020 uchun saralangan milliy terma jamoa a’zolari ishtirok etdilar.

👨‍🏫Toshkent shahridagi Turin Politexnika Universiteti o‘qituvchisi Doniyor Babajanov terma jamoa rahbari sifatida o‘quvchilar bilan o‘quv mashg‘ulotlarini tashkil qilib, ularni mazkur xalqaro olimpiadaga tayyorladi.

🥉Mazkur olimpiadada O‘zbekiston sharafini besh nafar iqtidorli o‘quvchi himoya qildi. Jamoamiz a’zosi Rail Xashaev faxrli 3-o’rinni egallab, bronza medali sohibi bo’ldi.

Bronza medali O’zbekiston ahliga muborak bo’lsin!

Yangi yilda yaxshilik qilishni hohlaysanmi? Unda bizning hayriya aktsiyamiz aynan siz uchun!

Toshkent shaxridagi Turin politexnika universiteti yoshlar ittifoqi va ko’ngilli yoshlari tomonidan 22- dekabr kuni “Xlebushkina” nomli bolalar uyiga borishni tashkillashtirildi.

“Bir dona shirinlik harid qil va bir bolaga baxt ulash” aktsiyamiz 2 kun 16-17 dekabr kunlari o’tkaziladi. Agarda sizni ishtrok etish uchun imkoniyatingiz bo’lmasa, siz hohlagancha miqdordagi pulni kartadan yuborishingiz va bolalarni yangi yil mo’jizasi bilan hursand qilish imkoniyati bor.

Yeg’ilgan pullarga biz:

• Sovg’alar olamiz
• Bolalar uchun shaxsiy gigiyena vositalarini sotib olamiz
• Talabalarimiz tomonidan yozilgan niyatlar to’la hatlarni yetkazamiz.

Biz bilan birgalikda yaxshilik qiling❤️

Yurtboshimiz tomonlaridan ta’kidlanayotgan masalalardan biri bu xotin-qizlar bilan ishlash, ularning ko’nikmalarini oshirish va ish bilan ta’minlashga qaratilgan chora tadbirlar va dasturlardir. Hozirda aynan shu mavzu oldimizga qo’ygan ulug’vor maqsadlarimizdan biri desak yanglishmagan bo’lamiz.

Bunga 4-dekabr kuni Toshkent shahridagi Turin Politexnika Universitetida universitet Xotin-qizlar kengashi tomonidan o’tkazilgan ijodiy kecha yaqqol misol bo’la oladi. Ijodiy kechada Universitetimiz va uning qoshidagi akademik litseyning talaba qizlari o’z iqtidorlarini yuksak darajada namoyon etdilar. Qizlar tomonidan she’rlar, kuy va qo’shiqlar ijro etildi hamda biserda yasalgan qo’l mehnati namunalari va foto ko’rgazmalar namoyish etildi.

Tadbirga mehmon sifatida taklif etilgan P. Benkov nomli san’at maktabi katta o’qituvchisi o’z iqtidorli talabalari bilan matoga bo’yoq chizish bo’yicha mahorat darslarini o’tib berishdi va bu orqali qizlarimizning yana bir yashirin iqtidorlari namoyon bo’ldi.

Bugun UZREPORT TV telekanalida Toshkent shahridagi Turin Politexnika Universiteti “Nova Robotics” jamoasining robototexnika bo’yicha mahorat darslari o’tkazish uchun 196-maktabga yo’l olgani haqidagi lavha namoyish etildi.

Qishki ta’til yaqinlashmoqda! Agar sizni farzandingiz o’z ta’tilini unumli o’tkazishini istasangiz, unda bu yangilik aynan siz uchun!
Toshkent shahridagi Turin Politexnika Universiteti🎓 tashabbusi bilan 25-dekabrdan 30-dekabrgacha “Qishki IT Oromgoh” tashkil etilmoqda.
Oromgohda farzandingiz :
-Robototexnika🤖
-Dasturlash💻
-Grafik dizayn🎨
-3D modellashtirish⚙️
-Videoni tahrirlash kabi📽
yo’nalishlardan dars olib, robotlarni yig’ish va ularga dastur yozishni o’rganadilar. Shu bilan birga kunning ikkinchi yarimida lagerda:
-intellektual o’yinlar🧩
-sport musobaqalari🏓
-ko’ngilochar o’yinlar🔥
hamda robot janglari🤖 ham bo’lib o’tadi.

