Panama shahrida o‘tkazilgan nufuzli “FGC 2025” robototexnika jahon chempionatida O‘zbekiston terma jamoasi 190 davlat orasida 4-o‘rinni egalladi! Bu – nafaqat yutuq, balki yurtimiz yoshlari xalqaro miqyosda raqobatlasha olishini isbotlagan tarixiy natija! Faxrlanarlisi shundaki, milliy terma jamoamiz safida quyidagi TTPU talabalari munosib ishtirok etdi:Ziyodulla Butakhonov – terma jamoa murabbiyi, "Dasturiy ta'minot muhandisligi" yo‘nalishi 4-bosqich talabasi;Shukurullo Sodiqov – milliy jamoa sardori, "Avtomobilsozlik muhandisligi" yo‘nalishi 1-bosqich talabasi;Akbarshox Kosimov - milliy jamoa video tahlilchisi, “Aviatsiya muhandisligi” yo‘nalishi 2-bosqich talabasi. Ular AQSH, Yaponiya, Janubiy Koreya, Isroil va Buyuk Britaniya kabi kuchli jamoalarni ortda qoldirishga erishdi. Bu esa O‘zbekiston muhandislik salohiyatining amaliy namunasidir. Bunday natijalar —…

Joriy yilning 10-noyabr kuni Xitoy Xalq Respublikasining “Shandong Education Holding Shanda Xueshi” kompaniyasi Boshqaruv kengashi raisi Jin Benjyun boshchiligidagi delegatsiya Toshkent shahridagi Turin politexnika universitetiga tashrif buyurdi. Tashrif davomida mehmonlar uchun TTPU boʻylab tur tashkil etilib, unda o‘quv binolari, zamonaviy laboratoriyalar hamda xalqaro hamkorlik yo‘nalishlari haqida batafsil ma’lumot berildi. Shuningdek, TTPUda yo‘lga qo‘yilgan qo‘shma ta’lim dasturlari, innovatsion loyihalar va ishlab chiqarish bilan integratsiyalashgan o‘quv jarayoni bilan tanishtirildi. Uchrashuv chog‘ida tomonlar o‘rtasida xalqaro ta’lim sohasidagi hamkorlikni kengaytirish masalalari muhokama qilindi. Xususan, qo‘shma ta’lim dasturlarini yo‘lga qo‘yish, ilmiy-tadqiqot ishlari, startap tashabbuslari, talabalarning amaliyoti va stajirovkalarini tashkil etish bo‘yicha kelishuvga erishildi. Tomonlar ushbu…

Forumda Universitet rektori Olimjon To‘ychiyev, professor-o‘qituvchilar, Italiyalik professorlar, litsey o‘quvchilari va ularning ota-onalari ishtirok etdi. Tadbir avvalida Universitet bo‘ylab ekskursiya tashkil etilib, o‘quv binolar, laboratoriyalar va yaratilgan sharoitlar bilan yaqindan tanishtirildi. Ekskursiyadan so‘ng, TTPUda ta’lim olishning afzalliklari, akademik litsey o‘quvchilari uchun qabul tartibi va grant imkoniyatlari, shuningdek, bitiruvchilarning kasbiy faoliyatdagi istiqbollari haqida batafsil ma’lumot berildi. Tadbir yakunida esa ishtirokchilar oʻzlarini qiziqtirgan barcha savollariga Universitet rahbariyati va professor-o‘qituvchilardan javob olish imkoniyatiga ega bo'ldilar.

Mazkur tanlov talabalarning san’atga bo‘lgan qiziqishini oshirish, sahna madaniyatini rivojlantirish, jahon va milliy musiqiy merosni targ‘ib etishga xizmat qildi. 20 ga yaqin ishtirokchi 10 dan ortiq xorijiy OTM vakili sifatida O‘zbek va Jahon estradasi hamda mumtoz asarlarni ijro etdi. Hakamlar hay’ati tomonidan baholangan tanlov natijasiga ko'ra quyidagi ishtirokchilar g'olib deb topildi:🥇 1-o‘rin — G.V. Plexanov nomidagi Rossiya iqtisodiyot universiteti jamoasi🥈 2-o‘rin — Shosaidov Javohir (TTPU)🥉 3-o‘rin — Djaxangirova Mubina (Toshkent shahridagi Singapur menejmentni rivojlantirish instituti) Tadbir yakunida g'olib va bir qancha nominatsiyalar bo'yicha o'zini ko'rsatgan ishtirokchilar sertifikatlar va esdalik sovg‘alari bilan taqdirlandi.

