Davlatimiz rahbarining 2023 yil 8-9 iyun kunlari Italiya Respublikasiga tashrifi arafasida bo‘lib o‘tgan biznes-forum doirasida Italiyaning “Politecnico di Torino” universiteti va uning “CIM 4.0” tarmog‘i bilan hamkorlikda Avtomobilsozlik sanoatida ishlab chiqarishdagi yo‘qotishlarni oldini olish, samaradorlikni oshirish hamda sohadagi kadrlarda sanoatda zamonaviy texnologiyalardan foydalanish bo‘yicha bilim va qo‘nikmalarini oshirish maqsadida “UzAuto Motors” AJ hududida “UzAvto akademiyasi”ni hamda Andijon viloyatida “Sanoat 4.0 akademiyasi”ni tashkil etish bo‘yicha umumiy qiymati 1 mln. yevro bo‘lgan hamkorlik shartnomasi imzolandi.

“UzAvto akademiyasi” ning asosiy faoliyat yo‘nalishi avtomobilsozlik sohasida faoliyat yurituvchi hodimlarga Yevropa dasturlari asosida sifat nazorati, logistika, ishlab chiqarish nazorati, texnik xizmat ko‘rsatish, haridlar, tannarx tahlili, savdo va marketing yo‘nalishlarida qisqa muddatli o‘quv kurslarini tashkil etishdan iborat.

“Sanoat 4.0 akademiyasi” ning asosiy faoliyat yo‘nalishi esa avtomobilsozlik va boshqa sanoat sohalarida rivojlangan mamlakatlarda tadbiq qilingan eng zamonaviy texnologiyalardan foydalanish hamda ishlab chiqarish jarayonida robotlardan foydalangan holda to‘liq avtomatlashtirishni joriy etishni o‘rgatish hisoblanadi.

Biznes forum Italiya Respublikasi Tashqi ishlar va xalqaro hamkorlik vazirligi hamda O‘zbekiston Respublikasi Investitsiyalar, Savdo va Sanoat vazirligi bilan birgalikda ikki mamlakat diplomatik vakolatxonalari ko‘magida, Italiya Savdo agentligi (ICE), “Italiya-O‘zbekiston” Savdo palatasi va Italiya sanoat Konfederatsiyasining (Confindustria) O‘zbekistondagi bo‘limi bilan hamkorlikda tashkil etildi.

O‘zbekiston Respublikasi Prezidentining 2022 yil 30 maydagi “O‘zbekiston Respublikasi seysmik xavfsizligini taʼminlash tizimini yanada takomillashtirish chora tadbirlari to‘g‘risida”gi PF-144-son farmonining 16.4-bandi ijrosini taʼminlash maqsadida, Toshkent shahridagi Turin politexnika universiteti mutaxassislari tomonidan «Bino va inshootlarni zamonaviy kompyuter dasturlari yordamida modellashtirish» fani bo‘yicha intensiv kurs tashkil etildi.

Unda Namangan muhandislik-qurilish instituti, Farg‘ona politexnika instituti, Jizzax politexnika instituti professor-o‘qituvchilari, doktorant va magistr talabalari qatnashdi. Shuningdek, mazkur amaliyotda mamlakatimiz olimlari bilan bir qatorda Yaponiyalik seysmolog, professor Chikaxiro Minova ishtirok etdi.

O‘zbekiston Respublikasi aholisi va hududining seysmik xavfsizligini taʼminlash tizimini 2025 yilgacha takomillashtirish kontseptsiyasini 2022-2023 yillarda amalga oshirish yo‘l xaritasi ning 2-ilovasi 26-bandida Namangan muhandislik-qurilish instituti hamda Farg‘ona politexnika instituti o‘qituvchilari va magistrantlarining Toshkent shahridagi Turin politexnika universitetida zilzilabardoshlik bo‘yicha amaliyot o‘tashi tizimini yo‘lga qo‘yish ko‘rsatib o‘tilgan. Ushbu bandi ijrosini taʼminlash maqsadida 5-10 iyun kunlari Toshkentdagi Turin politexnika universitetida Namangan muhandislik-qurilish instituti va Farg‘ona politexnika instituti o‘qituvchi va magistrantlari uchun zilzilabardoshlik bo‘yicha amaliyot o‘tashi rejalashtirilgan.

