2022-yil 12-dekabr kuni CAT@ maxsus texnikaning O‘zbekistondagi rasmiy dileri “Zeppelin Central Asia Machinery” MChJ va Toshkent shahridagi Turin politexnika universiteti o‘rtasida o‘zaro manfaatli hamkorlik to‘g‘risidagi memorandum imzolandi.

Ushbu memorandum tomonlarning ta’lim va ilmiy tadqiqotlar sohasidagi uzoq muddatli o‘zaro manfaatli hamkorligini mustahkamlash, shuningdek, universitet qoshida Caterpillar o‘quv markazini ochishga qaratilgan. Mazkur o‘quv markazda talaba va korxona xodimlari jahonning eng yirik ishlab chiqaruvchilaridan birining greyder simulyatorida yo‘l qurilish texnikasini ekspluatatsiya qilishni o‘rganadilar.

O‘quv markazi negizida Caterpillar va Zeppelin kompaniyalari vakillari ishtirokida ilmiy-metodik seminarlar, mehmon ma’ruzalari va boshqa tadbirlar o‘tkazish rejalashtirilgan.

Ochilishda “Zeppelin Central Asia Machinery” XK hamda Toshkent shahridagi Turin politexnika universiteti rahbariyati, shuningdek, AQSh elchixonasi, Olmazor tumani hokimligi va AHK Germaniya savdo kompaniyasi vakillari ishtirok etdi.

“Caterpillar tog‘-kon sanoati va qurilish uskunalari bo‘yicha dunyodagi yetakchi ishlab chiqaruvchi bo‘lib, u yigirma yildan ortiq vaqt mobaynida O‘zbekistonda o‘zining eng yirik global dileri Zeppelin Uzbekistan orqali taqdim etilgan. Ushbu o‘quv markazining ahamiyati shundaki, u talabalarning amaliy ko‘nikmalarini rivojlantirishga yordam beradi va o‘z sohasi bo‘yicha yuqori malakali va tan olingan mutaxassislardan bilim olib, professional jihozlardan foydalanish imkonin beradi”, deydi texnika fanlari doktori, Toshkent shahridagi Turin politexnika universiteti rektori Jamshid Inoyatxodjaev.

“So‘nggi yillarda biz O‘zbekiston ta’lim sohasini rivojlantirish, qurilish va yo‘l xo‘jaligida malakali mutaxassislarni tayyorlashga qaratilgan loyihalar ustida faol ish olib bormoqdamiz. Biz nafaqat universitetlarni moddiy-texnik jihozlash bo’yicha yordam berishga, balki to’plangan tajribamizni to’liq baham ko’rishga va o’quv jarayonida ishtirok etishga intilamiz. O‘z navbatida, talabalar va bo‘lajak mutaxassislar bilan muloqot sohaga yangicha qarashimizga yordam beradi”. – deydi “Zeppelin Central Asia Machinery” MChJ bosh direktori Mixail Kontsevenko.

Zeppelin Uzbekistan Toshkentdagi Turin politexnika universiteti bilan hamkorlikda 2023-yilga mo‘ljallangan keyingi hamkorlik rejasini ishlab chiqdi.

Toshkent shahridagi Turin Politexnika universiteti akademik guruhlar tyutorlari ijarada yashayotgan talabalarning yashash sharoiti hamda qish mavsumiga tayyorgarligini o‘rganish maqsadida ular yashab turgan xonadonlarga tashrif buyurishmoqda.

Tashrif chog‘ida talabalar yashayotgan xonadon egalari bilan suhbat o‘tkazilmoqda, shuningdek, is gazidan zaharlanishni oldini olish va texnika xavfsizligi borasida kerakli tavsiyalar berilmoqda.

Konstitutsiya – nafaqat bugungi kunning qomusi, balki u ertangi kunimiz, qurayotgan jamiyatimiz istiqbolini belgilab beruvchi hujjat, farzandlarimiz yo‘lini yorituvchi chiroqdir. Shunday ekan, jamiyatimiz hayotining mezoni bo‘lgan Konstitutsiyani chuqur va har tomonlama o‘rganishimiz, uning ma’nosiga yetib borib, amaliy hayotimizning doimiy qo‘llanmasiga aylantirishimiz darkor.

Toshkent shahridagi Turin Politexnika universitetida O‘zbekiston Respublikasi Konstitutsiyasi qabul qilinganining 30 yilligi munosabati bilan “Yoshlar – Qomusimiz istiqboli xazinasi” mavzusida bayram tadbiri tashkil etildi.

Tadbirda universitet birinchi prorektori Alisher Ashurov so‘zga chiqib, “8-dekabr O‘zbekiston Respublikasining Konstitutsiyasi qabul qilingan kun” bayram tadbirini ochiq deb e’lon qildi va Bosh Qomusimiz tarixda sinalgan umuminsoniy, umumbashariy qadriyatlarni o‘zida mujassam etgan hujjat deb ta’kidladi. Chunki u inson huquqlari umumjahon deklaratsiyasining barcha asosiy g‘oya va qoidalarini o‘ziga singdirgan. So‘ng tadbirni Olmazor tumani hokimining yoshlar masalalari bo‘yicha o‘rinbosari Ziyodulla Sa’dullayev yoshlarga murojaat nutqi bilan davom ettirdi.