2025-yil 6-noyabr kuni Toshkent shahridagi Turin politexnika universitetida mintaqaviy miqyosdagi muhim voqea — “Take Off Startup Summit” xalqaro vebinari bo‘lib o‘tdi. Tadbirda Universitet rektori Olimjon To‘ychiyev, O‘zbekiston Respublikasi Qonunchilik palatasi deputati Begzod To‘xtamurodov, Innovatsion rivojlanish agentligi bo‘lim boshlig‘i Azizbek Ilhamov, OTMlar Yoshlar akademiyasi liderlari, TTPU talabalari hamda soha mutaxassislari ishtirok etdilar. Vebinar davomida ishtirokchilarga “Take Off Startup” sammiti doirasida taqdim etiladigan imkoniyatlar — jumladan, $1 millionlik investitsiya jamg‘armasi, xalqaro investorlar bilan uchrashuvlar, real startap muvaffaqiyat hikoyalari haqida atroflicha ma’lumotlar berildi. Shuningdek, qonunchilikdagi o‘zgarishlar, innovatsion g‘oyalarni qo‘llab-quvvatlash mexanizmlari va yosh tadbirkorlarni rag‘batlantirish bo‘yicha dolzarb mavzularda taqdimotlar o‘tkazildi. Mazkur sammitning O‘zbekistondagi birinchi…

Ekskursiya davomida talabalar majmuaning “Butun olamni jo qilgan yurak” nomli ko‘rgazmasidagi noyob suratlar, portretlar va tarixiy eksponatlar bilan yaqindan tanishishdi. Ushbu tashrif yosh liderlarda nafaqat tarixiy tafakkurni shakllantirdi, balki ularda rahbarlik mas’uliyati, Vatanga sadoqat va fidoyilik kabi yuksak qadriyatlar haqida chuqur mushohada yuritishga undadi.

2025-yil 30-oktabrdan 13-noyabrga qadar Samarqand shahrida bo‘lib o‘tayotgan YUNESKO Bosh konferensiyasining 43-sessiyasida ko‘plab xalqaro delegatsiyalar, jumladan Tunis Respublikasining YUNESKOdagi doimiy vakili, Parijdagi elchisi, tajribali diplomat janob Dhia Khaled ham faol ishtirok etmoqda. Toshkent shahridagi Turin politexnika universiteti birinchi prorektori Alisher Ashurov elchi janoblarini samimiy kutib oldi va O‘zbekiston Respublikasi Prezidenti tomonidan ajratilgan esdalik sovg‘alarini topshirdi. Tadbir doirasida janob Dhia Khaled Samarqandning tarixiy me’moriy yodgorliklarini ziyorat qildi. Registon maydoni, Go‘ri Amir maqbarasi va boshqa obidalar bilan tanishgan elchi O‘zbekistonning betakror madaniy merosi, xalqimizning nozik didi va mehmondo‘stligidan chuqur hayratda qolganini ta’kidladi. U mazkur ziyorat nafaqat boy tarix bilan tanishish, balki xalqimiz…