Joriy yilning 30-may sanasida, Suv sport turlari Respublika Oliy Sport Mahorati Maktabi tomonidan universitet talaba-yoshlari o‘rtasida suzish bo‘yicha mahorat darsi (master klass) tashkil etildi. Tadbirda Oliy Sport Mahorati Maktabi murabbiysi Vangelis Divin xamda O‘zbekiston Milliy yoshlar terma jamoasi a’zolari Ma’sud Dilmurodov va Doniyor Salimovlar ishtirok etishdi. Unda talabalarga turli uslubda suzish bo‘yicha ma’lumot berilib, yoshlarni sog‘lom turmush tarziga rioya qilishga chaqirildi.
So‘ng talabalar o‘rtasida 50 metr masofaga suzish bo‘yicha “Rektor kubogi” musobaqasi o‘tkazildi.
Musobaqa natijalari:

1 oʻrin – Ergashev Fozil
2 o’rin – Muxammadjonov Ilyos;
3 o‘rin – Аbdurasulov Dovud.
Gʻolib va ishtirokchilar diplom va esdalik sovgalar bilan taqdirlandi.

Joriy yilning 29-may sanasida Toshkent shahridagi Turin politexnika universitetida R.Glier nomidagi Respublika ixtisoslashtirilgan musiqa maktabi katta o‘qituvchisi Jo‘rabek Madraimov tomonidan musiqa ishqivozlari va gitara cholg‘u asbobida o‘z bilimlarini oshirmoqchi bo‘lgan talabalarga mahorat darsi (master klass) o‘tkazildi.
Tadbir davomida musiqa to‘garagi rahbari M.Saparbayev boshchiligida Havaskor gitarachilar tanlovi ham bo‘lib o‘tdi. Unda musiqa to‘garagi a’zolari hamda gitara cholg‘u asbobida o‘ynashni bilgan universitet talabalari va akademik litsey o‘quvchilari bellashdilar. Tanlov natijasiga ko‘ra;

1-o‘rin: Hasanov Shohruh
2-o‘rin: Akbaraliyev Habibulloh
3-o‘rin: Irgashev Fozil egalladi.
Tadbir so‘ngida har bir ishtirokchi sertifikatlar va esdalik sovg’alar bilan taqdirlandi.

2023-yil 29-may sanasidan 1-iyun sanasiga qadar, Saudiya Arabistonning Qirol Abdulloh fan va texnologiyalar universitetida tashkil etiladian “Times Higher Education” tashkilotining “Global Sustainable Development Congress” tadbirida ishtirik etish maqsadida, Toshkent shahridagi Turin politexnika universiteti rektori J.Sh.Inoyatxodjayev, Moliya-iqtisodiyot va innovatsiya ishlari bo‘yicha prorektor J.A.Abdujalilov bilan birga Saudiya Arabistonning Thuval shahriga xizmat safariga jo‘nab ketadi.

2023-yil 24-may kuni Toshkent shahridagi Turin politexnika universitetida bitiruvchilarga tantanali diplom topshirish marosimi bo‘lib o‘tdi.
Marosimda «Mashinasozlik texnologiyasi», «Аxborot texnologiyalari», «Sanoatda xoʼjalik qurilishi va arxitektura», «Аvtomobil muhandisligi» yo‘nalishlarini tamomlagan 200 dan ortiq bitiruvchilar taqdirlandi.
Diplomlarni Italiyaning O‘zbekistondagi Favqulodda va muxtor elchisi – Agostino Pinna, Turin politexnika universiteti rektori (Italiya) – Guido Sarakko va Toshkentdagi Turin politexnika universiteti rektori – Jamshid Inoyatxodjayevlar topshirdi.

Bitiruvchilarimizni chin yurakdan tabriklaymiz va o’z oldiga qo’ygan maqsadlariga erishish yo’lida muvaffaqiyatlar tilaymiz.

Hurmatli abituriyentlar,

2023-2024 oʻquv yili uchun

KIRISH IMTIHONLARIDAN MUVAFFAQIYATLI OʻTGANINGIZ BILAN TABRIKLAYMIZ!

Ushbu rasmiy e’longa alohida e’tibor berishingizni soʻraymiz! 2023-yil 20-may da bo`lib o`tgan kirish imtihoni natijalari bilan tanishing.