Jinoyat ishlari bo‘yicha Olmazor tuman sudi sudyasi Sodiqov Xurshid ham tadbir ishtirokchilarini bayram bilan tabriklab, konstitutsiyada fuqarolarning huquq va burchlari, yoshlarga yaratilgan imkoniyatlari to‘g‘risida talabalarga qiziqarli chiqish qildi.

Bayramni universitet talabalari tomonidan tayyorlangan “Konstitutsiya va bag‘rikenglik” mavzusida taqdimot va, videoroliklar davom ettirdi. O‘zbekiston – ko‘pmillatli mamlakat. Bu zaminda asrlar mobaynida turli millat va elat vakillari yashab kelayotgani hamda yurtimizda millatlararo totuvlik, dinlararo bag‘rikenglik muhiti hukmron. O‘zbekiston dunyo mamlakatlari uchun bag‘rikenglik borasida namuna bo‘lib kelayotgani ta’kidlandi.

O‘zbekiston yoshlar ittifoqi Yosh xuquqshunoslar kengash raisi Tursunmetova Go‘zal O‘zbekiston Respublikasi Prezidentining 5106-sonli farmoni ijrosi yuzasidan so‘zga chiqib, hozirgi kunda mamalakatimizda yoshlarga oid davlat siyosatini izchil va samarali amalga oshirilishi, yoshlarni har tomonlama qo‘llab-quvvatlash, huquq va qonuniy manfaatlarini himoya qilish tizimi to‘g‘risida to‘xtalib o‘tdi.

Tadbirga yosh doirachilarning sahna chiqishlari, hamda yoshlarga sevimli bo‘lgan san’atkorlarning musiqiy chiqishlari tadbirga o‘zgacha kayfiyat bag‘ishladi.

Toshkent shahridagi Turin Politexnika universiteti talabalari uchun “1-dekabr OITSga qarshi kurash kuni”ga bag‘ishlab “Zararli illatlarsiz sog‘lom avlod” mavzusida soha mutaxassislari ishtirokida seminar tashkil etildi. Uchrashuvda O‘zbekiston Qizil Yarim oy jamiyati Toshkent shahar tashkiloti FV bo‘lim boshlig‘i D.Narimonova, Olmazor tuman tashkilotchi ijrochi direktori X.Axmedova, tumanlararo teri-tanosil kasalliklari dispanseri shifokori V.Abdullayeva, tuman Sanitar epidemiologik osoyishtalik va jamoat salomatligi xizmati mutaxassislari A.Tadjiddinova va F.Jabborova ishtirok etdi.

Yig‘ilishni universitetning ma’naviyat va ma’rifat bo‘limi boshlig‘i Allamova G.A. ochib berib, bu kabi tadbirlarni o‘tkazilishidan maqsad hamda ahamiyati to‘g‘risida to‘xtalib, talabalarni kelgan mehmonlar bilan tanishtirdi.
Yig‘ilishda so‘zga chiqqan X.Axmedova talabalarga Xalqaro Qizil Xoch va Qizil Yarim oy harakati, uning vazifalari, shu bilan birga sog‘lom turmush tarzi, zararli odatlarning inson hayotidagi oqibatlari, OITS va uning oldini olish to‘g‘risida ma’ruza qildi. So‘ng so‘zni V.Abdullayeva OIV va OITS ning farqi nimada, orttirilgan immunitet tanqisligi sindromi uning yuqush yo‘llari, oldini olish choralari, teri-tanosil kasalliklari to‘g‘risida talabalarga qiziqarli ma’lumotlar berdi.

Uchrashuv davomida hozirgi kunda “Asr vabosi” nomini olgan ushbu immunitet tanqisligi kasalligini oldini olish, davolash, tarqalish yo‘llari to‘g‘risida videoroliklar, videoslaydlar namoyish etilib, talabalarni ogohlikka da’vat etildi. Tadbir davomida talabalar, mavzu bo‘yicha o‘zlarining qiziqtirgan savollariga soha mutaxassislaridan javob olishdi.

Toshkent shahridagi Turin politexnika universiteti huzuridagi

PhD.22/01.02.2022.T.144.01 raqamli Ilmiy Kengash qoshidagi

05.08.06 – “Gʻildirakli va gusenitsali mashinalar va ularni ishlatish” ixtisosligi boʻyicha Ilmiy Kengashida dissertatsiya himoyasi.

Toshkent shahridagi Turin politexnika universiteti huzuridagi PhD.22/01.02.2022.T.144.01 raqamli Ilmiy Kengash asosida 05.08.06 – “Gʻildirakli va gusenitsali mashinalar va ularni ishlatish” ixtisosligi boʻyicha tuzilgan Ilmiy Kengashda texnika fanlari boʻyicha falsafa doktori (PhD) ilmiy darajasiga talabgor Muxitdinov Otabek Odil o‘g‘lining dissertatsiya ishi himoyasi.