2025-yil 27–30-oktabr kunlari Toshkent shahridagi Turin politexnika universitetida qurilish muhandisligi yo‘nalishidagi talabalar o‘rtasida “Future Builders Contest” tanlovi bo‘lib o‘tdi. Tanlov davomida 50 dan ortiq ishtirokchi kichik jamoalarga bo‘linib, tayoqchalar yordamida ko‘priklar va minoralarni loyihalashtirdi hamda yig‘di. Bu jarayon talabalar uchun nafaqat nazariy bilimlarni, balki ijodkorlik, jamoaviylik va tashabbuskorlikni sinovdan o‘tkazish imkonini berdi. Yakuniy bosqichda zilzilaga bardoshlilik hamda yuk ko‘tarish qobiliyati bo‘yicha o'tkazilgan maxsus sinovlar natijasiga ko'ra quyidagi jamoalar g'oliblikni qo'lga kiritdi: “Minora” yo‘nalishi g‘oliblari (zilzilaga bardoshlilik — 9 ball):ArcheTeamB-12 “Ko‘prik” yo‘nalishi g‘oliblari (yuk ko‘tarish — 150 kg):UnionGolden GateGolden Ratio Barcha ishtirokchilarni chin qalbdan tabriklaymiz! Sizning muhandislik salohiyatingiz, izlanuvchanligingiz va ijodingiz…

Bugun universitetimizda 5 daqiqali Blitz shaxmat turniri bo’lib o’tdi! Shveytsariya tizimi bo’yicha o’tkazilgan turnirda talabalar o’zlarining tezkor fikrlash va strategik mahoratlarini namoyish etishdi. 1-o’rin: Hasan Abduhakimov – 9.0 ball2-o’rin: Mexroj Habibullayev – 7.5 ball3-o’rin: Doniyor – 7.0 ball Barcha ishtirokchilarga rahmat! Talabalar o’z qobiliyatlarini ajoyib tarzda ko’rsatishdi!

Tanlovning asosiy maqsadi — talabalarda halollik, adolat, vijdon va fuqarolik mas’uliyati kabi qadriyatlarni mustahkamlash, ularning ijodiy tafakkuri va badiiy didini rivojlantirish hisoblanadi. Ushbu tanlovda 30 dan ortiq talaba o‘z ijodiy ishlari bilan faol ishtirok etdi. Ularning ishlari mavzuning dolzarbligi, g‘oya yangiligi, badiiy ifodasi va ramziy yechimi jihatidan baholandi. Tanlov natijalariga ko‘ra quyidagi talabalar turli nominatsiyalar bo‘yicha g‘olib deb topildi:Karimova Diyora – “Eng yaxshi badiiy ishlanma”“Anti korrupsiya” jamoasi – “Eng yaxshi ramziy yechim”Jumanazarova Nargiza – “Eng yaxshi original g‘oya”Nosirjonova Sojida – “Eng yaxshi rangtasvir asari”Asadov Abdulaziz – “Eng yaxshi grafik ishlanma”Xodjayeva Kamola – “Eng yaxshi badiiy ishlanma”Baxtiyorova Zulayho – “Eng yaxshi…

Toshkent shahridagi Turin politexnika universiteti “Avtomatik boshqaruv va kompyuter muhandisligi” kafedrasi katta o‘qituvchisi Maksudjon Usmonov hozirda AQSHning Arizona State University (ASU) oliygohida Faculty Enrichment Program (FEP) doirasida o‘z malakasini oshirmoqda. Ushbu xalqaro dastur pedagogik va ilmiy salohiyatni rivojlantirish, zamonaviy ta’lim yondashuvlarini o‘rganish hamda xalqaro akademik hamkorlikni mustahkamlashga xizmat qiladi. Dastur davomida Maksudjon Usmonov ASUdagi ilg‘or dars jarayonlarini kuzatmoqda, zamonaviy laboratoriya mashg‘ulotlarida ishtirok etmoqda, Melikian markazi tadqiqotchilari bilan uchrashuvlar o‘tkazmoqda hamda ichki o‘rnatilgan tizimlar (embedded systems) yo‘nalishida tadqiqot loyihasi ustida ishlamoqda. O‘zbekiston hamda AQSH o‘rtasidagi akademik hamkorlikni mustahkamlashga xizmat qiluvchi ushbu Faculty Enrichment Program dasturi AQSH Davlat departamenti tomonidan moliyalashtiriladi.