Bundan tashqari, 20-May oyidagi qabul testiga ko’ra, natijalar to’rt toifaga bo’linadi:

BIRINCHI TOIFA:

40 va undan yuqori toʻplaganlar, birinchi kursga qabul qilinadilar va O’zbekiston Respublikasi Oliy ta’lim, Fan va Innovatsiyalar Vazirligi tomonidan TOʻLIQ GRANT ajratiladi. Agar ariza beruvchilar IELTS sertifikatiga ega boʻlmasa (kamida 5,5 ball), ular IELTS sertifikatini (kamida 5,5 ball) 2023-yil dekabr oyining oxiriga qadar topshirishlari shart *.

IKKINCHI TOIFA:

35 va undan yuqori, ammo 40.00 dan past ball toʻplaganlar, birinchi kursga qabul qilinadilar va Iyul oyidagi kirish imtihon natijasiga koʻra TOʻLIQ GRANT uchun koʻrib chiqiladi. Agar ariza beruvchilar IELTS sertifikatiga ega boʻlmasa (kamida 5,5 ball), ular IELTS sertifikatini (kamida 5,5 ball) 2023-yil dekabr oyining oxiriga qadar topshirishlari shart.

UCHINCHI TOIFA:

15.00 va undan yuqori, ammo 35.00 dan past ball toʻplaganlar 2023-2024 oʻquv yilida birinchi kursga qabul qilinadilar. Ushbu toifaga IELTS (kamida 5,5 ball) sertifikatini berish muddati 2023 yil Dekabr oyining soʻngiga qadar.

TO`RTINCHI TOIFA:

15 balldan kam ball toʻplaganlar belgilangan qabul chegarasidan oʻta olmaganlari sabab Iyul oyida bo`lib o`tadigan kirish imtihoni natijalariga ko`ra talabalik safiga qabul uchun ko`rib chiqiladi.

Qabul komissiyasining ishi uchun mas’ul shaxslar:

Rektor – Inoyatxodjayev Jamshid Shuxratullaevich

Dekan – Abdullayev Farhod Bahramovich

Toshkent shahridagi Turin Politexnika Universiteti ma’muriyati ushbu roʻyxatdan tashqari shaxslarning faoliyati uchun javobgar emas.

Kerakli hujjatlar roʻyxati:
Ariza beruvchi pasportining asl nusxasi;
Ariza beruvchining ota-onasining pasport nusxasi.

Barcha savollar boʻyicha raqamlar:
71 246-80-51 / 52,
71 246 63 48

Elektron pochta: admission@polito.uz

Manzil: Kichik Kichik Halqa Yoʻli koʻchasi 17, Olmazor tumani, Toshkent 100095, Oʻzbekiston

Joriy yilning 23 may kuni, O’zbekistonning bir qator universitet rektorlari Italiyaning Turin Politexnika universiteti bilan hamkorlik munosabatlarini rivojlantirish maqsadida Toshkent shahridagi Turin politexnika universitetiga tashrif buyurdi.

Uchrashuv davomida, Toshkent shahridagi Turin Politexnika universiteti rektori Jamshid Inoyatxodjaev, Farg‘ona Politexnika instituti rektori O’ktam Salomov, Toshkent arxitektura-qurilish instituti rektori Ercan Kahya, Toshkent axborot texnologiyalari universiteti rektori Baxtiyor Mahkamov, Samarqand Davlat arxitektura-qurilish instituti rektori Chidem Janbay Turkyilmazlar Italiyaning Turin politexnika universiteti rektori Guido Sarakko bilan o’zaro hamkorlikni yanada kengaytirish maqsadida muzokaralar olib bordilar.

Muzokaralar natijasida Italiyaning Turin politexnika universiteti rektori Guido Sarakko, Toshkent shahridagi Turin politexnika universiteti rektori Jamshid Inoyatxodjayev hamda Farg’ona politexnika instituti rektori O’ktam Salomovlar tomonidan o’zaro qo’shma ta’lim dasturi tashkil etish bo’yicha uch tomonlama shartnoma imzolandi.

Shuningdek Toshkent axborot texnologiyalari universiteti, Farg‘ona Politexnika instituti Italiyaning Turin politexnika universiteti bilan ikki tomonlama hamkorlik shartnomasini ham imzoladi.

