1

Yevropa Ittifoqining Erasmus+ dasturi doirasida DEBSEUz loyihasi koordinatorlarining navbatdagi yig’ilishi bo’lib o’tdi.

Yig’ilishda respublikamiz OTMlarida yo’lga qo’yilishi rejalashtirilgan ta’lim yo’nalishi o’quv reja va sillabuslarini Yevropaning yetakchi OTMlari tajribasi asosida ishlab chiqish, adabiyotlar bilan, laboratoriya jihozlari bilan ta’minlash masalalari muhokama qilindi hamda uzoq va yaqin muddatli aniq rejalar belgilab olindi. 

Yig’ilish kun tartibidagi asosiy masalalar bilan bir qatorda joriy yilning may oyida  o’tkazilishi belgilangan seminarga tayyorgarlik hamda Farg’ona politexnika instituti mas’ulligida sentyabr-oktyabr oylarida o’tkazilishi rejalashtirilgan Konferensiya sho’balari va mavzularini belgilash masalalari ham muhokama qilindi.

Eslatib o’tamiz, Erasmus+ dasturining DEBSEUz loyihasida respublikamizdan Toshkent axborot texnologiyalari universiteti, Farg’ona politexnika instituti, “Toshkent irrigatsiya va qishloq xo’jaligini mexanizatsiyalash muhandislari instituti” milliy tadqiqot universiteti, Qoraqalpoq davlat universiteti, Andijon davlat universiteti, Toshkent shahridagi Turin politexnika universiteti va Oʻzbekiston Milliy universiteti Jizzax filiali ishtirok etmoqda




«Advanced Science and Technology: Celebrating 15 Years of Turin Polytechnic University in Tashkent» ilmiy konferensiya

“Advanced Science and Technology:
“Celebrating 15 Years of Turin Polytechnic University in Tashkent”
ilmiy konferensiyasi
(2024 yil 22-23 aprel)

Sizni Toshkent shahridagi Turin politexnika universiteti tashkil topganining 15 yilligiga bag‘ishlangan ilmiy anjumanda ishtirok etishga taklif qilamiz.

Ilmiy konferensiyadan maqsad mashinasozlik va aerokosmik muhandislik, tabiiy va matematik fanlar, axborot texnologiyalari, qurilish va arxitektura, shuningdek, ishlab chiqarishni boshqarishning hozirgi holati va rivojlanish istiqbollarini muhokama qilishdan iborat.

KONFERENSIYA SHO‘BALARI:

  1. Mashinasozlik, energetika va aerokosmik muhandislik
  2. Tabiiy fanlar.
  3. Zamonaviy matematika muammolari
  4. Axborot-kommunikatsiya texnologiyalari.
  5. Qurilish va arxitektura.
  6. Ishlab chiqarishni boshqarish

 

KONFERENSIYA TARTIBI

Konferensiyada yalpi (20 daqiqa) va seksiya (10 daqiqa) ma’ruzalari tinglanadi. Konferensiyaning ishchi tili ingliz tili.

Konferensiya boshlanishiga qadar Konferensiya materiallari to‘plamini (elektron shaklda) nashr etish rejalashtirilgan. Ijobiy baholanib tanlab olingan ishlar O‘zbekiston Respublikasi OAK ro‘yxatiga kiritilgan jurnalda chop etilishi rejalashtirilgan. Uchrashuvlar quyidagi manzilda joylashgan Toshkent shahridagi Turin politexnika universitetida bo‘lib o‘tadi (B bino): Toshkent sh., Kichik halqa yo‘li, 17-uy.

  

ISHTIROKCHILARNI RO‘YXATGA OLISH

Elektron ro‘yhatdan o‘tish va ishtirokchi anketasini to‘ldirish 2024 yil 3 aprelga qadar quyidagi elektron manzilda amalga oshiriladi: https://polito.uz/conference

CHOP ETISH

Tashkiliy qo‘mita ingliz tilida taqdim etilgan tezislarni ko‘rib chiqadi. Taqdim etilgan tezislarni dastlabki ko‘rib chiqishning ijobiy natijasi olingach, ma’ruzani konferensiya dasturiga kiritish to‘g‘risida bildirishnoma yuboriladi. Materiallar conference@polito.uz elektron manzilida mos shoʻba koʻrsatilgan holda qabul qilinadi.

Nashrga 1 betdan ko‘p bo’lmagan materiallar faqat Microsoft Word formatida qabul qilinadi. Sahifa formati – A4 (210×297 mm). Hujjat chetlari har tomondan 2,5 sm. Shrift – Times New Roman, hajmi – 12 pt. Satr oralig‘i yagona, xatboshi – 1.25. Tezisli fayl nomining formati muallifning familiyasi_thesis (namuna: Valiev_thesis). Tezis shabloni

MUHIM SANALAR

Ishtirokchilarni ro‘yxatga olish: 2024-yil 3-aprelgacha

Tezislarni topshirish: 2024-yil 3-aprelgacha

Hisobotni qabul qilish to‘g‘risida bildirishnoma: 2024-yil 15-aprelgacha

Konferensiya ishi: 22.04-23.04.2024

TASHKILIY QOMITI MANZILI:

Toshkent sh., Kichik halqa yo‘li, 17-uy.