Shuningdek, oromgoh dasturi so’ngida har bir ishtirokchi:
-ajoyib va unutilmas sovg’alar🎁
-universitet rektori nomidan sertifikat📃
va eng asosiysi kerakli bilimlarga📚 ega bo’ladi!
Ishtirokchilar soni cheklangan ❗️❗️❗️
Ro’yxatdan quyudagi ilova orqali o’ting.
https://forms.gle/7XHznUZNNMqx1S5f7

O’zbekiston Respublikasi Konstitutsiyasi kuniga bag’ishlab Toshkent shahridagi Turin Politexnika Universitetida 9-dekabr kuni “Konstitutsiya – baxtimiz qomusi” nomli konsert dasturi o’tkazildi. Konsert ulug’ madhiyamiz sadolari bilan boshlandi. O’tmishimiz, bugunimiz va albatta porloq kelajagimiz aks etgan video rolik barchani ta’sirlantirdi. Jonli ijroda talabalarimiz tomonidan ijro etilgan kuy-qo’shiqlar va raqslar guldastasi zalga yig’ilgan mehmonlarni ham raqsga chorladi.

O‘zbekiston Respublikasi Prezidenti Sh.M.Mirziyoev raisligida mamlakatimizda ta’lim-tarbiya tizimini takomillashtirish, ilm-fan sohasi rivojini jadallashtirish masalalari muhokamasiga bag‘ishlangan videoselektorda belgilab o‘tilgan vazifalar ijrosiga hamda Oliy ta’lim muassasalariga o‘rta ta’lim maktablarini biriktirish va ularni ishlash jarayonlarining samaradorligini oshirish bo‘yicha 2020 yil 22 noyabr kuni Bosh Vazir o‘rinbosari Musaev B.A. rahbarligida bo‘lib o‘tgan Ishchi guruh majlisi 3-son Bayoniga muvofiq Toshkent shahridagi Turin Politexnika Universitetiga (TTPU) Olmazor tumanidagi 196-umumta’lim maktabi otalig‘iga olish uchun biriktirib berildi.

Shu asnoda, TTPU 196-umumta’lim maktabi bilan hamkorlik ishlarini boshlab yubordi.

30 noyabr – 1 dekabr kunlari maktab professor-o‘qituvchilari TTPUga tashrif buyurishdi va ularga universitet mas’ul xodimlari tomonidan universitet faoliyati, ta’lim tizimi va dars o‘tish metodikalari xaqida qisqacha ma’lumot berildi.

Bundan tashqari, TTPU xodimlari maktab ma’muriyati tomonidan tashkil etilgan “8-dekabr – Konstitusiya kuni”ga bag‘ishlangan “Konstitusiya mening taqdirimda” ko‘rik tanlovida mehmon sifatida ishtirok etishdi va maktab iqtidorli o‘quvchilariga universitet nomidan esdalik sovg‘alari taqdim etildi.

Endilikda TTPU va Italiya tajribasi asosida ushbu maktab faoliyatini takomillashtirish masalasida:

• Universitet professor-o‘qituvchilarining salohiyati va tajribalaridan foydalangan xolda maktab fan o‘qituvchilariga ilg‘or o‘qitish uslublarini o‘rgatish;
• Ularni “Ingliz tili” ko‘nikmalarini va malakalarini oshirish uchun “Master-klass” formatida leksiyalar, seminarlar tashkil etish;
• Ma’naviy-ma’rifiy tadbirlarni hamkorlikda o‘tkazish;
• Birgalikda turli hil tanlovlar va fan olimpiadalarini o‘tkazish;
• Ilmiy-tadqiqot ishlarni olib borish bo‘yicha hamkorlikni yo‘lga qo‘yish kutilmoqda.

😊Hurmatli TTPU talabalari, professor-o’qituvchilari va hodimlari!