Uchrashuv doirasida Italiyaning Turin Politexnika universiteti bilan birgalikda PhD dasturlarini joriy qilish, professor-o’qituvchilarni o’qitish metodologiyasini o’rgatish, muhandis xodimlarni qayta tayyorlash, malakasini oshirish  maqsadida malaka oshirish (Kompetensiya) markazini ochish, shuningdek tashrif buyurgan universitetlarda “Sanoat ishlab chiqarish texnologiyalari” bakalavr yo’nalishini rivojlantirish hamda “2+2” qo’shma ta’lim dasturlarini joriy qilishga kelishib olindi.

Joriy yilning 19 may kuni, Oʼzbekiston stol tennisi Federatsiyasi tomonidan universitet talaba-yoshlari oʼrtasida ston tennisi boʼyicha maxorat darslari (master klass) tashkil etildi. Tadbirda Xalqaro Olimpiya oʼyinlariga tayyorlash boshqarma boshligʼi Burxonxoʼjaeva Nodira Saidikramovna, Toshkent shahar stol tennisi boʼlimi ijrochi direktori Melikuziev Аkbar hamda Oʼzbekiston Respublikasi Jismoniy tarbiya instituti talabalari – bir qator xalqaro va respublika musobaqa gʼoliblari ishtirok etishdi. N.Burxonxoʼjaeva yoshlar oʼrtasida stol tennisni ommalashtirishda Oʼzbekiston Federatsiyasining oʼrni va rivojlanishi toʼgʼrisida soʼz yuritib talabalarni stol tennisi bilan kuproq shugʼullanishga chorladi. Yosh sportchilar universitet talabalariga maxorat darslarini oʼtkazib turli oʼyin uslublarini qoʼllashni taqdim etdilar hamda ular bilan oʼzaro bellashdilar. Oʼtkazilgan maxorat darslari talabalarda stol tennisga boʼlgan qiziqishlarini yanada uygʼotdi va kelgusida musobaqalarni hamkorlikda tashkil etishga kelishildi.

Toshkent shahridagi Turin Politexnika universitetida 2023-yil 25-may soat 14:00 da 05.08.06 – “G‘ildirakli va gusenitsali mashinalar va ularni ishlatish” mutaxassisligi bo‘yicha doktorantlar va mustaqil izlanuvchilar uchun malakaviy imtihon bo‘lib o‘tadi.

Malakaviy imtihon topshirish uchun nomzodlar:

– Mavlonov Jamshid Ro’ziboyevich

– Abdukarimov Nurmuxammad Abdunabi o’g’li

Hurmatli abituriyentlar,

2023-2024 oʻquv yili uchun

KIRISH IMTIHONLARIDAN MUVAFFAQIYATLI OʻTGANINGIZ BILAN TABRIKLAYMIZ!

Ushbu rasmiy e’longa alohida e’tibor berishingizni soʻraymiz! 2023-yil 18-may da bo`lib o`tgan kirish imtihoni natijalari bilan tarnishing.

2023-yil 13-Mart va 2023-yil 18-May kunlari boʻlib oʻtgan kirish imtihoni natijalariga koʻra, 2023-2024 o`quv yili uchun toʻliq va kutilayotgan grant nomzodlari bilan tarnishing:

FAKULTETLAR BO`YICHA TO`LIQ GRANTLAR(1-2-BOSQICH):

1. Avtomatik boshqaruv va kompyutermuhandisligi – 60.00 va undan yuqori to`plagan abituriyentlarga O’zbekiston Respublikasi Oliy ta’lim, Fan va Innovatsiyalar Vazirligi tomonidan TOʻLIQ GRANT ajratiladi. 55.00 dan yuqori to`plagan abituriyentlar Iyul oyidagi kirish imtihon natijasiga koʻra TOʻLIQ GRANT uchun koʻrib chiqiladi Agar ariza beruvchilar IELTS sertifikatiga ega boʻlmasa (kamida 5,5 ball), ular IELTS sertifikatini (kamida 5,5 ball) 2023-yil dekabr oyining oxiriga qadar topshirishlari kerak *.