Tel.: +99890 348 90 82


RO’YXATDAN O’TISH




Toshkent shahridagi Turin politexnika universiteti kapital ta’mirlash va qurilish ishlarini bajarish bo’yicha TENDER E’LON QILАDI

Lot 1 – Toshkent shahridagi Turin politexnika universitetiga kirish-nazorat punkti binosi hamda xizmat avtomobillari kirib-chiqishi uchun darvoza qurilishi

Lot 2 – Toshkent shahridagi Turin politexnika universiteti hududidagi stadion tribunasini va yugurish yoʻlakchasini kapital taʼmirlash hamda stadion tribunasiga soyabon qurish

Lot 3 – Toshkent shahridagi Turin politexnika universiteti “Talabalar turar joyi” hududida Kovorking zonasi yaratilishi va volleybol maydoni qurilishi

Tender muddati, tender universitetning internet portalida eʼlon qilingan kundan boshlab 15 ish kuni deb belgilanadi.

Ilovada

1. Texnik shartlar.

2. Baholash meʼzonlari.

3. Qurilish ishlarining bosh plan loyihasi.

Tenderda ishtirok etish uchun xujjatlar yopiq konvertda taqdim etilishi shart. Tender, kapital ta’mirlash va qurilish ishlarini amalga oshirish uchun, tahminiy narxlarni kamaytirish tamoillari asosida (ponijeniye) o‘tkaziladi.

Tenderda ishtirok etish boʼyicha savollar yuzasidan universitet ETB boshlig’i Eshmuratov Ilxom Аmanturdievichga murojaat qilish mumkin.Тел.: (98) 809 02 11.




Toshkent shahridagi Turin politexnika universiteti rektorining Italiyaga xizmat safari natijalari

      “Oʻzavtosanoat” AJ boshqaruvi raisi Ulug’bek Rozukulov hamda Toshkent shahridagi Turin politexnika universiteti rektori Olimjon Toʻychiyevning Italiyaga xizmat safari doirasida joriy yilning 20-fevral kuni “IVECO” (Industrial Village Complex) korxonasiga tashrif buyurildi.

         Tashrifdan koʻzlangan asosiy maqsad, xalqaro standartlarga mos keluvchi, energiya samaradorligi va ekologik tavsiflari yuqori elektromobillarni ishlab chiqarishni tashkil etish boʻyicha dunyoning yetakchi korxonalari tajribalarini oʻrganish sanaladi. Rivojlangan mamlakatlar avtomobil ishlab chiqaruvchilari ichki yonish dvigatellari bilan bir qatorda elektr transport vositalari uchun akkumulyator loyihalarini faol amalga oshirish doirasida barqaror rivojlanish va atrof-muhit qoidalariga rioya qilishga intilmoqda.

        Italiyaga xizmat safari dasturiga ko‘ra, 21-fevral kuni delegatsiya a’zolari Italiyaning Turin politexnika universitetining (Politecnico di Torino) amaldagi rektori Guido Sarakko va professor Anita Tabakko hamda yangi saylangan rektori Stefano Paolo Corgnati bilan uchrashdi.

      Uchrashuvda Toshkentdagi Turin politexnika universiteti bilan 15 yillik samarali hamkorligi, istiqboldagi rejalar va loyihalar muhokamaning asosiy mavzulari bo‘ldi.

      Shundan so‘ng delegatsiya a’zolari professorlar Perluiji Leone, Nikola Amati va Andrea Tonoli hamrohligida CARS avtomobil tadqiqotlari va barqaror mobillik markaziga (CARS Center for Automotive Research and Sustainable Mobility) tashrif buyurib, laboratoriyada amalga oshirilgan innovatsion loyihalar bilan yaqindan tanishdi.

      Dasturga muvofiq, “Oʻzavtosanoat” AJ boshqaruvi raisi Ulug‘bek Rozukulov  tomonidan «O‘zbekistonda avtomobil sanoati» mavzusida ma’ruza taqdimoti  o‘tkazildi. Ma’ruzada nafaqat talabalar, balki professor o‘qituvchilar hamda dunyoning nufuzli kompaniya vakillari ham qatnashdi.

“O‘zavtosanoat” AK boshqaruvi raisi Ulug‘bek Rozuqulovning “O‘zbekiston avtomobilsanoati” mavzusidagi ma’ruzasi talabalar, professor-o‘qituvchilar va yetakchi jahon kompaniyalari vakillarining e’tiborini tortib, bilim va tajribaning o‘zaro almashuvi uchun o‘ziga xos platforma yaratdi.
       Mazkur tadbir O‘zbekiston va Italiya o‘rtasida ta’lim va innovatsiyalar sohasidagi hamkorlikni mustahkamlashda muhim qadam bo‘ldi, shuningdek, kelajakdagi loyihalar va tadqiqotlar uchun samarali istiqbollarni yaratdi.