2025-yil 28-oktabr kuni Toshkent shahridagi Turin politexnika universiteti rektori Olimjon To‘ychiyev hamda Ijtimoiy-iqtisodiy rivojlanish assotsiatsiyasi rahbari Farrux Ziyayev o‘rtasida uchrashuv bo‘lib o‘tdi. Uchrashuv davomida ta’lim, innovatsiya va iqtisodiyot sohalarida o‘zaro hamkorlikni rivojlantirish, xususan, “Samsarak aqlli eko-qishlog‘i” loyihasi doirasida ilmiy-tadqiqot ishlari, startap tashabbuslari, shuningdek, talabalar uchun amaliyot va stajirovkalarni tashkil etish masalalari muhokama qilindi. Uchrashuv yakunida tomonlar o‘rtasida “Turin–Samsarak Innovation Challenge” startap tanlovi, qo‘shma ilmiy loyihalar, grant dasturlari va talabalar amaliyotlarini amalga oshirishni nazarda tutuvchi o‘zaro hamkorlik toʻgʻrisidagi Memorandum imzolandi.

2025-yil 27–30-oktabr kunlari Toshkent shahridagi Turin politexnika universitetida qurilish muhandisligiga ixtisoslashgan “Future Builders Contest” tanlovi o‘tkazilmoqda. Tanlovning dastlabki uch kunida talabalar jamoalarga bo‘linib, kichik tayoqchalardan foydalangan holda ko‘priklar va minoralar loyihalarini ishlab chiqish ishlarini amalga oshirishmoqda. Bu — nafaqat muhandislik bilimlarini, balki ijodkorlik, jamoaviylik va tashabbuskorlikni sinovdan o‘tkazish maydonidir! Har bir jamoa o‘z g‘oyalarini haqiqatga aylantirayotgani — TTPUda bilim va amaliyot uyg‘unligining yaqqol isbotidir!

Ayni paytda 19 ta mamlakatdan saralab olingan 150 nafar iqtidorli yoshlar Xitoyning Dongguan shahrida Huawei kompaniyasining flagman loyihasi — Seeds for the Future ta’lim dasturida ishtirok etmoqda. Ular orasida O‘zbekistondan jo‘nab ketgan 10 nafar talabaning biri Toshkent shahridagi Turin politexnika universiteti 4-bosqich talabasi Dosmuxhamedova Faxriya o‘z texnik bilimlarini global sahnada sinab ko‘rmoqda va TTPU nomini xalqaro miqyosda munosib namoyon etmoqda. Dastur davomida yoshlar sun’iy intellekt, 5G va bulutli hisoblash texnologiyalari bo‘yicha intensiv treninglarda ishtirok etish, xalqaro ekspertlar bilan uchrashuvlar o'tkazish, shuningdek, turli madaniyat vakillari bilan bilimlar va tajribalar almashish imkoniyatiga ega bo'lmoqdalar.

2025-yil 23-oktabr kuni Toshkent shahridagi Turin politexnika universitetida “O‘zbekiston – Yevropa Ittifoqi: Barqaror energetika kunlari” nomli tadbir bo‘lib o‘tdi. Tadbir Yevropa Ittifoqining SECCA (Sustainable Energy Connectivity in Central Asia) loyihasi doirasida tashkil etildi. Tadbir yoshlar o‘rtasida barqaror energiya manbalari, ekologik tafakkur va “yashil” texnologiyalar ahamiyatini targ‘ib etish, shuningdek, maktab bitiruvchilarini oliy ta’lim muassasasi hayoti va ilmiy-innovatsion muhit bilan yaqindan tanishtirish maqsadida tashkil etildi. 💠 Tadbirda SECCA loyihasining energetika bo‘yicha yetakchi eksperti Paata Janelidze, energetika sohasini boshqarish bo‘yicha ekspert Ilze Purina, loyiha tadbirlarini tashkil etish bo‘yicha ekspert Nataliya Sarsenbekova, O‘zbekiston bo‘yicha milliy koordinator G‘ayrat Tashmatov, kommunikatsiya bo‘yicha ekspert Erik Ilyasov, shuningdek…

O'zbekiston Respublikasi Prezidentining "O'zbekiston Respublikasida Jismoniy tarbiya va sportni yanada takomillashtirish va ommalashtirish chora-tadbirlari to'g'risida" 2020-yil 24-yanvardagi PF-5924-son farmoni ijrosini ta'minlash maqsadida "Silk Road Marathon" xalqaro ommaviy yugurish musobaqasi o'tkaziladi. Ommaviy yugurish musobaqasi joriy yilning, 1-2-noyabr kunlari Xiva, 22-23-noyabr kunlari Andijon, 2026-yil 25-26-aprel kunlari Buxoro hamda 2026-yil 9-10-may kunlari Shahrisabz shaharlarida bo'lib o'tadi.