2. Mashinasozlik / Avtomobilsozlik / Aerokosmik muhandisligi va Sanoat ishlab chiqarish texnologiyalari – 50.00 va undan yuqori to`plagan abituriyentlarga O’zbekiston Respublikasi Oliy ta’lim, Fan va Innovatsiyalar Vazirligi tomonidan TOʻLIQ GRANT ajratiladi. 40.00 dan yuqori to`plagan abituriyentlar Iyul oyidagi kirish imtihon natijasiga koʻra TOʻLIQ GRANT uchun koʻrib chiqiladi Agar ariza beruvchilar IELTS sertifikatiga ega boʻlmasa (kamida 5,5 ball), ular IELTS sertifikatini (kamida 5,5 ball) 2023-yil dekabr oyining oxiriga qadar topshirishlari kerak *.

3. Sanoatda qurilish muhandisligi va Arxitektura -40.00 va undan yuqori to`plagan abituriyentlarga O’zbekiston Respublikasi Oliy ta’lim, Fan va Innovatsiyalar Vazirligi tomonidan TOʻLIQ GRANT ajratiladi. 30.00 dan yuqori to`plagan abituriyentlar Iyul oyidagi kirish imtihon natijasiga koʻra TOʻLIQ GRANT uchun koʻrib chiqiladi Agar ariza beruvchilar IELTS sertifikatiga ega boʻlmasa (kamida 5,5 ball), ular IELTS sertifikatini (kamida 5,5 ball) 2023-yil dekabr oyining oxiriga qadar topshirishlari kerak *.

Bundan tashqari, May oyidagi qabul testiga ko’ra, natijalar to’rt toifaga bo’linadi:

BIRINCHI TOIFA:

50.00 va undan yuqori toʻplaganlar, toʻgʻridan-toʻgʻri ikkinchi kurs (First Level) ga qabul qilinadilar. Agar ariza beruvchilar IELTS sertifikatiga ega boʻlmasa (kamida 5,5 ball), ular IELTS sertifikatini (kamida 5,5 ball) 2023-yil dekabr oyining oxiriga qadar topshirishlari shart *.

IKKINCHI TOIFA:

20.00 va undan yuqori, ammo 50.00 dan past ball toʻplaganlar, toʻgʻridan-toʻgʻri ikkinchi kurs (First Level) ga qabul qilinadilar. Agar ular Iyun-Avgust oylarida tashkillashtiriladigan pullik intensiv kurslarni muvaffaqiyat tamomlasalar. Agar ariza beruvchilar IELTS sertifikatiga ega boʻlmasa (kamida 5,5 ball), ular IELTS sertifikatini (kamida 5,5 ball) 2023-yil dekabr oyining oxiriga qadar topshirishlari shart *.

* Agar abituriyent IELTS sertifikatini oʻz vaqtida taqdim etmasa, u avtomatik ravishda birinchi kurs (Preparatory Year) ga tushirib yuboriladi.

USHINCHI TOIFA:

10.00 va undan yuqori, ammo 20.00 dan past ball toʻplaganlar, IELTS sertifikatining mavjud yoki mavjud emasligidan qat’iy nazar, 2023-2024 oʻquv yilida birinchi kursga (Preparatory Year) qabul qilinadilar. Ushbu toifaga IELTS (kamida 5,5 ball) sertifikatini berish muddati – oʻquv yili soʻngiga qadar.

TO’RTINCHI TOIFA:

10 balldan kam ball toʻplaganlar belgilangan qabul chegarasidan oʻta olmaganlari sabab universitetga qabul qilinmadilar.

Shartnomalarni rasmiylashtirish Toshkent shahridagi Turin Politexnika Universiteti binosida 2023-yil 22-May soat 09:00 dan boshlab amalga oshiriladi.

Qabul komissiyasining ishi uchun mas’ul shaxslar:

Rektor – Inoyatxodjayev Jamshid Shuxratullaevich

Prorektor – Fulvio Rinaudo

Dekan – Abdullayev Farhod Bahramovich

Toshkent shahridagi Turin Politexnika Universiteti ma’muriyati ushbu roʻyxatdan tashqari shaxslarning faoliyati uchun javobgar emas.

Kerakli hujjatlar roʻyxati:
Ariza beruvchi pasportining asl nusxasi;
Ariza beruvchining ota-onasining pasport nusxasi.