Universitet talaba-qizlari o‘rtasida davra suhbati o‘tkazildi

2024-yil 21-fevral kuni Toshkent shahridagi Turin politexnika universiteti talaba- qizlari o’rtasida “Xotin-qizlar o‘rtasida tazyiq va zo‘ravonlikdan himoya qilish va erta tug‘ruqning oldini olish” mavzusida davra suhbati o‘tkazildi. Davra suhbatiga “Oq yelkan” ijtimoiy himoya markazi mutaxassis xodimlari kelib o‘z bilim va ko‘nikmalari bilan o‘rtoqlashdilar. Dastlab so‘zga markaz yuristi Qurbonali Dadajonov chiqib, so‘nggi yillarda O‘zbekistonda xotin-qizlarni ijtimoiy qo‘llab quvvatlash masalasida 3 ta qonun, O‘zbekiston Respublikasi Prezidentining 2 ta farmoni va 6 ta qarori hamda hukumatning 20 dan ortiq qarorlari qabul qilinganligini, shuningdek mazkur qaror va farmonlarning mazmun-mohiyatini aytib o‘tdilar.

So‘zni universitet Xotin-qizlar masalalari bo‘yicha rektor maslahatchisi F.Nabixanova davom ettirib, ayollarning huquqlari davlat tomonidan himoya qilinishi, yangi tahrirdagi Konstitutsiyada ham o‘z tasdig‘ini topganligi, ayollarga nisbatan qo‘llanilayotgan zo‘ravonliklarga nisbatan qat’iy chora-tadbirlar qo‘llanilishi to‘g‘risida aytib o‘tdi.
Olmazor tumani IIO FMB 4-son IIB XQMBI katta leytenant O.Ismoilova 2019-yil 2-sentyabr kuni qabul qilingan PQ 562-son “Xotin-qizlar va erkaklar uchun teng huquq hamda imkoniyatlar to‘g‘risida”gi, xuddi shu kuni qabul qilingan 561-sonli “Xotin-qizlarni tazyiq va zo‘ravonlikdan himoya qilish to‘g‘risida”gi qonunlarining mazmun-mohiyatlari tushuntirib o‘tildi. Bundan tashqari himoya orderi nima ekanligi, undan qay tartibda foydalanish mumkinligi, himoya orderi shartlari buziladigan bo‘lsa qanday javobgarlik masalalari borligi bo‘yicha talabalarga tushuntirish ishlari berib o‘tildi.
Shundan so‘ng “Oq yelkan” ijtimoiy himoya markazi psixologi Deniz Mametova Xotin-qizlar va erkaklar uchun gender tenglik hamda xotin-qizlar va bolalarga nisbatan o‘tkazilayotgan tazyiq va zo‘ravonlik mavzusida ma’ruza qildi. Bundan tashqari taz’yiq va zo‘ravonlikka uchragan ayollarga psixologik ko‘mak qanday berilishi haqida ham aytib o‘tildi.
Talabalar shaharchasi markaziy ko‘p tarmoqli poliklinikasi akusher-ginekologi Yakubjanova Shahzoda, qizlarni sog‘lom turmush tarziga qanday rioya etish kerakligi, reproduktiv salomatlik hamda erta turmushning salbiy oqibatlari to‘g‘risida talaba qizlarga ma’lumot berib o‘tdi.
Davra suhbati so‘ngida mavzu yuzasidan talabalarning savol, taklif hamda mulohazalari tinglanib ularga atroflicha javob va ko‘rsatmalar berildi.




TTPU rektorining Italiyaga xizmat safari

TTPU rektorining Italiyaga xizmat safari
2024 yilning18-22-fevral sanasiga qadar Italiyaning Politecnico di Torino universiteti rahbarlari bilan kelgusidagi oʻzaro hamkorlik rejalarini muhokama qilish va “CARS” ilmiy-tadqiqot markazida elektromobillar boʻyicha amalga oshirilgan tadqiqotlar bilan tanishish hamda “IVECO Trucks” korxona vakillari va ishbilarmon doiralari bilan bir qator uchrashuvlar oʻtkazish maqsadida, Toshkent shahridagi Turin politexnika universiteti rektori O.A.To’ychiyev, Strategik rivojlantirish va xalqaro aloqalar bo‘limi bosh mutaxassisi – T.F.Maxamatxo‘jayev bilan birga Italiya Respublikasiga xizmat safariga jo‘nab ketadi.




Kimyoviy elementlar va atrofimizdagi dunyo

Kimyoviy elementlarning tuzilishi va xossalari, Mendeleev davriy sistemasida qanday joylashishi, kashf etilishining qiziqarli hikoyalari kabi mavzularda Toshkentdagi Turin politexnika universitetining “Tabiiy-matematika fanlari” kafedrasi mudiri, texnika fanlari doktori, akademik Dilshat Ubaydullaevich Toʻlaganov Toshkent viloyati Zangiota tumanidagi 14-umumta’lim maktabi o‘quvchilariga so‘zlab berdi.

Akademik To‘laganov maktab o‘quvchilarini dars mavzusi bilan tanishtirar ekan, kimyoviy elementlarning kashf etilishi uzoq vaqt davomida sodir bo‘lganini alohida ta’kidladi. Masalan, uglerod, oltingugurt, temir, mis, kumush, qalay, oltin, simob va qo’rg’oshin qadim zamonlardan beri ma’lum. Mishyak, surma, vismut, rux oʻrta asrlarda olingan bo‘lsa, fosfor, azot, bariy, berilliy, vodorod, volfram, ittriy, kislorod, kobalt, marganets, molibden, nikel, platina, stronsiy, tellur, titanium, telluriy, xlor, xrom, sirkoniylar 17-18 asrlarda olingan. 19-asrda alyuminiy, germaniy, kremniy, bir qator gidroksid va ishqoriy yer metallari, geliy inert gazlari, argon, neon, kripton, ksenon radon, shuningdek, lantan, lantanidlar va boshqalar kabi 48 ta yangi element topildi.