2-oktabr kuni soat 10:00 da Mercure Hotel konferensiyalar zalida “Karyera kuni” tadbiri o‘tkaziladi. Siz ham ushbu tadbirga qatnashib, o‘z sohangiz yoki qiziqishlaringiz bo‘yicha ish topishingiz mumkin! Barchangizni ushbu tadbirimizda kutib qolamiz!Murojaat uchun: +998900983101Manzil: Shota Rustaveli 1-tor ko‘chasi, 6-uy, Mercure Hotel

Toshkent shahridagi Turin politexnika univerisiteti iqtidorli talabalari "TEKNOFEST 2025" - aerokosmik va texnologiyalar festivali festivali doirasida sun’iy yo‘ldoshlar yo‘nalishida 104 jamoa ichida finalgacha chiqib, faxrli 3-o‘rinni qo‘lga kiritishdi. Talabalarimiz ishlab chiqqan kichik sun’iy yo‘ldosh yer sathidan 35,530 metr balandlikka ko‘tarilib, 2,5 soat davomida 186,735 ta ma’lumotni yer stansiyasi bilan almashdi! Bu esa yoshlarimizning chuqur bilim, amaliy ko‘nikma va ulkan salohiyatga egaligidan dalolat beradi. Yoshlarimizni ushbu yuksak natija bilan samimiy tabriklab, ularga kelgusida yanada ulkan zafarlar tilaymiz!

Joriy yilning 23-sentyabr kuni AQSHdan Enterprise Products kompaniyasining Avtomatlashtirish va loyihalash bo‘yicha katta direktori Gregory A. Rogers, biznes yetakchilik bo‘yicha maslahatchi va ta’lim boshqaruvi mutaxassisi Gary Lee Dozier, Toshkent Kimyo xalqaro universiteti Innovatsiya va ilmiy ishlar boʻyicha prorektori Jamshid Kaniev hamda O'quv ishlar bo'yicha prorektori Rod Clark Powell Toshkent shahridagi Turin politexnika universitetiga tashrif buyurdi. Mehmonlar Universitet rahbariyati tomonidan kutib olinib, TTPUning faoliyati, zamonaviy infratuzilmalari, talabalar uchun yaratilgan sharoitlar, xalqaro hamkorlik dasturlari va talabalar yutuqlari bilan yaqindan tanishtirildi. Shuningdek, tashrif davomida avtomatlashtirish, boshqaruv tizimlari va sanoat xavfsizligi bo‘yicha qo‘shma loyihalar, o‘quv dasturlarini boyitish, ma’ruzalar va seminarlar tashkil etish, talabalar uchun…

Joriy yilning 26-sentabr kuni Toshkent shahridagi Turin politexnika universitetida "Students' Union" prezidentligiga saylov bo‘lib o‘tadi. Nomzodlar bilan tanishing: Karimov Ismoil Davron o‘g‘li – "Qurilish muhandisligi" yo'nalishi 3-bosqich talabasi Muxammadaminov Jakhongir Farruxovich – "Aviatsiya muhandisligi" yo'nalishi 2-bosqich talabasi Kuatova Dinara Parxad qizi – "Kompyuter muhandisligi" yo'nalishi 2-bosqich talabasi Dilshodov Nurmuhammad Davronbekovich – "Kompyuter muhandisligi" yo'nalishi 2-bosqich talabasi Saylov o‘tkazilish joyi:TTPU, asosiy kirish foyesiVaqti:09:30-14:00 Saylovda faol ishtirok eting, "Students' Union" prezidentligiga munosib nomzodni tanlang!