Mavzu: “Improving the reliability of internal combustion engines of passenger cars by improving the properties of motor oils with antimicrobial additives”.

Sana: 2022-yil 12-dekabr kuni soat 14:00. 

Seminar shakli: offline/online (havola).

Manzil: Toshkent shahridagi Turin politexnika universiteti bosh binosining 2-qavat, MAJLISlar xonasi.

Masofaviy ishtirok etish uchun online ZOOM havola

ONLINE

Identifikator konferensii: 876 0931 1804

Kod dostupa: 1111

Kuni kecha Toshkent shahridagi Turin Politexnika universiteti birinchi prorektori Alisher Ashurov rahbarligida universitet xodimlari, o‘qituvchi-professorlari hamda talabalari ishtirokida talabalarning huquqiy bilimlarini oshirish, xuquqbuzarlik profilaktikasi va jinoyatni barvaqt oldini olish mavzularida davra suhbatlari o‘tkazildi.

Yoshlar bilan o‘tkazilgan tadbirda universitetning yoshlar bilan ishlash bo‘limi boshlig‘i Allamova G.A., profilaktika katta inspektori, podpolkovnigi Yusupov Sh. va akademik guruhlar tyutori Sattiyev F.O‘. ishtirok etdi. Suhbat davomida talabalarga – har qanday huquqbuzarliklar va jinoiy hatti-harakatlar sodir etganlik uchun yoshidan va ijtimoiy kelib chiqishidan qat’iy nazar, O‘zbekiston Respublikasining Jinoyat va Ma’muriy javobgarlik to‘g‘risidagi kodekslarning tegishli moddalari bilan qonuniy javobgarlikka tortilishi haqida ma’lumotlar berib o‘tildi. Tadbir yakunida talabalar o‘zlarini qiziqtirgan savollariga soha mutaxassisidan atroflicha javob oldilar.

23-noyabr kuni O‘zbekiston oliy o‘quv yurtlari talabalarini IT sohasida bilim va ko‘nikmalarni oshirish maqsadida sakkizinchi marotaba birlashtirgan “Seeds for the future” tanlovining yopilish marosimi bo‘lib o‘tdi.

14-21 noyabr kunlari O‘zbekistonning yettita oliy o‘quv yurti talabalari ilg‘or texnologiyalar va raqamli yechimlarning dunyo barqaror rivojlanishiga ta’sirini o‘rganishga qaratilgan har yili o‘tkaziladigan “Huawei Seeds for the Future 2022” o‘quv dasturida ishtirok etdi.

Sakkiz kun davomida Huawei kompaniyasining xalqaro ekspertlari, shuningdek, hamkor tashkilotlar ekspertlari bilan ma’ruzalar, mahorat darslari, ochiq muhokamalar tashkil etildi. Loyiha gibrid formatda Huawei kompaniyasining Toshkentdagi ofisida shtab-kvartiradan jonli efir va texnologik ko‘rgazma zallariga virtual sayohatlar, shuningdek, yetakchilikni rivojlantirish, startaplarni ishga tushirish va biznes g‘oyalarni amalga oshirish bo‘yicha mentorlarning onlayn ishtiroki bilan o‘tkazildi.

Loyihada ishtirok etish uchun O‘zbekistonning 7 ta oliy o‘quv yurtidan 30 nafar talaba tanlab olindi. Ushbu ta’lim loyihasida Toshkent shahridagi Turin politexnika universitetidan 5 nafar talaba ishtirok etdi:

• Qoriyev Amirxon
• Mirhakimova Mushtariibonu
• Mirkomilov Abdulvoris
• Turobov Mirkozim
• Hamza Endiсan

Xabar berganimizdek, Toshkent shahridagi Turin Politexnika  universiteti rektori J.Sh. Inoyatxodjaev O’zbekiston delegatsiyasi tarkibida, avtomobilsozlik va boshqa sanoat sohalarida rivojlangan mamlakatlarda tatbiq qilingan eng zamonaviy texnologiyalardan foydalanish boʻyicha kadrlar tayyorlash, qayta tayyorlash va ularning malakasini oshirish tizimini tatbiq etish borasida keng qamrovli hamkorlik aloqalarinin o‘rnatish va kelishuvlarga erishish maqsadida hozirda Italiyada xizmat safarida.

Xususan, kuni kecha Italiyaning Turin Politexnika universiteti bilan hamkorlikda “Sanoat ishlab chiqarish texnologiyalari” dual taʼlim yoʼnalishida “Sanoat 4.0” raqamli texnologiyalar, ilgʼor avtomatlashtirish, “Tejamkor ishlab chiqarish” boʼyicha texnik koʼnikmalarga ega boʼlgan kadrlarni 3 yillik oʼquv reja asosida tayyorlash boʼyicha kelishuvga erishildi. Unga ko‘ra, 2023-2024 oʼquv yilidan Toshkent shahridagi Turin politexnika universitetida ushbu yoʼnalishda 100 nafar kadr tayyorlash imkoniyati yaratiladi. Oʼquv jarayonlarining uchdan bir qismi nazariy bilimlar olishga, qolgan qismi esa sanoat muhandisligi boʼyicha yuqori professional amaliy bilim va koʼnikmalarga hamda boʼlajak mutaxassislarni laboratoriya mashgʼulotlariga jalb qilish orqali tayyorlashga qaratiladi.