1869-yilda D.I.Mendeleyev tomonidan davriy qonun kashf etilgan vaqtga kelib 63 ta element ma’lum edi. Uzoq muddatli ilmiy izlanishlar elementlar va ularning birikmalarining xossalari atom massasining ortishi bilan o’zgaradi, lekin monoton emas, balki davriy ravishda o’zgaradi degan xulosaga keldi. Mendeleev o’z kashfiyotini olimlar atom tuzilishini tushunishga muvaffaq bo’lganidan deyarli 30 yil oldin qilgan. Shuning uchun qonunning zamonaviy tuzilishi quyidagicha ko’rinadi: “kimyoviy elementlarning xususiyatlari, shuningdek ularning birikmalarining shakllari va xususiyatlari vaqti-vaqti bilan ularning atom yadrolari zaryadlarining kattaligiga bog’liq”.

Bugungi kunda Mendeleev davriy jadvalda 118 ta kimyoviy element mavjud bo‘lib- ulardan 92 tasi tabiatda topilgan, qolganlari sun’iy ravishda olingan – ular beqaror va qisqa muddatlarga ega. Barcha izotoplari beqaror bo’lgan kimyoviy elementlar radioaktiv deyiladi; bularga atom raqamlari poloniydan yuqori bo’lgan barcha elementlar kiradi

Xulosa qilib aytganda, dars interfaol savol-javob ko‘rinishda o‘tkazildi, bu kimyo fanining tabiy fanlarning boshqa sohalari – matematika, fizika, biologiya, geografiya, geologiya, ekologiya bilan chambarchas bog‘liqligini ko‘rsatish imkonini berdi. Bunday shaklda o‘tkazilgan dars shakli o’quvchilarda katta qiziqish uyg‘otdi.




“Ogohlik – davr talabi”

Joriy yilning 8-fevral sanasida Toshkent shahridagi Turin politexnika universiteti talaba-yoshlari o‘rtasida “Ogohlik – davr talabi” mavzusida tadbir bo‘lib o‘tdi. Ushbu mavzuni yoritib berish uchun O‘zbekiston xalqaro islom akademiyasi katta o‘qituvchisi S.S.Saidjalolov mehmon sifatida taklif qilindi.

O‘zlarining chiqishlarida, hozirgi kunda dolzarb muammo hisoblanayotgan terrorizm, radikalizm, ekstremizm, yoshlarning turli oqimlarga kirib qolishi va yot g‘oyalarning salbiy ta’siri hamda yurtimizda ularga qarshi kurashish uchun olib borilayotgan ishlar haqida gapirib, talabalarga tushuncha berib o‘tdilar.

Tadbir so‘ngida talabalar o‘zlarini qiziqtirgan savollariga atroflicha javob oldilar.




Jasur Xolxo‘jaev Italiyaning Turin politexnika universitetida «Metall komponentlarning innovatsion geometrik va mexanik tavsiflari» mavzusidagi ilmiy ishini himoya qilib, PhD diplomini qo‘lga kiritdi.

TTPUning “Mexanik va aerokosmik muhandisligi” kafedrasi doktoranti Jasur Xolxo‘jaev Italiyaning Turin politexnika universitetida (Politecnico di Torino) «Metall komponentlarning innovatsion geometrik va mexanik tavsiflari» (Innovative geometrical and mechanical characterization of metallic components) mavzusidagi PhD dissertatsiyasini Prof. Gianfranco Genta (Politecnico di Torino) va Prof. Jamshid Inoyatxodjaev (TTPU) rahbarligida muvaffaqiyatli himoya qilib, PhD diplomini qo‘lga kiritdi.

👏Universitetimiz jamoasi nomidan Jasur Xolxo‘jaevni samimiy muborakbod etib, kelgusidagi kasbiy va ilmiy faoliyatiga ulkan zafarlar tilaymiz.




Toshkent Axborot Texnologiyalari universitetida Erasmus+ dasturi doirasida xalqaro loyiha ochilish marosimi bo‘lib o‘tdi.

Joriy yilning 22-24-yanvar kunlari Muhammad al-Xorazmiy nomidagi Toshkent axborot texnologiyalari universiteti tashabbusi bilan O‘zbekiston Respublikasi Oliy ta’lim, fan va innovatsiyalar vazirligi, respublikamizning 7 ta va Yevropaning Ittifoqining 3 ta – Italiyaning Politecnico di Torino universiteti, Portugaliyaning Universidade de Evora universiteti, Ispaniyaning Universidad Politecnica de Madrid universitetlari hamkorligida ERASMUS+ Higher Education Capacity Building loyihalari doirasida “Development of the targeted Educational program for Bachelors in Solar Energy in Uzbekistan (DEBSEUz)” xalqaro loyihasi ishtirokchilarining birinchi uchrashuvi hamda loyihaning ochilish marosimi (Kick-off meeting) bo‘lib o‘tdi.

