O‘zbekiston Respublikasi Prezidenti Sh.Mirziyoyev tomonidan ilgari surilgan “5 ta muhim tashabbus” doirasida yoshlarning musiqa, adabiyot, rassomchilik, teatr va san’atning boshqa turlariga qiziqishlarini oshirish, iste’dodini yuzaga chiqarish maqsadida, Joriy yilning 29 mart kuni universitet talaba va akademik litsey o‘quvchi-qizlar  o‘rtasida “Fine art” nomli tasviriy san’at tanlovi tashkil etildi. Unda yoshlar turli mavzularda erkin uslubda o‘z iste’dodlarini namoyish qilishdi. 

Joriy yilning 28 mart kuni Toshkent shahridagi Turin politexnika universitetida Zakovat klubining 2-bosqich o‘yini o‘tkazildi.

Asosiy maqsad – talabalarning bo‘sh vaqtlarini mazmunli tashkil etish, ularning intellectual salohiyatini oshirish va turli mavzularda o‘z fikrlarini teran ifodalash ko‘nikmalarini shakllantirishdan iborat. Shu bilan birga, o‘yin turli bahs-munozaralarga kirishish va tez fursatda qaror kabul qilishni o‘rgatadi.

Zakovatning Ikkinchi bosqichida quyidagi jamoalari ishtirok etdilar.

1.“The best”

2.“Turin litsey”

3.“Managers TOP”

4.“Evrika”

Klub uchrashuvining moderatorlari, akademik guruhlar tyutorlari Maxkamov Jamshid va Eshonqulov Mirshod o‘yinga start berishdi.

Tadbir so‘ngida har bir jamoadan ishtirokchilar, o‘tgan o‘yin yuzasidan o‘z fikrlari bilan bo‘lishdi.

Hurmatli abituriyentlar,

2023-2024 oʻquv yili uchun

KIRISH IMTIHONLARIDAN MUVAFFAQIYATLI OʻTGANINGIZ BILAN TABRIKLAYMIZ!

Ushbu rasmiy e’longa alohida e’tibor berishingizni soʻraymiz!

2023-yil 13-martda boʻlib oʻtgan kirish imtihoni natijalariga koʻra, abituriyentlar beshta toifaga boʻlingan:

BIRINCHI TOIFA:

Quyidagi abituriyentlar to`g`ridan to`g`ri ikkinchi kurs (First level) ga oʻqishga qabul qilinadilar,hamda O’zbekiston Respublikasi Oliy ta’lim, Fan va Innovatsiyalar Vazirligi tomonidan quyidagi yo`nalishlar bo`yicha TOʻLIQ GRANT ajratiladi. Agar ariza beruvchilar IELTS sertifikatiga ega boʻlmasa (kamida 5,5 ball), ular IELTS sertifikatini (kamida 5,5 ball) 2023-yil dekabr oyining oxiriga qadar topshirishlari kerak *. Ushbu toifa uchun shartnoma toʻlovi mavjud emas.

IKKINCHI TOIFA:

50.00 va undan yuqori toʻplaganlar, toʻgʻridan-toʻgʻri ikkinchi kurs (First Level) ga qabul qilinadilar va kelasi kirish imtihonlarining may va iyul oylaridagi natijalariga koʻra TOʻLIQ GRANT uchun koʻrib chiqiladi. Agar ariza beruvchilar IELTS sertifikatiga ega boʻlmasa (kamida 5,5 ball), ular IELTS sertifikatini (kamida 5,5 ball) 2023-yil dekabr oyining oxiriga qadar topshirishlari shart *. Bir oʻquv yili uchun oʻqish toʻlovi 28 500 000 (yigirma sakkiz million besh yuz ming) soʻmni tashkil qiladi.

UCHINCHI TOIFA:

20.00 va undan yuqori, ammo 50.00 dan past ball toʻplaganlar, toʻgʻridan-toʻgʻri ikkinchi kurs (First Level) ga qabul qilinadilar. Agar ular aprel-iyul oylarida tashkillashtiriladigan pullik intensiv kurslarni muvaffaqiyat tamomlasalar. Agar ariza beruvchilar IELTS sertifikatiga ega boʻlmasa (kamida 5,5 ball), ular IELTS sertifikatini (kamida 5,5 ball) 2022-yil dekabr oyining oxiriga qadar topshirishlari shart *. Bir oʻquv yili uchun oʻqish toʻlovi 28 500 000 (yigirma sakkiz million besh yuz ming) soʻmni tashkil qiladi.

* Agar abituriyent IELTS sertifikatini oʻz vaqtida taqdim etmasa, u avtomatik ravishda birinchi kurs (Preparatory Year) ga tushirib yuboriladi.

