18 Sen Shahrisabz kulolchiligi: an’ana va innovatsiya

Kuz mavsumida yurtimizda ko’plab tadbirlar va ko’rgazmalar o’tkazilishi an’anaga aylangan. Shunday ko’rgazmalardan biri 15 sentabr kuni Toshkent shahridagi Kamoliddin Behzod nomidagi Sharq miniatyura san’ati muzeyida bo’lib o’tdi.O‘zbekiston Badiiy Akademiyasi a’zosi Rustam Muzaffarovning “Shahrisabz kulolchiligi: an’ana va innovatsiya” nomli ko‘rgazmasiga universitetimiz talabalari ham tashrif buyurdilar.
Tadbirdan ko‘zlangan maqsad: talaba-yoshlarni o‘zbek milliy san’atiga bo‘lgan e’tiborlarini yanada mustahkamlash, xususan kulolchilik san’ati bilan yaqindan tanishtirib, ushbu hunar vakili bilan uchrashib, suhbat o‘tkazish bo‘ldi.
Talabalarimizga suhbat davomida kulolning shaxsan o‘zi bir necha ishlarini olib ta’riflab, ishlanish tarixini so‘zlab berdi. Shuningdek, kulol o‘zi haqida so‘zlar ekan, u kulolchilarning avlodidan ekani, mashhur Axad Muzaffarovning nabirasi ekani va o‘z ishlarida milliylikni targ‘ib etishi haqida gapirib o‘tdi.
Ushbu ko’rgazma talabalarimizga katta zavq bag’ishladi va milliy hunarmandchiligimiz haqidagi bilimlarini yanada mustahkamlash imkonini berdi.