Loyihaning quyidagi qator masalalar muhokama etildi:
– Yangi bakalavr dasturlarini ishlab chiqish
– Innovatsion laboratoriyalarni yaratish
– Loyiha barqarorligini ta’minlash
– Sifat nazorati va monitoring
– Loyihaning kommunikatsiyasi, yangiliklari va imiji
– Moliyaviy boshqaruvdagi muammolar.

Manba: Axborot xizmati




“VATAN HIMOYACHILARI KUNI” MUNOSABATI BILAN UNIVERSITETIMIZDA MADANIY-MA’RIFIY TADBIR O’TKAZILDI

Toshkent shahridagi Turin politexnika universitetida, O’zbekiston Respublikasi Qurolli Kuchlari tashkil topganining 32 yilligi hamda “Vatan himoyachilari kuni”ga bag’ishlangan “Oʻzbekiston Respublikasi Qurolli kuchlari – tinchlik va osoyishtalik posboni” mavzusida madaniy-ma’rifiy tadbir o‘tkazildi.

Tadbir avvalida davlatimiz madhiyasi yangradi va Universitetining birinchi prorektori Alisher Ashurov kirish so‘zi bilan tadbirni ochib berdi.

Tadbirga tashrif buyurgan mehmonlar – Oʻzbekiston Respublikasi Jamoat xavfsizligi universiteti xarbiy xizmatchilari: podpolkovnik Sodiqov Xafizjon Murtazaevich va xarbiy fanlar boʻyicha  falsafa doktori  dosent Akbarov Laziz Izzatullaevichlar tadbir ishtirokchilarini mamlakatimiz hayotidagi qutlug’ sana – Vatan himoyachilar kuni va O’zbekiston Respublikasi Qurolli Kuchlari tashkil etilganining 32 yilligi bilan samimiy qutladi. Mehmonlar davlatimiz Qurolli Kuchlarini tashkil topishi, rivojlanishi va mamlakatimizda ushbu sohada olib borilayotgan islohotlar to‘g‘risida tadbir qatnashchilariga nutq so‘zladi. Shundan so’ng, ushbu sanaga bag‘ishlangan videorolik namoyish etildi.

Tadbir davomida Qurolli Kuchlar Markaziy ashula va raqs ansambli xonandalari tomonida Vatanparvarlikni tarannum etuvchi kuy-qo’shiqlar, shuningdek iqtidorli talabalarimizning musiqiy chiqishlari tadbir ishtirokchilariga ko‘tarinki kayfiyat bag‘ishladi.




Tulyaganov Dilshat Ubaydullaevich – Kimyo fanlari boʼyicha Oʼzbekiston Respublikasi Fanlar akademiyasining haqiqiy aʼzosi etib tasdiqlandi

*️Yangi Oʼzbekistonning 2022 – 2026 yillarga moʼljallangan taraqqiyot strategiyasini “Insonga eʼtibor va sifatli taʼlim yili”da amalga oshirishga oid davlat dasturining 173-bandiga muvofiq, Oʼzbekiston Respublikasi Fanlar akademiyasi tashkil topganligining 80 yilligini keng nishonlash, mamlakatimiz ilm-fani nufuzini yanada oshirish, ilmiy-texnologik salohiyatini yuksaltirishda akademik ilm-fanning rolini kuchaytirish maqsadida hamda Oʼzbekiston Respublikasi Fanlar akademiyasi Hayʼati va tegishli fan ixtisosliklari boʼyicha faoliyat koʼrsatayotgan haqiqiy aʼzolarining tavsiyasiga asosan, Toshkent shahridagi Turin politexnika universiteti Tabiiy-matematik fanlar kafedrasi mudiri Tulyaganov Dilshat Ubaydullaevich – Kimyo fanlari boʼyicha Oʼzbekiston Respublikasi Fanlar akademiyasining haqiqiy aʼzosi etib tasdiqlandi.

👏Ustozni ushbu yutuqlari bilan chin qalbimizdan muborakbod etamiz! ilm-fan rivoji yo’lida olib borayotgan fidokorona faoliyatlarida yangi yutuq va omadlar tilab qolamiz!




Universitetda “Zakovat” intellektual o‘yini o‘tkazildi

O‘zbekiston Respublikasi qabul qilinganining 31 yilligi munosabati bilan, joriy yilning 7 dekabr kuni Toshkent shahridagi Turin politexnika universiteti talaba-yoshlar va xodimlar o‘rtasida “Zakovat” intellektual o‘yini tashkil etildi.

O‘yinni tashkil etishdan asosiy maqsad, talabalarni bo‘sh vaqtlarini mazmunli tashkil etish, darsdan tashqari bilimlarini keng doirada yanada mustahkamlash, hamda O‘zbekiston Respublikasi Konstitutsiyasi va davlat madhiyasi buyicha tuplagan bilimlarini mustahkamlash va turli mavzularda o‘zlarini fikrlarini teran ayta bilish ko‘nikmalarini shakllantirishdan iborat.

1-“Evrika” jamoasi

2-“G‘oliblar” jamoasi

3-“Diyor” jamoasi

4-“Erudit” jamoalari ishtirok etdilar.

Klub uchrashuvining moderatori, akademik guruh tyutori Eshonkulov Mirshod uyinga start berib, ishtirokchilarga omad tiladi.