TOʻRTINCHI TOIFA:

10.00 va undan yuqori, ammo 20.00 dan past ball toʻplaganlar, IELTS sertifikatining mavjud yoki mavjud emasligidan qat’iy nazar, 2023-2024 oʻquv yilida birinchi kurs (Preparatory Year)ga qabul qilinadilar. Bir oʻquv yili uchun oʻqish toʻlovi 28 500 000 (yigirma sakkiz million besh yuz ming) soʻmni tashkil qiladi. Ushbu toifaga IELTS (kamida 5,5 ball) sertifikatini berish muddati – oʻquv yili soʻngiga qadar.

BESHINCHI TOIFA:

10 balldan kam ball toʻplaganlar belgilangan qabul chegarasidan oʻta olmaganlari sabab universitetga qabul qilinmadilar.

Shartnomalarni rasmiylashtirish Toshkent shahridagi Turin Politexnika Universiteti binosida 2023-yil 27-may soat 09:00 dan boshlab amalga oshiriladi.

May oyidagi kirish imtihonlari (2-bosqich) qoidalari tez orada e’lon qilinadi.

Qabul komissiyasining ishi uchun mas’ul shaxslar:

Rektor – Inoyatxodjayev Jamshid Shuxratullaevich

Prorektor – Fulvio Rinaudo

Dekan – Abdullayev Farhod Bahramovich

Toshkent shahridagi Turin Politexnika Universiteti ma’muriyati ushbu roʻyxatdan tashqari shaxslarning faoliyati uchun javobgar emas.

Kerakli hujjatlar roʻyxati:
Ariza beruvchi pasportining asl nusxasi;
Ariza beruvchining ota-onasining pasport nusxasi.

Barcha savollar boʻyicha raqamlar:
71 246-80-51 / 52,
71 246 63 48

Elektron pochta: admission@polito.uzManzil: Kichik Kichik Halqa Yoʻli koʻchasi 17, Olmazor tumani, Toshkent 100095, Oʻzbekiston

Joriy yilning 24 mart kuni Toshkent shahridagi Turin politexnika universitetining yozgi kutubxonasida kitobsevarlar klubi a’zolarining navbatdagi ma’naviy-ma’rifiy uchrashuvi doirasida mushoira kechasi o‘tkazildi.

Ushbu kechada talaba-yoshlarga ustozlari tomonidan yurtimizda kitobxonlikka berilayotgan e’tibor, kitobning inson hayotidagi ahamiyati haqida ma’lumotlar berildi.

Klub a’zolari ham bu borada o‘z fikr-mulohazalarini bayon etib, o‘zbek she’riyati rivojiga ulkan hissa qo‘shgan O‘zbekiston xalq shoirlari Zulfiyaxonim, Erkin Voxidov, Abdulla Oripov, Muxammad Yusuf, Halima Xudoyberdiyeva, Xurshid Davron va boshqa o‘zbek shoirlarning ijodiga mansub bo‘lgan she’rlardan yoddan namunalar o‘qib berishdi.

Kecha yakunida esa mushoirada faol ishtirok etgan talabalar badiiy adabiyotlar bilan taqdirlandi.

2023-yilning 13-mart kuni Toshkent shahridagi Turin politexnika universitetiga Indoneziyaning Toshkentdagi elchixonasi hamda Muhammadiyah Aisiyah oliy ta’lim fan va texnologiyalar uyushmasi delegatsiyasi tashrif buyurdi.

Tashrif doirasida Toshkent shahridagi Turin politexnika universiteti va Magelang Muhammadiya universiteti, Jakarta Muhammadiya universiteti, Surakarta Muhammadiya universiteti, Yogyakarta Muhammadiya universiteti, Muhammadiya universiteti professori Prof. Dr. HAMKA, Muhammadiyah Ache universiteti muhandislik fakultetlari, Ahmad Dahlan universiteti amaliy fanlar va texnologiyalar fakulteti memorandumlar imzolandi. Shuningdek, TTPUning Mashinasozlik, Qurilish va Kompyuter injiniringi fakultetlari bilan Uyushma universitetlarining muhandislik fakultetlari o‘rtasida memorandum imzolandi.

Memorandum doirasidagi hamkorlik ko‘lami akademik hamkorlik, talabalar, professor-o‘qituvchilar almashinuvi, qo‘shma ilmiy loyihalarni ishlab chiqish va boshqalarni o‘z ichiga oladi.