Barcha savollar boʻyicha raqamlar:
71 246-80-51 / 52,
71 246 63 48

Elektron pochta: admission@polito.uz

Manzil: Kichik Kichik Halqa Yoʻli koʻchasi 17, Olmazor tumani, Toshkent 100095, Oʻzbekiston

12 may kuni, Toshkent shahridagi Turin politexnika universiteti rektori, t.f.d. Inoyatxodjayev Jamshid Shuxratullayevich talabalarga “O‘zbekistonda elektromobillarni rivojlantirish istiqbollari: muammolar va yechimlar” mavzusida ma’ruza o‘qidi.

Ma’ruzada, “yashil iqtisodiyot” ga o‘tish sharoitida elektomobillardan foydalanishning o‘ziga xos xususiyatlari, afzallik va kamchiliklari, mamlakatimizda elektromobillarning rivojlanish dinamikasi, quvvatlash stansiyalarining dunyo bo‘ylab hamda mamalakatimizdagi infratuzilmasi tahlil qilinib, tinglovchilarga mavzuga oid foydali va qiziqarli ma’lumotlar taqdim etildi.
Ma’ruza ingliz tilida o‘tkazilib, xohlovchilar tegishli ilova orqali onlayn ravishda qatnashish imkoniga ham ega bo‘lishdi.

Ma’ruza yakunida, tinglovchilar rektorga o‘zlarini qiziqtirgan barcha savollarini berib, ularga atroflicha javob oldilar.

Bugun, Oliy ta’lim, fan va innovatsiyalar vaziri, akademik Abdurahmonov Ibrohim Yulchiyevich Toshkent shahridagi Turin politexnika universitetida bo‘lib, talabalar uchun yaratilgan sharoitlarni ko‘zdan kechirdi.

Tashrif doirasida Ibrohim Yulchiyevich universitetning o‘quv auditoriyalari, sport kompleksi, texnopark, laboratoriya va startap loyihalari bilan yaqindan tanishdi.

Universitet rektori, texnika fanlari doktori Inoyatxodjayev Jamshid Shuxratullayevich vazirga universitet faoliyaitni tanishtirar ekan, so‘nggi yillarda ko‘p sohalar qatorida avtomobilsozlik va bu yo‘nalishda kadrlar tayyorlash borasida salmoqli ishlar qilinayotgani ta’kidlab, universitetning hozirgi holati va rivojlanish strategiyasiga (universitet ta’lim yo‘nalishlari, energiyatejamkor quyosh panellarini o‘rnatish borasidagi ishlar, spin-off kompaniyalari faoliyati, xalqaro a’loqalari va boshqalar) oid taqdimot qildi.

Shundan so‘ng, vazir universitetning professor-o‘qituvchilari bilan uchrashib, ular faoliyatidagi muammo va takliflari yuzasidan samimiy suhbat o‘tkazdi. Muloqot davomida pedagoglar tomonidan bildirilgan xalqaro loyihalar asosida xorijdan moddiy-texnikalarni olib kirishdagi qiyinchilik, ilmiy loyihalar uchun grant olishdagi muammolarni bartaraf etish yuzasidan mas’ullarga ko‘rsatma berilib, universitetni rivojlantirish bo‘yicha yo‘l xaritasini tuzishga kelishib olindi.

Vazir universitetda olib borilayotgan ishlarni ijobiy baholab, ilmiy va o‘quv faoliyatni yangi bosqichga olib chiqish, oliy va professional ta’lim integratsiyasini yo‘lga qo‘yish, yil yakuniga qadar kampusni quyosh penellari bilan ta’minlash borasida reja qilingan 270 kVtli elektr stansiyasini barpo etish yuzasidan taklif va topshiriqlar berdi.

Shu kuni, universitet talabala-yoshlari vazir bilan samimiy muloqot qilish imkoniyatiga ega bo‘ldilar. Vazir yoshlik va talabalik hayotidan misollar keltirib, talabalarning muvaffaqiyatlarga erishishlari uchun kuzatuvchanlik muhim ahamiyatga ega ekanligini, qolaversa, ayni shu davrda kerakli bilim olib, vaqtdan unumli foydalanish, doimo oldinga intilish muhimligi haqida ma’ruza qildi. 

– Olim yoki kuchli mutaxassis bo‘lish uchun faqat iqtidor bo‘lishi yetarli emas. Buning uchun kuzatuvchanlik va oldinga qo‘yilgan katta maqsadlarga intilish ham bo‘lishi zarur.