Uchrashuv doirasida Italiyaning CIM4.0-kompetentsiya markazi bilan hamkorlik borasida muzokara oʼtkazildi. Аndijon mashinasozlik institutida Toshkent shahridagi Turin Politexnika universitetining “Sanoat 4.0 akademiyasi” tashkil etilishiga kelishildi. Аkademiyada avtomobilsozlik va boshqa sanoat sohalarida rivojlangan mamlakatlarda tadbiq qilingan eng zamonaviy texnologiyalardan foydalanish boʼyicha kadrlarini tayyorlash, qayta tayyorlash va ularning malakasini oshirish tizimi tashkil etiladi.

Tashrif doirasida Italiyaning Yuventus futbol akademiyasi bilan hamkorlikni kengaytirish borasida uchrashuv oʼtkazildi. Toshkent shahridagi Turin politexnika universitetida tashkil qilingan “Juventus Academy Tashkent” akademiyada ishtirok etadigan 50 nafar Oʼzbekistonlik yoshlarga Italiyada oʼtkaziladigan “YUVENTUS” Xalqaro turnirida ishtirok etish va Yevropaning yetakchi jamoalari bilan uchrashish imkoniyatini yaratish va hamkorlikni kengaytirish muhokama qilindi.

Google developers talabalar klubi dasturlash sohasida tajriba almashish, nafaqat nazariy, balki amaliy bilimlarni rivojlantirishga yordam beruvchi klublardan biri bo‘lib, Toshkent shahridagi Turin Politexnika universitetida ham o‘z faoliyatini boshladi.

Unda dasturchi sifatida o’sishga qiziqqan barcha talabalar qatnashishi mumkin. Klubning asosiy maqsadi talabalar texnologiya va startap g’oyalarini o‘zaro almashish, Google texnologiyalaridan foydalangan holda mahalliy hamda global muammolarga yechim topishlarida ko’maklashishdan iborat.

Tadbirda GDG tashkilotchisi, lideri va android dasturchisi Azamat Majidov, Nuruddin Iminohunov va yurtimizdagi nufuzli oliy ta’lim muassasalari GDSC liderlari so’zga chiqib, sohaga oid mavzularda talabalar bilan qiziqarli suhbat o’tkazib, fikr almashdilar.

 Kuni kecha TTPU yotoqxonasidagi talabalar bilan universitet mamuriyati o’rtasida uchrashuv o’tkazilib, kuz-qish mavsumiga tayyorgarlik holati, yongʻin va texnika xavfsizligi, jamoat tartibini saqlash kabi masalalarda muloqot olib borildi.

Uchrashuvda talabalarga yong’in xavfsizligi qoidalari, yong’inni oldini olishga doir o’tkazilayotgan tadbirlarning maqsad va vazifalari haqida tushuntishlar berilib, yong’inning paydo bo’lish sabablari, favqulodda vaziyatlarda qay holatda harakatlanish, o’t o’chirish uskunalaridan to’g’ri foydalanish, yong’in sodir bo’lganda dastlab e’tibor qaratish zarur holatlar haqida batafsil ma’lumot berildi.

Shu kunlarda Oʼzbekiston Respublikasida Jahon banki tomonidan moliyalashtirilgan “Oliy taʼlim muassasalarning moddiy texnika bazasini mustaxkamlash” loyihasi doirasida hamda Italiya Respublikasi Oliy oʼquv yurtlari bilan hamkorlik dasturlarini ishlab chiqish maqsadida Oliy va oʼrta maxsus taʼlim vazirining fan va innovatsiyalar boʼyicha oʼrinbosari R.Hakimov boshchiligidagi ishchi guruhi Italiyada xizmat safarini amalga oshirmoqda.

Kuni kecha Rim shahrida Barqaror rivojlantirish uchun universitetlararo tadqiqot markazi (CIRPS) vakillari bilan uchrashuv bo‘lib o‘tdi.Unda Toshkent shahridagi Turin politexnika universitetida CIRPS bilan hamkorlikda “Tibbiy uskunalarga xizmat ko‘rsatish va ta’mirlash texnoparki”ni tashkil etish va texnoparkni ilg‘or tibbiyot asbob-uskunalariga xizmat ko‘rsatish yo‘nalishidagi laboratoriya jihozlari bilan ta’minlash masalasi muhokama qilinib, uch tomonlama shartnoma imzolandi.

Italiya Respublikasining taʼlim, universitetlar va tadqiqot vazirligi vakillari bilan oliy taʼlimda sifatni taʼminlash, Oliy taʼlim uchun Yevropa sifat kafolati reestrida aʼzolik masalalari boʼyicha uchrashuv oʼtkazildi. Hamkorlikda ilmiy tadqiqotlar oʼtkazish, doktorantlarni tayyorlash, ularning stajirovkalarini yoʼlga qoʼyish masalalarida muhokamalar oʼtkaziladi. Oʼzbekistonning turli mintaqalaridagi 7 ta davlat oliy taʼlim muassasalaridan yiliga 30 nafar doktorantlar va professor-oʼqituvchilar almashinuvini joriy qilish boʼyicha kelishuvga erishildi.