Qizg‘in kechgan baxsda 10 ta savoldan “Evrika” jamoasi oltita savolga to‘g‘ri javob berib 6 ballni, “G‘oliblar” jamoasi ham oltita savolga to‘g‘ri javob berib 6 ballni, “Diyor” jamoasi bitta savolga to‘g‘ri javob berib 1 ballni va “Erudit” jamoasi uchta savolga to‘g‘ri javob berib 3 ballni to‘plashga erishdi. Peshqadamlikda “Evrika” va “G‘oliblar” jamoalari yuqori ballni to‘plashga erishishdi.

Tadbir so‘ngida har bir jamoadan ishtirokchilar ushbu o‘tgan uyinda eng qiziqarli va jamoaga yoqqan savolni aytib o‘tishdi. Keyingi uyinlarda ham talabalar qatnashishlarini va o‘z takliflari bilan fikr almashishni bildirib o‘tdilar.




Malakaviy imtihon topshirish uchun nomzod

Toshkent shahridagi Turin Politexnika universitetida 2023-yil 15-Dekabr soat 11:00 da 05.08.06 – “G‘ildirakli va gusenitsali mashinalar va ularni ishlatish” mutaxassisligi bo‘yicha doktorantlar va mustaqil izlanuvchilar uchun malakaviy imtihon bo‘lib o‘tadi.

Malakaviy imtihon topshirish uchun nomzodlar:

Abdusattorov Nodirjon Abdujalil o’g’li




Universitetda kompyuter texnologiyalarini dasturlash bo‘yicha tanlov tashkil etildi.

Joriy yilning 23-noyabr kuni Toshkent shahridagi Turin politexnika universitetida universitet filiali tomonidan imzolangan Memorandum va O‘zbekiston Respublikasi Prezidentining zarur tashabbusini amalga oshirish doirasida dasturlash va kompyuter texnologiyalari bo‘yicha tanlov bo‘lib o‘tdi.

Mazkur tanlovni o‘tkazishdan maqsad – yoshlar oʻrtasida komputer texnologiyalari va internetdan samarali foydalanishni tashkil etishga qaratilgan, shuningdek mamlakatimiz rivojlanishi uchun ustuvor boʻlgan sohalarda mavjud ijtimoiy-iqtisodiy muammolarga ilmiy yechim izlab topishda yoshlarning faol ishtirokini taʼminlash, yangi innovatsion mahsulotlar ishlab chiqishlari uchun ularning tashabbuslari va takliflariga eʼtiborni yanada kuchaytirish sanaladi.

Musobaqada quyidagi jamoalar ishtirok etishdi:

  • G. V. Plexanov nomidagi RIUning Toshkentdagi filiali
  • “MISIS” MTTU ning Olmaliq shahridagi filiali
    -M.V.Lomonosov nomidagi MDUning Toshkentdagi filiali
  • “Rossiya Federatsiyasi TIVning MDXMI ning Toshkent shahridagi filiali
  • Toshkentdagi Turin politexnika universiteti

Ishtirokchilar samarali va yaxshi muvofiqlashtirilgan jamoaviy ishlash mahoratini namoyish etdilar!
Hakamlar hay’ati qaroriga ko’ra:

1-o‘rin – “MISIS” MTTU ning Olmaliq shahridagi filiali
2-o‘rin – “Rossiya Federatsiyasi TIVning MDXMI ning Toshkent shahridagi filiali

3-o‘rin – Toshkent shahridagi Turin politexnika universiteti egalladi

Tanlov g‘oliblari va ishtirokchilari qimmatbaho sovg‘alar va esdalik sovg‘alari bilan taqdirlandilar!

Universitet rahbariyati jamoalarga faol ishtiroki uchun minnatdorchilik bildiradi! Dekabr oyida talabalarni sport dasturlariga taklif qilamiz!




TTPUda “Yong‘in havfsizligi oyligi” ga bag‘ishlangan tadbir o‘tkazildi

Har yili qish mavsumi arafasida mamlakatimizda yong‘inlar bilan bog‘liq baxtsiz hodisalarning oldini olish maqsadida “Yong‘in xavfsizligi oyligi” o‘tkaziladi.

Toshkent shahar hokimining 2023-yil 16-noyabrdagi Toshkent shahri hududida “Yong‘in xavfsizligi oyligi”ni o‘tkazish to‘g‘risidagi 234-14-0-F/23-sonli Farmoyishida hamda Oliy ta’lim, fan va innovatsiyalar vazirligining 2023-yil 17-noyabrdagi 03/20/416-2/14-180-sonli xati orqali favqulodda vaziyatlarning oldini olish va ularni bartaraf etish bo‘yicha Hukumat komissiyasining 2023-yilning 11-noyabrdagi 86-sonli yig‘ilish bayonida 2023-yil 15-noyabrdan- 15-dekabrgacha “Yong‘in xavfsizligi oyligi” o‘tkazilishi belgilangan.

Shu munosabat bilan “Yong‘in xavfsizligi oyligi” doirasida Toshkent shahridagi Turin politexnika universitetida yong‘inlar, is gazidan zaharlanish va havo gaz aralashmasi chaqnashi bilan bog‘liq noxush holatlarni oldini olish, isitish moslamalaridan foydalanishda xavfsizlik qoidalariga rioya etish va shoshilinch evakuatsiya qilish bo‘yicha talabalar va xodimlarga kerakli tavsiyalar berish, yong‘in xavfsizligini oldini olishga qaratilgan tadbir bo‘lib o‘tdi.