Toshkent shahridagi Turin politexnika universiteti rektori, DSc. Jamshid Inoyatxo‘jaev,: “Umid qilamizki, ushbu memorandum xalqaro hamkorlikni mustahkamlash va keyingi tadqiqot imkoniyatlarini o‘rganish maqsadida institutlar o‘rtasida uzoq muddatli va samarali hamkorlikni yo‘lga qo‘yishda birinchi qadam bo‘ldi”.

“Elchixona nomidan biz universitetlar oʻrtasidagi hamkorlik tashabbusini qo‘llab-quvvatlaymiz va kelajakda Muhammadiya fan va texnologiyalar uyushmasi bilan hamkorlik barcha uchun samarali bo‘lishiga ishonamiz”, deydi Sintia C. Saeh, Indoneziya Respublikasi elchixonasining birinchi kotibi/axborot, ijtimoiy va madaniyat bo‘limi boshlig‘i.

“Bizning tashrifimizdan maqsad Toshkentdagi Turin politexnika universiteti bilan nafaqat taʼlim, balki ilmiy-tadqiqot va ishlab chiqarish sohasida ham yaxshi hamkorlik qilishdir”, dedi Magelang shahridagi Muhammadiya universiteti muhandislik fakulteti fanlari nomzodi Yun Arifatul Fotima.

Tashrif davomida delegatsiya aʼzolari TTPU axborot-resurs markazi, texnopark va mexatronika markazlari bilan ham tanishdilar.

Joriy yilning 14 mart kuni, Toshkent shahridagi Turin politexnika universitetida O‘zbekiston metallurgiya va mashinasozlik sanoati tarmoqlari kasaba uyushmasi Toshkent hududiy bo‘linma Kengashi tomonidan Toshkent shahri va Toshkent viloyatida joylashgan tarmoq yosh ishchi-xodimlari o‘rtasida “Zakovat” intellektual o‘yini o‘tkazildi. Ushbu bilimdonlar bahsida Turin politexnika universitetining “Turin bilimdonlari” va “Orzu” jamoasi, “O‘zelektroapparat” AJning “Elektroapparat” “Uzavto-Inzi” QKning “O‘zinzi”, Chilonzor 1-son kasb xunar maktabining “Bilimdon” hamda “O‘zmetkombinat” AJning “Metallurglar” jamoasi ishtirok etishdi.

Mantiqiy va qiziqarli savollardan iborat bo‘lib o‘tgan ushbu o‘yinda jamoalar o‘zlarining intellektual salohiyatlarini namoyish etishdi. O‘yin yakunida 20-savoldan to‘plangan eng yuqori ballar natijasiga ko‘ra “O‘zmetkombinat” AJning “Metallurglar” jamoasi Toshkent viloyati yoshlari o‘rtasida faxrli 1-o‘rinni, Turin Politexnika Universitetining “Turin bilimdonlari” Toshkent shaxri yoshlari o‘rtasida faxrli 1-o‘rinni qo‘lga kiritishib, Respublika final bosqichida ishtirok etish yo‘llanmasini qo‘lga kiritishdi. Tadbirda “O‘zmetmashsanoat” kasaba uyushmasi Respublika Kengashi rais o‘rinbosari Sh.Isroilov, Turin Politexnika Universiteti rektori J. Inoyatxo‘jayev va O‘zbekiston kasaba uyushmalari Federatsiyasining Toshkent shahar kengashi bo‘lim boshlig‘i D.Meliyevlar ishtirok etdi.

Tadbir so‘ngida tashkilotchilar tomonidan g‘olib va sovrindor bo‘lgan jamoalarga diplom va esdalik sovg‘alar topshirildi.

Joriy yilning 6-mart kuni, Italiyada Toshkent shahridagi Turin politexnika universiteti) va Politecnico di Torino (Italiya) o‘rtasida ikki tomonlama diplom (Cotutelle) dasturi doirasida doktorlik (PhD) dissertatsiyasining birinchi himoyasi muvaffaqiyatli bo’lib o‘tdi.
O‘zbekistonlik yosh tadqiqotchi Jasurxo‘ja Xolxo‘jaev “Metal qismlarning innovatsion geometrik va mexanik tavsiflari” mavzusida doktorlik dissertatsiyasini, DSc J.Sh. Inoyatxo‘jaev (TTPU) va professor Janfranko Genta (Politecnico di Torino) rahbarligida muvaffaqiyatli himoya qildi.

Har ikki universitet professor-o‘qituvchilaridan tashkil topgan komissiya, amalga oshirilgan ishlarni yuqori baholab, uning zamonaviy ishlab chiqarishdagi ahamiyati va dolzarbligini ta’kidlab, kelgusi ilmiy faoliyatida yanada ulkan muvaffaqiyatlar tiladi.