Talaba-yoshlar ham o‘z fikr va mulohazalarini bildirib, qator takliflarni berishdi. Jumladan, yoshlar uchun xorijda ilmiy stajirovkalarni yanada ko‘paytirish, universitetdan topshirilgan ilmiy grantlarni innovatsion va kreativ sohalarga yo‘naltirilgan loyihalar sifatida qo‘llab-quvvatlash, media loyihalarni rivojlantirish kabi takliflardan iborat bo‘ldi. Shuningdek, fotonika sohasini rivojlantirish orqali yurtimizda mikrochiplarni ishlab chiqarishni yo‘lga qo‘yish bo‘yicha tashabbus qo‘llab-quvvatlandi.

2-may kuni, TTPU da  O‘zbekiston Respublikasi Badiiy akademiyasi hamda P.Benkov nomli ixtisoslashtirilgan san’at maktabi bilan hamkorlikda “Yoshlar va tasviriy san’at” festivali bo‘lib o‘tdi.Tadbir davomida iqtidorli yoshlar tomonidan yaratilgan san’at asarlarining ko‘rgazmasi namoyish etilib, ishtirokchilar o‘rtasida tanlov o‘tkazildi.

Tadbir yakunida ishtirokchilarga sertifikat va esdalik sovg‘alari topshirildi.

Tender muddati, tender universitetning internet portalida eʼlon qilingan kundan boshlab 20 kalendar kuni deb belgilanadi.

Ilovada

1. Binoning bosh plan loyihasi;

2. Arxitektura yechimi loyihasi:

3. Texnik shartlar;

4. Baholash meʼzonlari.

Tenderda ishtirok etish boʼyicha savollar yuzasidan universitet bosh muxandisi Eshmuratov Ilxom Аmanturdievichga murojaat qilish mumkin.Тел.: (98) 809 02 11.

2023 yil 27 aprel kuni Toshkent shahridagi Turin politexnika universiteti tashkil etilganligining 14 yilligiga bag’ishlangan, an’anaviy tarzda o’tkazib kelinadigan professor-o`qituvchilar, ilmiy izlanuvchilar va talabalar ishtirokidagi ilmiy-amaliy konferensiya bo`lib o`tdi.

Ushbu konferensiyada Toshkent shahridagi Turin politexnika universiteti rektori, texnika fanlari doktori J.Sh.Inoyatxodjaev, yoshlar bilan ishlash bo‘yicha birinchi prorektor A.A.Ashurov, moliyaviy- iqtisodiy ishlar va innovatsiyalar bo‘yicha prorektor J.Abdujalilov, Strategik rivojlanish bo’limi boshlig’i O.Jo`rayev, Yoshlar bilan bo’limi boshlig’i G.A.Allamova, Tabiiy-Matematika fanlari kafedrasi mudiri prof. D.U.Tulyaganov, professor-o`qituvchilar, ilmiy tadqiqotchilar va talabalar ishtirok etdi. 

Konferensiya ma’ruzalari mashinasozlik, energetika, tabiiy fanlar va matematika, ekologiya va atrof-muhit muammolari, muqobil energiya manbalari, materialshunoslik kabi mavzularga bag‘ishlandi.

Jumladan talabalarning kimyo, fizika, zamonaviy matematikaning tatbiqlariga bag`ishlangan, shuningdek, muqobil energiya manbalarini ishlab chiqish, quyosh va shamol elektr stansiyalarini O`zbekistonda barpo qilishdagi o`z takliflari bo`yicha ma’ruzalari anjuman ishtirokchilarida katta qiziqish uyg‘otdi.

Tadbir so`ngida universitet birinchi prorektori A.Ashurov ilmiy konferensiya har tomonlamana juda foydali va ko`tarinki ruhda o`tganligi bilan ishtirokchilarni tabriklab, professor-o`qituvchilar va talabalar o`rtasidagi haqiqiy ilmiy ko’prik bo`lganini va bunday tadbirlar kelgusida ham albatta davom ettirilishini ta’kidladi. Barcha ishtirokchilarga sertifikatlar va esdalik sovg`alari topshirildi.