Laquila universiteti hamkorlik masalalarini hal qilish bo’yicha uchrashuv o’tkazildi.Natijada 2023–2024-yillar davomida Erasmus+ grant loyihasi ko‘magida respublikaning 7 ta oliy ta’lim muassasasi (Toshkent davlat texnika universiteti, Toshkent tibbiyot akademiyasi, Toshkent shahridagi Turin politexnika universiteti, Andijon mashinasozlik instituti, Andijon davlat tibbiyot instituti, Toshkent axborot texnologiyalari universiteti va Toshkent tibbiyot akademiyasining Urganch filiallari)da “Biotibbiyot muhandisligi“bakalavriat ta’lim yo‘nalishini innovatsion g‘oyalar va raqamli texnologiyalar asosida modernizatsiya qilish va tashkil etish bo‘yicha kelishuvga erishildi.

Xususan, 7 ta oliy taʼlim muassasasida Biotibbiyot muhandisligi taʼlim yoʼnalishining Yevropa standarti asosida oʼquv reja va dasturlari ishlab chiqiladi, oʼqitish materiallari va vositalari tayyorlanadi, 70 dan ortiq professor-oʼqituvchilarning malakasi oshiriladi, har bir oliy taʼlim muassasasida kamida 20 nafardan talabalar ushbu yoʼnalishga ixtisoslashtiriladi.

Joriy yilning 17 noyabr kuni Toshkent shahridagi Turin Politexnika universitetida “Xalqaro talabalar kuni” hamda “18 noyabr – O‘zbekiston Respublikasi Davlat bayrog‘i qabul qilingan kun” munosabati bilan bayram tadbiri o’tkazildi.
Tadbirni universitet birinchi prorektori Alisher Ashurov ochib berib, talabalarni ushbu bayramlar bilan qutladi, ularning kelgusi ishlarida muvaffaqiyatlar tiladi. So‘ng “Yil talabasi-2022” ko‘rik tanlovida faol ishtirok etgan talabalarni tantanali taqdirlash marosimi o‘tkazildi.
Universitet “Musiqa to‘garagi” qatnashchisi Shohruh Hasanov va uning rahbari Mansur Saparbaev tomonidan ijro etilgan musiqiy chiqishlar bayram qatnashchilariga bayramona kayfiyat ulashdi.
Kuni kecha “Xalqaro talabalar kuni” munosabati bilan bo‘lib o‘tgan sport musobaqalari g‘oliblarini taqdirlash marosimi ham o‘tkazildi.
Bayramning ikkinchi qismi O’zbekiston Respublikasi Davlat bayrog‘i qabul qilingan kun bayramiga bag‘ishlandi. Talabamiz Imomalieva Shahlo davlatimiz bayrog‘i to‘g‘risida qiziqarli va foydali ma‘lumotlari bilan taqdimot qildi, talabalarimiz tomonidan davlat bayrog‘iga bag‘ishlab tayyorlangan video namoyish etildi.

Italiya Respublikasidagi oliy ta’lim, jumladan, doktorantura bosqichida sifatni ta’minlash tajribasini o‘rganish, ikki mamlakat oliygohlari o‘rtasida ilm-fan, ta’lim sohalarida keng qamrovli hamkorlik aloqalarini o‘rnatish va kelishuvga erishish maqsadida, Toshkent shahridagi Turin politexnika universiteti rektori J.Sh.Inoyatxodjayev, O‘zbekiston Respublikasi delegatsiyasi tarkibida 2022 yilning 16 noyabr sanasidan 23 noyabr sanasiga qadar xizmat safari bilan Italiyaga jo‘nab ketadi.

2022-yil 14-noyabr kuni Oʻzbekiston talabalari uchun Huawei kompaniyasining hisob boʻyicha sakkizinchi “Seeds for the Future”  taʼlim loyihasini ishga tushirish marosimi boʻlib oʻtdi. Marosim Toshkent axborot texnologiyalari universitetida (TATU) Oʻzbekistondagi yettita oliy oʻquv yurti talabalari va rahbariyati vakillari ishtirokida boʻlib oʻtdi.

“Seeds for the Future” dasturi butun dunyo boʻylab 137 ta mamlakat va mintaqadan 500 ta universitet talabalarini birlashtirgan yetakchi taʼlim loyihasi hisoblanadi. Shu kunga qadar dastur doirasida 12 000 nafar eng yaxshi talaba amaliyot oʻtadi, Huawei kompaniyasining Xitoydagi bosh qarorgohiga tashrif buyurgan ishtirokchilar hamda 2020 va 2021-yillar loyihalari onlayn ishtirokchilari ham shular jumlasidan.