O‘zbekiston Respublikasi Qurolli Kuchlari tomonidan berilgan grant asosida Toshkent shahridagi Turin politexnika universiteti muhandislari va talabalari tomonidan yaratilgan “Zirhli tulpor” robot-sapyori.

“Zirhli Tulpor” robot majmuasi – portlovchi moslamalarni masofadan utilizatsiya qilish uchun mo’ljallangan.

“Zirhli tulpor” telekameralar va maxsus qo‘shimchalar yordamida shubhali obyektlarni vizual tekshirish, qidirish va dastlabki tashxis qo‘yish uchun ishlatiladi. Zararsizlangan portlovchi qurilmalarni evakuatsiya qilish uchun majmua maxsus konteynerlar bilan jihozlangan. Robot potensial xavfli ob’ektlarga kirishni ta’minlash uchun texnologik operatsiyalarni bajarishda ham qo’llaniladi.

Robot majmuasini boshqarish mavjud vaziyatga qarab ham kabel, ham radio orqali amalga oshiriladi. Robotning uzluksiz ishlash muddati ikki soatdan to’rt soatgacha. Tırtıl platformasi Zirhli Tulporga 250 mm balandlikdagi ostonalar va 200 mm chuqurlikdagi suv to’siqlarini yengib o’tishga imkon beradi.

XUSUSIYATLAR:

O‘zbekiston Respublikasi Prezidentining 2021 yil 19 maydagi “Zo‘rlik ishlatishdan jabr ko‘rgan xotin-qizlarni reabilitatsiya qilishga oid qo‘shimcha chora-tadbirlar to‘g‘risida”gi qarori zo‘ravonlikka uchragan ayollarga yordam ko‘rsatish tizimini yaratish, oilaviy-maishiy zo‘ravonlikning oldini olish va uning salbiy oqibatlariga barham berishga qaratilgan qarorni ijrosini ta’minlash maqsadida, joriy yilning 23 fevral kuni, Toshkent shahridagi Turin Politexnika universiteti, 3-bosqich talabalari hamda Yoshlar bilan ishlash bo‘limi boshlig‘i G.A.Allamova,  Olmazor tumani IIO FMB 4-sonli IIB profilaktika katta inspektori, podpolkovnik SH.M.Yusupov va psixolog SH.J.Jumaqulova ishtirokida seminar-trening o‘tkazildi.                             

         Seminar-treningni oila va xotin-qizlar masalalari bo‘yicha rektor maslahatchisi F.S.Nabixanova ochib berib, mamlakatimizda zo‘ravonlikka qarshi O‘zbekiston Respublikasi Prezidentining 2021 yil 19 maydagi “Zo‘rlik ishlatishdan jabr ko‘rgan xotin-qizlarni reabilitatsiya qilishga oid qo‘shimcha chora-tadbirlar to‘g‘risida”gi qarori, shu jumladan so‘ngi oylardagi Prezident Administratsiyasi Ijro etuvchi apparatining Kommunikatsiyalar va axborot siyosati boʻyicha shoʻba mudiri S.SH.Mirziyoyevaning “Zo‘ravonlikka qarshi kurashni institutsionalizasiya qilish, mediada gender-ta’sirchan obrazlarni yaratish” mavzusida xalqaro konferensiyasi va unda ko‘zda tutilgan chora tadbirlar va himoya orderi haqida so‘z yuritdi.

           Seminar-treningda so‘zga chiqqan “Psixomed” psixologik markazi amaliyotchi psixologi J.SH.Jumaqulova zo‘ravonlik turlari, oiladagi zo‘ravonlikka moyil insonlar, ular tanlaydigan qurbonlar psixologiyasi, tazyiq sabablari haqida turli hil misollar keltirib o‘tdi.

Seminar davomida amaliyotchi psixolog, zo‘ravonlik va tazyiq ostida yashayotgan oilalarda zo‘ravonlikdan aziyat chekayotgan ayollar, erkaklar, bolalar va imkoniyati cheklangan shaxslar haqida, shuningdek bu vaziyatdan chiqish, sog’lom munosabat paydo qilish, kelishish yo‘llarini psixologik nuqtai-nazaridan yoritib berdi.

15-fevral kuni TTPU da Microsoft kompaniyasi va universitetimiz talabalari bilan jonli tadbir bo’lib o’tdi. Uchrashuvdan asosiy maqsad talabalarimizni “Microsoft Student Programs” bilan tanishtirish va dasturga jalb qilish. Tadbir ishtirokchilari Microsoft kompaniyasi takliflari va imtiyozlari haqida to’g’ridan-to’g’ri kompaniya xodimlari Carlotta Castelluccio (a cloud developer advocate) va Microsoft mahsulot menejeri Tessa Wiedmanndan javob olish imkoniga ega bo’ldilar.