Barchangizni 8-dekabr Konstitutsiya kuni munosabati bilan Universitetimiz konferensiyalar zalida 9-dekabr kuni soat 12:00da bo’lib o’tadigan “Konstitutsiya – baxtimiz qomusi” nomli konsert dasturimizga taklif etamiz! 🎉🎉🎉

O’zbekiston Yoshlar Ittifoqi muassisligidagi Respublika Yosh huquqshunoslar Kengashi tomonidan tashkil etilgan bu tadbirda O’zbekiston Respublikasi Milliy Gvardiyasi yoshlarining chiqishlari, kuy va qo’shiqlar joy olgan.

🎈Barchangizni bayram dasturimizga chorlab qolamiz!🎈

Hozirgi kunda yer yuzida mavjud davlatlarning deyarli barchasi o’zlarining erkin siyosati, tili, davlat ramzlariga ega. Ammo ularning hammasi ham o’z konstitutsiyasiga egaemas. Milliy ramzlar qatorida tilga olinadigan konstitutsiyaga bizning mamlakatimiz ham egaekanligi bizning baxtimiz albatta.

Ulug’ ajdodlarimizning asriy armonlari, erkinhayot, farovon jamiyat va adolatli davlat barpo etishdek eng ezgu tilaklar va ulug’ orzularini o’zida mujassam etgan Davlatimiz Konstitutsiyasi barcha qabul qilinadigan qonunlar va me’yoriy hujjatlar uchun mustahkam asos va dasturulamal bo’lib xizmat qilmoqda.

Bugun 8-dekabr O’zbekiston Respublikasi Konstitutsiyasi qabulqilinganiga 28-yil to’ldi. Shu munosabat bilanToshkent shahridagi Turin Politexnika Universiteti barchangizni ushbu sana bilan muborakbod etadi. Mustaqilligimiz abadiy bo’lsin. Doimo yurtimiz tinch va osmonimiz musaffo bo’lsin. Konstitutsiya va qonun ustuvorligi xalqimiz farovoniligi uchun xizmat qilsin.

Konstitutsiya bayramingiz muborak bo’lsin, azizlar!

“Assystem Engineering and Operation Services” vakillari Toshkentdagi Turin politexnika universitetiga tashrif buyurib, talabalarni o’qitish metodikasiga katta qiziqish bildirdilar va universitet bazasini yuqori baholadilar.

O’tgan yilning sentyabr oyida kompaniya “Uzenergoengineering” kompaniyasi bilan birgalikda O’zbekistonda o’z faoliyatini boshladi.

Assystem Engineering and Operations Services dunyoning 14 mamlakatida “innovatsion texnologiyalardan foydalangan holda” barcha turdagi elektr tarmoqlari va energiya inshootlarini loyihalashga bag’ishlangan frantsuz tashkiloti hisoblanadi. U dunyodagi uchta yirik xalqaro atom energetikasi kompaniyalaridan biri bo’lib, murakkab va qat’iy tartibga solinadigan sohalarda 50 yillik tajribaga ega.

“Toshkent shahridagi Turin politexnika universiteti talabalari va bitiruvchilarini ish bilan ta’minlash asosan” O’zavtosanoat”, “O’zbekenergo”, O’zbekiston Respublikasi Innovatsion rivojlanish vazirligi,” Lukoyl “,” Inter Engineering “, NKMK, AGMK kabi tashkilotlarda, qurilish va axborot texnologiyalari kompaniyalarida amalga oshiriladi. Fransiyaning Uzenergoengineering-Assystem kompaniyasi bilan hamkorlik bizning talabalarimizni ish bilan ta’minlash uchun ham, mamlakatimizda energetika sohasini rivojlantirish uchun ham katta imkoniyatlarni ochib beradi “, – deydi TTPU marketing bo’limi boshlig’i Oybek Jo’rayev.

Yaqin orada kompaniya va universitet o’rtasidagi hamkorlikning boshlanishi kutilmoqda.

❗️Xalqaro taqsimlangan fizika olimpiadasi-2020 da qatnashish uchun O‘zbekiston jamoasini shakllantirish maqsadida tanlov 3 bosqichda o‘tkazildi.