2022-yil 14-noyabr kuni Oʻzbekistonda talabalarga AKT texnologiyalari sohasida oʻz koʻnikma va bilimlarini oshirish, yetakchilik koʻnikmalarini mustahkamlash boʻyicha maʼruzalar tinglash, sayyoramiz va jamiyatimizning barqaror rivojlanishini taʼminlash uchun raqamli yechimlarni joriy etishning muvaffaqiyatli holatlarini oʻrganish, boshqa mamlakatlardan ishtirok etayotgan talabalar bilan madaniy qadriyatlarni almashish, shuningdek Xitoy anʼanalari va madaniyati bilan tanishish imkonini beruvchi “Seeds for the Future 2022” loyihasiga sakkizinchi yil start berildi. Bu yil loyihada Oʻzbekiston talabalari Avstriya, Ruanda va Serbiya talabalari bilan birga ishtirok etadi.

“Seeds for the Future” loyihasi butun dunyo boʻylab minglab talabalarni yagona hamjamiyatga birlashtirgan oʻziga xos tadbir boʻlib, u talabalarga raqamli bilimlarini mustahkamlash va yangi koʻnikmalarni egallash, dunyoqarashini kengaytirish va yangi doʻstlar orttirish imkonini beradi. Loyiha ishtirokchilari universitetlarni tamomlab, osongina IT-mutaxassislariga aylanishadi va butun AKT sohasini rivojlantirishga oʻz hissasini qoʻshadi. Bu yil loyihamizda Oʻzbekistonning yettita universitetidan talabalar ishtirok etmoqda, bu IT sanoati ekotizimidagi barcha hamkorlar tomonidan sifatli kadrlar zaxirasini yaratishga va malakali kadrlar tayyorlashga qiziqish kattaligidan darak beradi”, — deya taʼkidladi Huawei kompaniyasining Oʻzbekistondagi direktori Chen Szyakai.

Oʻtgan yillarda loyiha doirasida TATUʼning 50 nafar talabasi Xitoyga borib, kompaniyaning bosh ofisida amaliyot oʻtadi. Pandemiya munosabati bilan 2020-yil “Seeds for the Future” loyihasi TATU va Toshkent shahridagi Inha universiteti ishtirokchilari uchun onlayn tarzda tashkil etildi. Oʻtgan yili loyiha Oʻzbekistonning toʻrtta universiteti – TATU, Toshkent shahridagi Amiti universiteti, Toshkent shahridagi Kimyo xalqaro universiteti (sobiq Yeoju texnika instituti) va Toshkent shahridagi Turin politexnika universiteti talabalari uchun  Huawei kompaniyasining Oʻzbekistondagi ofisida gibrid formatda oʻtkazildi. Raqamli rivojlanish va texnologiyalarni joriy etish iqtisodiyot va jamiyatning turli jabhalariga taalluqli ekanini inobatga olib, joriy yilda nafaqat IT yoʻnalishlariga ixtisoslashgan OTMʼlar talabalari, balki Toshkent xalqaro taʼlim universiteti va “Toshkent Irrigatsiya va qishloq xoʻjaligini mexanizatsiyalash muhandislari instituti” Мilliy tadqiqot universiteti talabalari ham loyihada ishtirok etish uchun taklif etildi.

“Seeds for the Future” Huawei kompaniyasi tomonidan oʻzining korporativ ijtimoiy masʼuliyatini bajarish doirasida amalga oshirilayotgan global dasturdir. 2017-yilda Oʻzbekistondan “Seeds for the Future” loyihasining 4 nafar ishtirokchisi Pekinda boʻlib oʻtgan “Bir belbogʻ, bir yoʻl” xalqaro sammitida ishtirok etish uchun taklif etilgan boʻlib, unda vakillarimiz sammitda ishtirok etgan 30 ta davlat va hukumat rahbarlari oldida oʻz loyihalarining taqdimotini oʻtkazishdi. 2019-yilda Oʻzbekiston Respublikasining XXRʼdagi Favqulodda va Muxtor Elchisi Shenchjen shahrida boʻlib oʻtgan taqdirlash marosimida ishtirok etdi va loyiha ishtirokchilarini samimiy tabriklab, IT sohasida yosh mutaxassislarni tayyorlash qanchalik muhimligini taʼkidladi.

Toshkent shahridagi Turin Politexnika universitetida “Yashil makon” umummilliy loyihasi “Dolzarb 40 kunlik” tadbirlari doirasida ko‘chat ekish ishlari qizg‘in davom etmoqda.
Universitet jamoasi bahamjihat va ko‘tarinki kayfiyatda ishtirok etayotgan ushbu tadbir doirasida TTPU xududi bo‘ylab mevali va manzarali daraxt ko‘chatlari ekildi.

Ayni kunlarda Toshkent shahridagi Turin Politexnika universitetida “Yashil makon” umummilliy loyihasi izchil amalga oshirilmoqda. Ushbu loyiha doirasida e’lon qilingan «Dolzarb 40 kunlik» tadbirda ko’chat ekish, yashil maydonlarni barpo qilish bo’yicha ishlar boshlab yuborildi.

Jumladan kuni-kecha universitet hududiga 100 dan ortiq manzarali daraxt va buta ko‘chatlari o‘tkazildi.Ekilgan ushbu koʼchatlar endilikda mineral va organik oʼgʼitlar bilan oziqlantirilib, zararkunandalardan himoya qilib boriladi.