Shu bilan birga, Microsoft kompaniyasi tomonidan har yili o’tkaziladigan “Imagine Cup” tanlovi ham muhokama qilindi.
Talabalarimiz dasturda tajribaga ega bo‘lgan boshqa mamlakatlardagi tengdoshlari bilan suhbatlashish va ularning tajribasi bilan tanishish imkoniga ega bo‘ldilar. Xususan, Buyuk Britaniyadan Kenji Phang va Jennifer Xolland ham o‘z universitetlarida Gold Microsoft Learn bo‘yicha o‘z tajribalari va dasturdan olgan imtiyozlari bilan o‘rtoqlashdilar.
Yakunda talabalarimizga universitetdagi ta’lim doirasida Microsoft texnologiyalarini bepul o‘rganish maqsadida 100 dollarlik bepul Azure krediti taklif qilindi.

Oʻzbekiston Respublikasi Vazirlar Mahkamasining (10/1-154 02.02.2023y.) voyaga yetmagan qizlarni erta turmushga berish, istalmagan homiladorlik holatlarini oldini olishga qaratilgan chora-tadbirlar rejasi dasturining 4-bandida, umumtaʼlim maktablarining yuqori sinf oʻquvchilari hamda, akademik litseylar, professional taʼlim, oliy taʼlim muassasalari oʻquvchi- talabalari oʻrtasida erta nikoh va erta tugʻruq, yaqin qarindoshlar oʻrtasida nikohlarning salbiy oqibatlari toʻgʻrisida targʻibot tadbirlari hamda fakultativ mashgʻulotlarni tashkil etish maqsadida, joriy yilning 22-fevral sanasida Toshkent shahridagi Turin politexnika universitetida talaba-qizlar bilan Olmazor tumani Talabalar shaharchasi ko‘p tarmoqli markaziy poliklinika Bosh shifokor o’rinbosari D.Tursunova, shifokor-ginekolog Y.Rahimova hamda universitetga biriktirilgan terapevt-shifokor M.Sharapova ishtirokida targ‘ibot tadbiri o‘tkazildi.

         Shuningdek, tadbirda universitet yoshlar bilan ishlash bo’limi boshlig‘i G.Allamova, universitet oila xotin-qizlar masalalari bo‘yicha rektor masalaxatchisi, tyutor F.Nabixanova, yoshlar bilan ishlash bo‘limi metodisti X.Kamilovalar ham ishtirok etdilar.

Ushbu targ‘ibot tadbirini o‘tkazishdan maqsad: aholi reproduktiv salomatligini mustahkamlash, sog‘lom bola tug‘ilishi, jismoniy va ma’naviy rivojlangan avlodni voyaga etkazish, erta va qarindoshlar o‘rtasidagi nikohning salbiy oqibatlari, yoshlar o‘rtasida sog‘lom turmush tarzini – sog‘lom oilani shakllantirish, talaba-qizlarning tibbiy madaniyatini oshirish, OIV/OITSni oldini olish asoslarini shakllantirish borasida tushuncha hosil qilishdan iboratdir.

         Tadbir davomida mutaxassislar mavzuga oid so‘zga chiqib, talaba-qizlarga ma’lumot berib o‘tdilar.      

         Tadbir so‘ngida talaba-qizlar o‘zlari qiziqtirgan savollarga mutaxassislar tomonidan yetarlicha javoblar oldilar. Ushbu tibbiyot mutaxassislari bilan o‘tkazilgan targ‘ibot tadbiri orqali talaba-qizlarga davlatimiz tomonidan ayollarga ko’rsatilayotgan imtiyozlar, zarur tibbiy ma’lumotlar, shifokor maslahatiga muhtojlarga to‘g‘ri yo‘nalishlar, har qanday holatlarda ayol qizlar davlat himoyasida ekanliklari yana bir bor ta’kidlab o‘tildi.

Joriy yilning 20 fevral kuni Toshkent shahridagi Turin Politexnika universiteti vakillari Farg ‘ona Politexnika institutiga tashrif buyurib, viloyatdagi maktab bitiruvchilari bilan uchrashdi.

Bitiruvchilarga universitetda sifatli ta’lim olishi uchun yaratilgan sharoitlar, ta’lim yo‘nalishlari, universitetga kirish ballari, xalqaro qo‘shma dasturlar haqida ma’lumot berildi.