Tadbirda talabalar yong‘in xavfsizligi qoidalari bilan tanishtirdi. Yong‘inning oldini olishga doir o‘tkazilayotgan tadbirlarning maqsad va vazifalari haqida tushuntishlar berib, yong‘inning paydo bo‘lish sabablari, o‘chirish vositalarining ishlatilish tartibi, yong‘in o‘chirish mashinasi va undagi jihozlar, yong‘in sodir bo‘lganda dastlab nimalarga e’tibor qaratish zarurligi haqida gapirib, hayotiy misollar orqali mavzu doirasida kerakli ma’lumotlar berdi.

Tadbirda Toshkent shahar Olmazor tumani Favqulotda vaziyatlar boshqarmasi

shaxsiy tarkibi hamda o‘t o‘chirish ekipaji a’zolari holda universitet hamda akademik litsey talaba-o‘quvchilari uchun ma’ruza va ko‘rgazmali mashg‘ulot bilan ishtirok etdi.




Toshkent shahridagi Turin politexnika universiteti zarur laborator asbob-uskunalar xaridi bo’yicha tender e’lon qiladi

Tender muddati, tender universitetning internet portalida eʼlon qilingan kundan boshlab 10 kalendar kuni deb belgilanadi.

Ilovada zarur laborator asbob-uskunalarning texnik shartlari keltirib o’tilgan

Tenderda ishtirok etish uchun quyidagi talablar qoʻyiladi:

  • tashkilotning Davlat idoralari roʻyxatidan oʻtkazilganligi haqidagi guvohnoma mavjudligi;
  • korxona-tashkilotning faoliyat turi mosligi;
  • shu sohada kamida 3 yildan buyon faoliyati yuritishi;
  • laborator jihozlarni yetkazib berishda tajribaga egaligi;
  • insofsiz ijrochilarning yagona roʻyxatida joylashmaganligi;
  • soliqlar va boshqa majburiy toʻlovlarni toʻlash boʻyicha qarzlar mavjud emasligi.

Takliflar 100095, Oʻzbekiston Respublikasi, Toshkent shahri, Olmazor tumani, Kichik halqa koʻchasi, 17 uy, manzilida tender tashkilotchisi tomonidan qabul qilinadi.

Tender takliflarini ochish, tender muddati yakunlangandan so’ng 5 ish kunida, Toshkent shahridagi Turin politexnika universiteti hududida, xarid komissiyasining yigʻilishida boʻlib oʻtadi.




Toshkent shahridagi Turin politexnika universiteti huzuridagi Ph.D.22/01.02.2022. T.144.01 raqamli Ilmiy Kengash qoshidagi 05.01.08 – “Texnologik jarayonlar va ishlab chiqarishni avtomatlashtirish va boshqarish” ixtisosligi bo‘yicha Ilmiy seminar

2023 yil 27- noyabr soat 14-00 da Toshkent shahridagi Turin Politexnika universiteti Ma’muriy binosining 2-qavat, MAJLISlar xonasida, 05.01.08 – “Texnologik jarayonlarni avtomatlashtirish va boshqarish” ixtisosligi bo’yicha texnika fanlari bo‘yicha falsafa doktori (Ph.D.) ilmiy darajasiga talabgor Alishev Sherqo’zi Abdumannonovichning “Ko’p bosqichli o’zgaruvchi parametrli ob’ektlarni adaptiv boshqarish algoritmlari” mavzusida dissertatsiya ishi muhokamasi uchun Toshkent shahridagi Turin politexnika universiteti huzuridagi raqamli Ilmiy Kengash qoshidagi Ph.D.22/01.02.2022. T.144.01 raqamli Ilmiy seminar majlisi bo’lib o’tadi.

Sana: 2023- 27 Noyabr

Vaqt: 2 p. m. (10.00 a. m. Italiya vaqti)

Joy (joyida): Majlislar xonasi, ma’muriy bino

Joy (onlayn): Zoom uchrashuviga qo’shiling

https://us02web.zoom.us/j/81697734071?pwd=cVErRWtsV1Z1RjNPSUlabTA1VnhnZz09

Konferensiya identifikatori: 816 9773 4071

Кirish kodi: 1111




Toshkent shahridagi Turin politexnika universiteti huzuridagi Ph.D.22/01.02.2022. T.144.01 raqamli Ilmiy Kengash qoshidagi 05.08.06 – “G‘ildirakli va gusenitsali mashinalar va ularni ishlatish” ixtisosligi bo‘yicha Ilmiy seminar

20-noyabr kuni soat 14.00 da Toshkent shahridagi Turin Politexnika universiteti Ma’muriy binosining 2-qavat, MAJLISlar xonasida, 05.08.06 – G‘ildirakli va gusenitsali mashinalar va ularni ishlatish” ixtisosligi boʻyicha texnika fanlari bo‘yicha falsafa doktori (Ph.D.) ilmiy darajasiga talabgor Mavlonov Jamshid Ro’ziboyevichning “Yengil elektr avtomobil yuritmasining komponentlarini tanlash uslubini ishlab chiqish” mavzusidagi dissertatsiya ishi muhokamasi uchun Toshkent shahridagi Turin politexnika universiteti huzuridagi Ph.D.22/01.02.2022.T.144.01 raqamli Ilmiy Kengash qoshidagi Ilmiy seminar majlisi bo’lib o’tadi.