Dolzarb 40 kunlik» tadbir doirasida universitetda faoliyat yurituvchi har bir xodim obodonlashtirish va ko‘kalamzorlashtirish ishlariga bahamjihat va ko’tarinki kayfiyatda yondoshmoqda.

Joriy yilning 4 noyabr kuni, Toshkent shahridagi Turin Politexnika Universiteti “Conference Hall” zalida “Jaholatga qarshi maʼrifat” mavzusida davra suxbati bo‘lib o‘tdi.

Tadbirni universitet rektori J.Sh.Inoyatxodjaev ochib berib, bugungi kunda mamlakatimizda amalga oshirilayotgan islohotlar, yoshlar uchun yaratilayotgan sharoit va imkoniyatlar, ta’lim va tarbiyaga to‘g‘ri yondashish zaruratini ta’kidlab, so‘zni O’zbekiston Respublikasi Vazirlar Mahkamasining Din ishlari bo‘yicha qo‘mitasi vakili J.V.Meliqo‘ziyevga berdi.

Uchrashuvda so‘zga chiqqan J.V.Meliqo‘ziyev tomonidan mamlakatimizda olib borilayotgan ijtimoiy-iqtisodiy, diniy sohadagi islohotlar, qolaversa, islom dinining insonparvarlik, tinchlik, bag‘rikenglik kabi oliyjanob ta’limotlari hamda internet va ijtimoiy tarmoqlar orqali tarqalayotgan mafkuraviy xatarlar va ularni oldini olish masalalari kabi dolzarb mavzularda ma’ruza qildi.

Shuningdek, bugungi globallashuv davrida turli mafkuraviy tahdidlarga qarshi kurashish masalalari bo‘yicha so‘z yuritilib, ushbu jarayonda jaholatga qarshi ma’rifat bilan kurashish va ogoh bo’lish muhimligi ta’kidlandi.

Savol-javob tariqasida o‘tgan tadbir so‘ngida talabalarga xujjatli film namoyish etildi. Qizg’in davom etgan davra suhbati so‘ngida talabalar o‘zlarini qiziqtirgan savollarga javob oldilar.

Joriy yilning 1-noyabr kuni, Toshkent shahridagi Turin Politexnika universitetida “Yil talabasi-2022” Respublika tanlovining universitet bosqichi o‘tkazildi.

Dastlab, universitet rektori J.Sh. Inoyatxodjayev oliy ta’lim muassasalari talabalari o‘rtasida an’anaviy ravishda “Yil talabasi” Respublika tanlovini yuqori saviyada o’tkazilishi, ushbu tanlov maqsadi va ahamiyati to‘g‘risida so‘z yuritib , barcha ishtirokchilarga omad tiladi.   

So‘ng esa, tanlovda ishtirok etayotgan universitet iqtidorli talabalari nominatsiyalar bo‘yicha qatnashib, o‘z ishlari, erishgan yutuqlari, g‘oyalari yuzasidan bir-biridan qiziq taqdimotlar qildilar.

Hay’at a’zolari talabalarning taqdimotlari yuzasidan o‘z fikr-mulohazalarini bildirib, ular tomonidan qilingan ishlarni yanada takomillashtirish bo‘yicha taklif va tavsiyalar berildi.

Hay’at a’zolari tomonidan ishtirokchilarning ishlari ko‘rib chiqilib
“Yil talabasi” tanlovining Respublika bosqichida qatnashish uchun quyidagi  talabalar tavsiya etildi:

1. Urunov Asadbek Davlatali oʻgʻli (“Mashinasozlik texnologiyasi” yo‘nalishi 3 bosqich talabasi)  – “Yilning eng faol ixtirochi-innovator talabasi”;

2. Tursunov Diyorbek Azamiddin o‘g‘li (“Sanoatda xo‘jalik qurilishi va arxitektura” yo‘nalishi 4 bosqich talabasi) – “Yilning o‘z mutaxassisligi bo‘yicha eng  bilimdon  talabasi”;

3. Xaitov Narzullo Fayzullo o‘g‘li (“Sanoatda xo‘jalik qurilishi va arxitektura” yo‘nalishi 3 bosqich talabasi)- “Yilning eng faol ijodkor talabasi”;

4. Qoriyev Amirxon Aziz o‘g‘li (“Avtomatik boshqaruv va kompyuter muhandisligi” yo‘nalishi 4 bosqich talabasi)- “Yilning eng faol targ‘ibotchi  talabasi”;

5. Mirkomilov Abdulvoris Mirodil o‘g‘li ( “Mashinasozlik texnologiyasi” yo‘nalishi 4 bosqich talabasi) – “Yilning eng faol iqtidorli  talabasi”

Talabalarimizni ushbu muvaffaqiyat bilan tabriklab, ularga universitet sharafini himoya qilishda o‘z bilim va mehnatlarini ishga solib, Respublika bosqichida eng oliy o‘rinlarni qo‘lga kiritishlarida omadlar tilab qolamiz!