Shuningdek tashrif doirasida, FarPI talabalari bilan ham uchrashuv uyushtirilib, unda TTPU professori Guido Marchetto talabalarga magistratura bosqichidagi ta’lim yo‘nalishlari, hamda talablar almashinuvi haqida batafsil ma’lumot berib o‘tdi.

Tadbir yakunida talabalar tomonidan berilgan barcha savollarga to‘liq javob berildi.

Joriy yilning 14 fevral kuni Toshkent shahridagi Turin politexnika universitetida Zahiriddin Muxammad Bobur tavalludining 540 yilligi munosabati bilan shaxmat turniri o‘tkazildi. Turnirda universitet talabalari hamda Turin akademik litseyi o‘quvchilari faol qatnashdi.

Qizg‘in davom etgan turnir yakuniga ko‘ra g‘oliblar aniqlandi:

– 1-o‘rinni Turin akademik litsey o‘quvchisi – Otabek Umarov;

– 2-o‘rinni Turin akademik litsey o‘quvchisi – Fazliddinov Shoxjaxon

– 3-o‘rinni universitetning 1-bosqich talabasi Turayev G‘olib hamda 4-bosqich talabasi Xabibullaev Umidjon.
Turnir so‘ngida g‘oliblar sertifikat va esdalik sovg‘alar bilan taqdirlandi.

Millatimiz ma’naviyati va adabiyotining so‘nmas siymolari – Mir Alisher Navoiy hamda Zahiriddin Muhammad Bobur tavalludi yurtimizda keng nishonlanmoqda. Shu munosabat bilan, joriy yilning 9-fevral sanasida Toshkent shahridagi Turin Politexnika Universitetida Alisher Navoiy tavalludining 582 yilligi hamda Zahiriddin Muhammad Boburning 540 yilligiga bag‘ishlangan badiiy-adabiy kecha bo‘lib o‘tdi.

         Tadbirni universitet birinchi prorektori A.Ashurov ochib berib, ushbu ulug‘ kunning egalari, buyuk mutafakkirlarning o‘zbek tili va adabiyatiga qo‘shgan ulkan xissasi to‘g‘risida so‘z yuritdi hamda tadbir ishtirokchilariga o‘z minnatdorchiligini izhor etdi.

         Tadbirni olib borgan universitet 1-bosqich talabasi S.Yo‘ldosheva ilk so‘zlarini Alisher Navoiyning “Kelmadi” radifli g‘azali bilan boshladi. So‘ng, universitet 3-bosqich talaba yigit-qizlari Alisher Navoiyning “Xamsa” asarining 5 dostoni to‘g‘risida qisqacha ta’rif berib, dostonlardan namunalar ijro etildilar.

         Ko‘tarinki kayfiyatda o’tgan ushbu tadbirni universtitet 1-bosqich talaba yigit-qizlari va o’z navbatida universitet kitobsevarlar klubi a’zolari tomonidan tayyorlangan videorolik davom ettirdi. Ushbu videorolikda talabalar buyuk siymolarimiz qalamiga mansub g‘azal va ruboiylarni ijro etdilar.

         Badiiy-adabiy kecha davomida universitetning iqtidorli talabalari, universitetda faoliyat yuritayotgan musiqa to‘garagi a’zolari tomonidan Zahiriddin Muhammad Boburning “Lola” g‘azaliga bitilgan kuy-qo‘shiqlar ijro etildi.

         Shuningdek, tadbirga mehmon sifatida taklif etilgan O‘zbekiston Davlat Dramma teatri aktyori Shukrullo So‘fiev o‘z nutqida mutafakkirlarning boy merosi, asarlarida ulug‘langan milliy va umumbashariy g‘oyalar, allomalarning ana shunday o‘lmas asarlaridan namunalar ijro etdi.

Aytib  o‘tish joizki, mazkur badiiy-adabiy kecha universitet qoshidagi Akademik litsey o’quvchilari buyuk shoirlarimizning ruboiy-g‘azallari, shuningdek milliy raqs va kuy-qo‘shiqlari bilan faol shtirok etdilar.

          Xulosa qilib shuni ta’kidlash joizki, Alisher Navoiy va Zahiriddin Muhammad Boburlarning asarlaridagi ezgu g‘oyalardan yoshlarimizni bahramand etish, yigit-qizlarni buyuk ajdodlarimiz merosiga yuksak ehtirom ruhida tarbiyalash eng oliy maqsadlarimizdan biri hisoblanadi. Biz buyuk Navoiy hamda Boburlarning avlodi bo‘lganimiz bilan iftixor qilamiz, hozirgi avlod ham kelgusi avlod ham hazrat asarlaridan chinakam bahramand bo‘lgan avlod bo‘lib yetishib, kamol topadilar degan umiddamiz.