Sana: 2023 yil 22 noyabr

Vaqt: 14:00. (Italiya vaqti bilan 10:00)

O’tkazish joyi (universiteti hududida): konferensiya zali, ma’muriy bino.

Joylashuv (onlayn): Zoom uchrashuviga qo’shilish uchun.

https://us02web.zoom.us/j/81768601756?pwd=ZlI0cjdORzhjU2oyYkF2OEdjMHFjZz09

Meeting ID: 817 6860 1756

Passcode : 1111

PhD.22/01.02.2022.T.144.01 raqamli

Ilmiy Kengash qoshidagi

Ilmiy seminar raisi                                                                          K.A. Sharipov




TTPUda “Yo`llarda xavfsizlikni ta’minlash” mavzusida tadbir o‘tkazildi

2023-yil 8-noyabr kuni Toshkent shahar Turin politexnika universiteti talabalariga “Yo`llarda xavfsizlikni ta’minlash ” mavzusida   tadbir o‘tkazildi.

Tadbirga Toshkent shahar Turin politexnika universiteti 1-bosqich talabalari jalb etildi. Tadbir Respublika miqyosida sodir etilgan yo‘l-transport hodisalari haqida olingan videorolikni qo‘yib berishdan boshlandi.

Shundan so‘ng so‘zga Toshkent shahar IIBB YHXB Axborot xizmati boshlig`i podpolkovnik Q.P.Xudoyberganov chiqib, hozirgi kunnning eng dolzarb masalalaridan biri bu yo‘llarda yo`l-transport hodisalarini oldini olish, fuqarolarga huquqiy tushunchalar berish ekanligi, shu boisdan YHX xodimlari tomonidan ta’lim va tarbiya maskanlarida o`sib kelayotgan yosh avlodlarga targ`ibot tadbirlarini doimiy o’tkazib kelayotganliklarini, o`quvchilar yo`llarda yo piyoda, yo haydovchi yoki yo`lovchi bolib harakat qilsinlar doim yo`l harakati qoidalariga amal qilishlari lozimligini aytib o`tdi. Yo`l harakati qoidalarini buzish holatlari ko`pincha tezlikni oshirish yoki voyaga yetmagan fuqarolarning o`zboshimchalik bilan transport vositalarini boshqarishi natijasida kelib chiqayotganligini aytib o`tdilar. Shu sababli joylarda tegishli reyd tadbirlari o`tkazilayotganligini OAV orqali kun-u tun yoritib fuqarolarga yetkazib borayotganligini tushuntirib o`tdilar.

Shundan so`ng so`zga Olmazor tumani 4-son IIB HPB katta profilaktika inspektori podpolkovnik Sh.N.Yusupov o’quvchi-talabalarga barcha talabalar avtotransport vositalarini boshqarayotganlarida yo`l-harakati qoidalariga amal qilgan holatda boshqarishlari lozimligini aytib o’tdi.

Axborot xizmati xodimi kichik serjant O.T.Bozorov talabalarga aholi gavjum joylarda, katta yo`l trassalarida belgilangan harakatlanish joylaridan, ya’ni piyodalar yo`laklari, tunellardan, ko`tarma ko`priklardan o`tish kerakligi. Erinchoqlik oqibatida turli salbiy holatlar qurboniga aylanib qolmasliklarini, piyodalar yo`laklaridan o`tayotganda uyali aloqa vositalaridan, naushnik va boshqa chalg`ituvchi buyumlardan foydalanish ta’qiqlanishi, foydalanilsa YHX xodimlari tomonidan ma’muriy javobgarlikka tortilishi to`g`risida ogohlantirib o`tdilar. Bundan tashqari avtotransport vositalarini boshqarishdan avval avtotransport vositalarining texnik holatidan xabardor bo’lishlari kerakligini aytib o`tdilar.

Olmazor tumani IIO FMB 4-son IIB XQMBI katta leytenent O.Ismoilova yo`llarda harakatlanish vaqtida hushyorlikka amal qilishlari, bir oz vaqt hushyorlikni yo`qotib yo`l transport hodisasi qurboniga aylanib qolmasliklarini, yo`l belgilariga amal qilgan holda belgilanmagan joylardan yo`llarni kesib o`tmasliklarini, o`zlari bilgan qoidalarni atrofdagilarga ham targ`ib qilishlari lozimligini, o`z shaxsiy avtomobillarini boshqarishda ham kamarlarni taqib tezlikni oshirmagan holda o`z hayotlarini xavfga qo`ymasliklarini tushuntirib o`tdilar.

Ma’ruza so`nggida talalabalarga mavzu yuzasidan o`zlari qiziqtirgan savollarga mutaxassislar tomonidan javoblar berilib yakunlandi va tyutorlar ichki tartib-qoidalarga barcha talabalar bo`ysunishi kerakligini aytib yig`ilishga yakun yasaldi.