Turkiyaning Antaliya shahrida bolalar o‘rtasida futbol bo‘yicha “Antalya Friendship Cup” xalqaro turniriga start berildi.
30 oktabrdan 4 noyabrgacha bo‘lib o‘tadigan mazkur turnirda 20 ta davlatdan 30 dan ortiq jamoa ishtirok etishi kutilmoqda.
Ilk bor Juventus futbol akademiyasining 12 yoshgacha bo‘lgan jamoasi ham ushbu turnirda qatnashish uchun Antaliya shahriga uchib ketdi.

Joriy yilning 27-oktyabr sanasida Toshkent shahridagi Turin Politexnika universitetning 2022-2023 o‘quv yiliga qabul qilingan 1-bosqich talabalari uchun “Talabalikka bag‘ishlov” nomli va  “21-oktyabr O‘zbek tiliga Davlat tili maqomi berilgan kun” munosabati bilan ma’naviy-ma’rifiy tadbir o’tkazildi.

Dastavval, ma’naviy-ma’rifiy tadbirni O‘zbekiston Respublikasi madhiyasi bilan ochib berildi. So‘ng, universitet rektori Inoyatxodjaev Jamshid Shuhratullayevich so‘zga chiqib, bu yilgi o‘quv yiliga qabul qilingan talaba-yoshlarga ko‘plab ezgu-tilaklar bildirib, kelajakda yetuk mutaxassis bo‘lib yetishishlarida universitet tomonidan kerakli sharoitlar yaratib berilishini ta’kidladi.

Har yili o‘tkaziladigan an’anaviy tadbir davomida, talabalar o‘z qasamyodlarini qabul qilar ekan, butun faoliyatlarini ona diyorimiz va uning buyuk kelajagiga bahshida etishga, Vatan taraqqiyoti yo‘lida astoydil harakat qilib yuqori malakali mutaxassis bo‘lishga, ota-ona oldidagi farzandlik burchini unutmaslik, uni to‘la ado etish uchun bor bilimlarini bag‘ishlashga, tanlangan mutaxassislik bo‘yicha amaliy bilim va ko‘nikmalarni muntazam ravishda o‘zlashtirishga, o‘quv rejasi va dasturlarda belgilangan mashg‘ulotlarni o‘z muddatida bajarish va o‘quv mashg’ulotlarida doimiy ravishda qatnashishga, olingan kasbiy bilimlardan foydalanib, muxandislik kasbini puxta egallash va mamlakatimiz iqtisodiyotini rivojlantirishga hissa qo‘shish, universitetning ichki qoidalarig rioya qilishni o‘zlarining muqaddas burchi deb hisoblash kabi so‘zlar bilan tantanali ravishda qasamyod qildilar.

Shundan so‘ng, 2022-2023 o‘quv yili kirish imtihonlarida eng yuqori ball to‘plagan talabalarimiz Madaminova Kamola (Mashinasozlik texnologiyasi), Abduganiyev Abdulaziz (axborot texnologiyalari), Shakirov Temur (Sanoatda qurilish xo‘jaligi), Kurbanova Nigora (Menejment)larga kafedra mudirlari tomonidan yo‘nalish ramzlarini (atributlari) tantanali topshirish marosimi bo‘lib o‘tdi.

Talabalarni qutlash maqsadida universitet “Musiqa to‘garagi” qatnashchisi Shohruh Hasanov va uning rahbari Mansur Saparbaev tomonidan musiqiy chiqishlar taqdim etilib, talabalarimiz Sarvinoz Yo‘ldasheva va Xayitov Narzullobek tomonidan she’rlar o‘qildi.

O‘zbek tilimiz, adabiyotini, madaniyatimiz, san’atimizni  go‘zalligi va nafosatini  talaba-yoshlarimizga oz bo‘lsada anglatish maqsadida, elimiz suygan ko‘plab obrazlar yaratgan, bir qancha film dublyajlarida qatnashgan, Hamza nomidagi O‘zbekiston Davlat mukofoti laureati, O‘zbekiston Xalq artisti Tesha Muminov tashrif buyurdi. Tesha Muminov o‘zbek tilining kelib chiqish tarixi, ajdodlarimiz, buyuk adiblaru-shoirlarimiz ijodi to‘g‘risida so‘z yuritdi.

Ma’naviy-ma’rifiy tadbirda o‘zi erishgan yutuqlari, universitet ta’lim tizimi, yaratilgan sharoitlar, yaqin ikki yil mobaynida amalga oshirilgan loyihalarni ko‘rsatish va talabalarga motivatsiya bo‘lish maqsadida faol va iqtidorli, na’munali, bir qator tanlovlar g‘olibi, o‘zining turli loyihalari bilan dunyo kezgan universitet 3-bosqich talabasi Urunov Asadbek tomonidan juda ma’lumotlarga boy taqdimot namoyish etildi.

Shu o‘rinda, barcha talabalarga qasamyodlariga sodiq qolgan holda, yurtimiz dovrug‘ini balandlarga yuksaltirib, kelgusida porloq va yorqin kelajakning munosib farzandlari bo‘lishlariga tilakdoshmiz.