Joriy yilning 25 yanvar kuni Toshkent shahridagi Turin politexnika universitetida kitobsevarlar klubi a’zolarining navbatdagi ma’naviy-ma’rifiy uchrashuvi o‘tkazildi. Uchrashuvda O‘zbekiston xalq yozuvchisi Tohir Malikning klub a’zolari tomonidan mutolaa qilingan “Alvido…bolalik” qissasi muhokama qilindi.

Tadbir boshida ishtirokchilarda adib to‘g‘risida atroflicha ma’lumot xosil bo‘lishi uchun uning hayoti va ijodi haqidagi videorolik namoyish etildi.

Klub uchrashuvining moderatori akademik guruhlar tyutori Faxriddin Sattiyev asar muhokamasini boshlab berish uchun so‘zni TTPU yoshlar bilan ishlash bo‘yicha 1-prorektori Alisher Ashurovga berdi.

U “Alvido…bolalik” qissasida har doim muhim hisoblangan “tarbiya” masalasiga e’tibor qaratilganligi, asar qahramonlari ayni psixologik o‘tish davrida bo‘lgan o‘smirlar ekanligi va mana shu muhim paytda ularning tarbiyasiga e’tibor qaratilmaganligi sababli jinoyat olamining qaytib bo‘lmas olamiga kirib ketishganligini haqida o‘z fikrlarini aytib o‘tdi.

Asar muhokamasi juda qizg‘in va bahs-munozaralarga boy ko‘tarinki ruhda kechdi va unda eng faol ishtirok etib klub a’zolari e’tirofiga sazovor bo‘lgan 1-bosqich talabasi Abdug‘afforova Madina esdalik sifatida kitoblar to‘plami bilan taqdirlandi.

Tadbir so‘ngida ishtirokchilar navbatdagi uchrashuvda buyuk shoir va mutafakkir, davlat arbobi Mir Alisher Navoiy hamda buyuk o‘zbek shoiri, mutafakkir, tarixshunos va davlat arbobi, boburiylar sulolasi va saltanati asoschisi Zahiriddin Muxammad Boburning hayoti va ijodiga bag‘ishlangan asarlarni, ularning g‘azal va ruboiylarini mutolaa qilib muhokama qilishga kelishib olishdi.

O’zbekiston Respublikasi Oliy ta’lim, fan va innovatsiyalar vazirligi tomonidan joriy yilning yanvar oyi davomida “Kitobxon yoshlar” onlayn Respublika tanlovi o’tkazilmoqda. Mazkur tanlovda ishtirokchilar telegramdagi maxsus @kitobtanlovbot orqali belgilangan tartibda ro’yxatdan o’tib, tanlov ishtirokchisiga aylaning!

Tanlov nizomi

Toshkent shahridagi Turin Politexnika universiteti Oʻzbekiston Respublikasi Vazirlar Mahkamasining taʼlim sifatini nazorati qilish davlat inspeksiyasi tomonidan ilk bor attestatsiyadan oʻtdi va davlat akkreditatsiyasi haqida sertifikatni qoʻlga kiritdi.

Bu universitetdagi taʼlim xalqaro standartlarga mos kelishi barobarida Oʻzbekistondagi oliy taʼlim standartlariga muvofiq ekanini tasdiqlaydi.

        Oʻzbekiston Respublikasi Qurolli Kuchlari tashkil etilganligining 31 yilligi hamda Vatan himoyachilari kunini munosib kutib olish va uni umumxalq bayrami sifatida keng nishonlash, aholida milliy armiyadan faxrlanish va unga boʻlgan ishonch hissini oshirish, yoshlarni vatanparvarlik ruhida tarbiyalash maqsadida universitetda qishki ta’til davri bo’lishiga qaramay, joriy yilning 12-yanvar kuni onlayn tarzda “Vatanni asrash, har bir insonning burchi” mavzusida tadbir oʻtkazildi.

  Tadbirda mehmon sifatida Oʻzbekiston Respublikasi Jamoat xavfsizligi universiteti hodimi, ijtimoiy-gumanitar kafedrasi dotsenti, polkovnik Hotamov Shuhrat Nasirovich –tashrif buyurdi. Shuningdek, universitet birinchi prorektori A.Ashurov, Yoshlar bilan ishlash bo’limi boshlig’i G.Allamova, Universitetga biriktirilgan Olmazor tumani Ichki ishlar bo’limi, profilaktika katta inspektori  podpolkovnik Sh.Yusupovlar, Yoshlar bilan ishlash bo’limi metodistlari X.Kamilova, universitet musiqa to’garagi rahbari M.Saparbaev, Tyutorlarimiz -universitet oila va xotin-qizlar masalalari bo’yicha rektor maslaxatchisi F.Nabihanova, M.Esonqulov, F.Sattiev, J.Mahkamovlar hamda universitet iqtidorli talabalari Urunov Asadbek va Rustamov Dilmurodlar o’zlarining “Elektro mobillar uchun universal akkumulyator modular” va “Innovatsion harbiy to’plam” nomli loyihalarining taqdimotlari bilan ishtirok etdilar.