Joriy yilning 27 aprel kuni, Toshkent shahridagi Turin politexnika universitetida an’anaviy “Talabalar bahori – 2023” festivali bo‘lib o‘tdi. Festivalni o‘tkazishdan asosiy maqsad universitetda talaba-yoshlarning darsdan bo‘sh vaqtlarini mazmunli o‘tkazish, ularning ma’naviy va madaniy saviyasini boyitish, sport, san’at, badiiy adabiyotga qiziqishlarini yanada yuksaltirish sanaladi.
Tadbir doirasida prezidentimiz tomonidan ilgari surilgan 5 ta muhim tashabbus doirasida universitetda tashkil etilgan shaxmat, basketbol, stol tennis musobaqa g‘oliblari sertifikat va esdalik sovg‘alari bilan taqdirlandi.
Bayramona dastur doirasida, mamlakatimizda joriy yilning 30 aprel kuni bo‘lib o‘tadigan muhim siyosiy voqea – referendum to‘g‘risida, ma’lumot berildi va talabalar o‘rtasida viktorina o‘tkazildi.

Joriy yilning 27- aprel kuni, Germaniya iqtisodiyotining Markaziy Osiyodagi vakolatxonasi tashabbusi bilan Germaniya universitetlari va davlat idoralaridan tashkil topgan delegatsiya Toshkent shahridagi Turin Politexnika universitetiga tashrif buyurdi. Tadbirda Tyuringiyaning iqtisodiyot, oliy ta’lim va raqamli masalalar bo‘yicha davlat kotibi boshchiligida Germaniyaning 6 ta universitetlari, Turingiya davlat idorasi, Germaniya iqtisodiyoti delegatsiyasi vakillari qatnashdi.

Tashrif doirasida delegatsiya a’zolari Toshkent shahridagi Turin universitetining texnoparki, laboratoriya va startap loyihalari bilan yaqindan tanishdi.

Uchrashuvda TTPU va Germaniya universitetlari, o’z faoliyatlari to‘g‘risida o‘zaro ma’lumot almashdi. Hamkorlikni yanada kengaytirish maqsadida quyidagi yo‘nalishlarini muhokama qildilar. Xususan :
• Turin politexnika universiteti va Germaniya universitetlari o‘rtasida hamkorlik bo‘yicha o‘zaro anglashuv memorandumini imzolash;
• TTPU talabalar uchun Germaniya sanoat korxonalarida amaliyot dasturlarini tashkil etish;
• Har ikki universitetlarda yozgi maktablarni (summer school) tashkil etish;
• Erasmus+ loyihalari bilan hamkorlik (Erasmus+ institutlararo kelishuvni imzolash);
• o‘quv-ilmiy ma’lumotlar bazalaridan foydalanish uchun kutubxona resurslarini almashish va elektron resurslardan onlayn foydalanish;
• Xalqaro mobillik: Erasmus+ dasturlari tomonidan moliyalashtiriladigan talabalar va doktorantlar, tadqiqotchilar va o‘qituvchilar almashinuvi;
• O‘qitish sohasida xalqaro hamkorlik: bakalavr, magistratura va doktorantura dasturlari bo‘yicha qo‘shma dasturlarni yaratish.

Uchrashuv yakunida Nordxauzen amaliy fanlar universiteti bilan o‘zaro anglashuv memorandumini va talabalarning almashinuvi to‘g‘risida bitim imzolandi. Qolgan universitetlar tomonidan ham hamkorlik bo‘yicha katta kiziqish bildirilib, kelgusida hamkorlik memorandumi imzolashga kelishib olindi.

Joriy yilning 18 va 20 aprel kunlari Toshkent shahridagi Turin politexnika universitetida talaba-yoshlar o‘rtasida “Yangi O‘zbekistonda – yangi tahrirdagi Konstitutsiya” mavzusida targ‘ibot tadbiri o‘tkazildi. Tadbirda Olmazor Tumani 4-sonli IIB, profilaktika inspektori, leytenant Ismoilova A.F., podpolkovnik, Olmazor Tumani 4-sonli IIB katta inspektori – Yusupov Sh.N.- va universitet xodimlari ishtirok etdi.
Davra suhbatida yangi tahrirdagi Konstitutsiya yurtimiz taraqqiyoti, xalqimiz farovonligi rivojiga xizmat qilishi, eng avvalo esa “Inson qadri uchun” gʻoyasini ustuvor yoʻnalish sifatida belgilashi qayd etildi.