1️⃣– bosqichda barcha fizika yo‘nalishida o‘z bilimini sinab ko‘rmoqchi bo‘lgan 16 yoshdan-18 yosh oralig‘idagi ishtirokchilar onlayn test topshirdilar. Natijalarga ko‘ra ishtirokchilar ichidan 20 nafari saralab olinib 2 va 3 – bosqichga taklif etildi.

2️⃣-bosqich oflayn shaklda Toshkent shahridagi Turin politexnika universiteti binosida bo‘lib o‘tdi. Barcha ishtirokchilarga bilimlarini ko‘rsatish uchun masalalar va laboratoriya ishi berildi. Ushbu bosqich so‘ngida har bir ishtirokchi universitet tomonidan sertifikat bilan taqdirlandi. “Ushbu sertifikat Toshkent shahridagi Turin politexnika universitetiga kirish imtixonlarida abiturientlarga imtiyoz kuchiga ega bo‘ladi”,- dedi universitet rektori J. Sh. Inoyatxodjaev.

3️⃣-bosqich esa oflayn shaklda Prezident maktabida bo‘lib o‘tdi. Ishtirokchilar ichidan eng yuqori ball to‘plagan besh nafari saralab olindi va ularga Xalqaro taqsimlangan fizika olimpiadasida O‘zbekiston jamoasi nomidan qatnashishga yo‘llanma berildi.

🎓Ular ichida Toshkent shahridagi Turin Politexnika Universiteti 1-bosqich talabasi Yusufov Meronshoh ham bor (saralash bosqichida 3-o‘rin).

📚Xozirgi paytda ishtirokchilarni bilimlarini yanada oshirish maqsadida sohadagi professor-o‘qituvchilar tomonidan nazariy va laboratoriya darslari olib borilmoqda.

📝Xalqaro taqsimlangan olimpiada-2020 7-15 dekabr’ kunlari Toshkent shahridagi prezident maktabida oflayn tarzda bo‘lib o‘tadi. Bu yili olimpiadada 80 dan ortiq davlat jamoalari o‘z mamlakatidan turib ishtirok etadi va tashkilotchi Moskva fizika-texnika instituti (MFTI) tashabbuskorligi va onlayn nazorati ostida o‘tkaziladi. Yakuniy Xalqaro bosqich ikki bosqichda o‘tkazilib, birinchi bosqichda ishtirokchilarga 3ta masala yechish uchun 5 soat vaqt, ikkinchi bosqichda eksperimental masala, ya’ni laboratoriya ishi uchun 4 soat vaqt beriladi.

👍🏻Talabamizga va barcha O‘zbekiston nomidan qatnashayotgan ishtirokchilarga omad yor bo‘lishini tilab qolamiz!

⚽️”UzAuto Mustaqillik Kubogi” – bu har yili AK “O’zavtosanoat”ning barcha korxonalari xodimlari o’rtasida o’tkaziladigan futbol chempionati hisoblanadi.

🏆”UzAuto Mustaqillik Kubogi-2020″ chempionati natijalariga ko’ra finalda “Avtosanoat Cepla” MChJ QK jamoasi bilan kuch sinashgan holda professor-o’qituvchilar va ma’muriyatdan iborat Toshkent shahridagi Turin Politexnika Universiteti jamoasi 4:0 hisobi bilan g’olib bo’ldi.

👏G’oliblarimizni tabriklaymiz! TTPU jamoasi bizning faxrimiz!

🤩E’tiboringizga final uchrashuvidan parchalarni taqdim etamiz! ⬇️

Bugun, 19 noyabr kuni, Italiyaning Toshkentdagi elchisi Agostino Pinna Toshkent shahridagi Turin politexnika universitetiga tashrif buyurdi.

Tashrif davomida oliy o’quv yurti vakillari elchini universitet faoliyati, ma’muriyati va universitet binolari bilan tanishtirdilar.

Muzokara davomida hamkorlikni yanada rivojlantirish rejalari ham muhokama qilindi.

Umid qilamizki, ushbu uchrashuv Italiya va O’zbekiston o’rtasidagi munosabatlarni mustahkamlash uchun yana bir qadam bo’ladi!