Mazkur tadbirda onlayn shaklda ishtirok etganlar o’z fikr mulohazalari bilan qatnashib, o‘zlarini qiziqtirgan savollariga soha mutahassisidan atroflicha javob oldilar.

2022-yilning noyabr oyida Toshkent shahridagi Turin politexnika universiteti hududida quvvati 30 kVt bo‘lgan universitet kampusidagi sport majmuasini elektr energiyasi bilan ta’minlaydigan quyosh fotoelektr stansiyasi ishga tushirildi.

2022-yil 20-dekabrda O’zbekiston Respublikasi prezidenti Shavkat Mirziyoyevning Oliy Majlis va O‘zbekiston xalqiga Murojaatnomasida mamlakatimizda energiya resurslaridan samarali foydalanish muhimligini taʼkidlab, davlat tashkilotlari, yirik sanoat obʼyektlari, aholi xonadonlari faoliyatini taʼminlash uchun qayta tiklanadigan energiya manbalarini tezkorlik bilan joriy etilishga chaqirildi.

Ta’lim muassasalarining “yashil energiya”ga o‘tishini qo‘llab-quvvatlash, qayta tiklanadigan energiya manbalari sohasini rivojlantirish va mamlakatimizning uglerod neytralligiga erishishga hissa qo‘shish maqsadida, universitet hududida 2011 yildan ishga tushitilgan sport majmuasiga elektr energiyasi bilan ta’minlash maqsadida quyosh fotoelektr stansiyasi o‘rnatildi. Quyosh stansiyasining maydoni 150 kv.m. va har biri 535 vatt quvvatga ega 58 ta quyosh panellaridan iborat. Ushbu tizimning avtomatik aqlli boshqaruvi Huawei invertori tomonidan ta’minlanib, u ob-havo sharoitiga qarab, 2400 kv.m sport majmuasining ichki ehtiyojlari uchun quyosh energiyasi ishlab chiqarishni avtomatik ravishda boshqara oladi. Stansiya tomonidan yiliga ishlab chiqariladigan elektr energiyasining o‘rtacha hajmi 44873 kVt/soatni tashkil etib, 25 yildan ortiq kutilayotgan xizmat muddati uchun stansiya 1 041 778 kVt/soat elektr energiyasi ishlab chiqarishga qodir. Sport majmuasi va talabalar shaharchasidagi boshqa binolarning tomida joy mavjudligini hisobga olib, universitet fotoelektr stansiyasi quvvatini bosqichma-bosqich oshirishni rejalashtirmoqda.

Toshkent shahridagi Turin Politexnika universiteti, Oʻzbekiston davlat konservatoriyasi hamda Kamoliddin Behzod nomidagi Milliy tasviriy sanʼat va dizayn instituti hamkorlikda Erasmus+ dasturi asosida Oliy taʼlim muassasalarining salohiyatini oshirish yo‘nalishida olib borilayotgan “San’at sohasida tadbirkorlikni rivojlantirishning ko‘p tarmoqli kompetensiyalarini rivojlantirish” loyihasi doirasida “San’at, musiqa va ijodkorlik sohasida tadbirkorlik ko‘nikmalari” nomli o‘quv kursini tashkil qildi. Ushbu dastur doirasida har bir universitet va institutdan jami 18 nafar talabadan iborat to‘rt xil jamoa tuzildi. O‘quv kursi davomida har bir jamoa san’at, musiqa va ijodga yo‘naltirilgan jamoaviy ish ustida ishlab, yakuniy loyiha ishi sifatida o‘z biznes modelini ishlab chiqadi. Kursni muvaffaqiyatli tugatgandan so‘ng, talabalar Belgiyada ikki haftalik talabalar seminari va treninglarida qatnashish imkoniyatiga ega bo‘lishadi. Yakuniy loyiha ishi Erasmus+ (CBHE) “San’at sohasida tadbirkorlikni rivojlantirishning ko‘p tarmoqli kompetensiyalarini rivojlantirish” dasturining yopilish marosimida himoya qilinadi.